Gorymdaith y Nadolig Abertawe

Bydd Gorymdaith y Nadolig flynyddol Abertawe yn dod i ganol y ddinas nos Sul 23 Tachwedd 2025 gyda llwybr newydd ar gyfer 2025!

Roedd dawnswyr, bandiau, corau, fflotiau, offer chwyddadwy, cymeriadau wedi’u goleuo, tywysogesau, archarwyr a llawer mwy yn rhan ohoni – gan gynnwys Siôn Corn ei hun, a ddaeth ag ychydig o hwyl yr ŵyl gydag e’ er mwyn cynnau goleuadau’r Nadolig.

Dewch i weld eich hoff dywysogesau ac archarwyr, ac i gael eich syfrdanu gan wisgoedd ac arddangosfeydd swynol wedi’u goleuo. Bydd gorymdaith eleni’n llawn hwyl yr ŵyl gan fod cannoedd o bobl ifanc o grwpiau cymunedol y ddinas wedi achub ar y cyfle i fod yn rhan ohoni.

Bydd tywysogesau ac arwyr, ceirw wedi’u goleuo ac adar enfawr hudol Gwledd y Gaeaf yn ymuno â chast o gannoedd ar gyfer Gorymdaith y Nadolig eleni yng nghanol y ddinas. Bydd cerbyd tywysoges, cymeriadau o’r sioe gerdd boblogaidd, ynghyd â chast o gannoedd o wirfoddolwyr o’r gymuned i’w gweld ar strydoedd canol y ddinas wrth i’r paratoadau gychwyn ar gyfer cyfnod y Nadolig.

Bydd hen ffefrynnau’n dychwelyd a rhai newydd yn ymuno, yn ogystal â goleuadau, cerddoriaeth, peiriannau eira, tân gwyllt a Siôn Corn ei hun! Paratowch i groesawu tymor yr ŵyl mewn steil!

Princess in a snowglobe on a float in the swansea christmas parade

Llwybr Gorymdaith y Nadolig 2025

Hygyrchedd

Bydd synau uchel, goleuadau’n fflachio ac effeithiau arbennig drwy gydol yr orymdaith – os oes angen rhywle mwy tawel arnoch i fwynhau’r orymdaith, bydd y rhan dawelaf tua hanner ffordd ar hyd St Helen’s Road. Sylwer bod natur yr orymdaith yn golygu y bydd sŵn a goleuadau drwy gydol y digwyddiad. Os oes gennych unrhyw bryderon ac rydych am eu trafod ymhellach, ffoniwch ni ar 01792 635428. Bydd ardal wylio hygyrch ar gael ar ran isaf Ffordd y Brenin (pen St Helen’s Road) a yn Neuadd y Ddinas.

Does dim angen cadw lle, dewch ar y noson. Toiledau hygyrch a nifer cyfyngedig o seddi ar gael hefyd yn yr ardaloedd gwylio.

Light up reindeer floats in the swansea christmas parade

Parcio a theithio

Mae gorymdaith eleni'n dechrau am 5.00pm a disgwylir iddi orffen am oddeutu 6.30pm ar ddiwedd Ffordd y Brenin. Sylwer y disgwylir i ganol y ddinas fod yn brysur iawn yn ystod y prynhawn a thrwy gydol y digwyddiad - sicrhewch eich bod yn cynllunio'ch trefniadau teithio yn briodol ac yn caniatáu digon o amser i gyrraedd er mwyn gweld llwybr yr orymdaith!

Gallwch ddod o hyd i'r holl wybodaeth am deithio i'r orymdaith, gan gynnwys pa ffyrdd sydd ar gau a lle i barcio yma.

Hoffech chi noddi'r digwyddiad hwn?

Mae cyfleoedd nawdd ar gael ar gyfer y digwyddiad hwn. Mae pecynnau ar gael sy'n addas i bob cyllideb y gellir eu teilwra i ddiwallu'ch anghenion a'ch amcanion. I gael rhagor o wybodaeth am weithio gyda ni, e-bostiwch zena.laws@swansea.gov.uk

Hoffem ddiolch yn fawr i’r

Cefnogir y prif lwyfan gan Specsavers Abertawe a'r Mwmbwls

Mae Specsavers Abertawe a'r Mwmbwls yn falch o wasanaethu eu cymunedau lleol drwy gynnig gwasanaethau gofal llygaid ac awdioleg arbenigol. Mae'r practis yn Abertawe wedi bod yn rhan ddibynadwy o'r ddinas ers dros 40 mlynedd, gan gynnig cefnogaeth broffesiynol a gofal wedi'i bersonoli i genedlaethau o deuluoedd.

Ym mis Tachwedd 2023, agorwyd cangen Specsavers yn y Mwmbwls, sy'n cynnig yr un gwasanaeth o safon i breswylwyr y pentref arfordirol bywiog hwn. Mae'r ddau bractis yn ymroddedig i newid bywydau drwy wella golwg a chlyw pobl, gan sicrhau bod pob cwsmer yn derbyn archwiliadau llygaid trylwyr, asesiadau clyw a mynediad at y dechnoleg optegol a chlyw ddiweddaraf. P'un a ydych yn trefnu apwyntiad arferol neu am gael cyngor wedi'i deilwra, mae'r timau yn Abertawe a'r Mwmbwls yma i'ch helpu.

Gyda ffocws ar ansawdd, hygyrchedd, a gofal yn y gymuned, mae Specsavers yn parhau i fod yn enw dibynadwy mewn iechyd lleol. Mae eich golwg a'ch clyw yn bwysig - ac yn Specsavers, byddwch mewn dwylo diogel.

Cynnig Gofal Plant i Gymru am gefnogi Trên Bach y Nadolig
Childcare offer sponsor

Y Cynnig Gofal Plant i Gymru: Help gyda chostau gofal plant i rieni cymwys â phlant 3 i 4 oed.
Oes angen help arnoch gyda chostau gofal plant? Dan y Cynnig Gofal Plant i Gymru, gallech hawlio hyd at 30 awr o addysg gynnar a gofal plant yr wythnos, am hyd at 48 wythnos y flwyddyn. Mae’r cynllun gofal plant hwn a ariennir gan y llywodraeth yn ceisio lleihau’r baich o dalu costau gofal plant fel y gallwch wario’r arian rydych wedi’i gynilo ar y pethau sydd bwysicaf i’ch teulu. Mae’r cynnig eisoes wedi helpu rhieni ledled Cymru i ddychwelyd i’r gwaith, cynyddu eu horiau neu weithio’n fwy hyblyg. Os ydych yn chwilio am swydd neu’n ystyried dychwelyd i fyd addysg neu hyfforddiant, ond rydych yn pryderu am gostau gofal plant, gallai’r cymorth hwn wneud byd o wahaniaeth. Peidiwch â cholli allan ar eich cyfran chi o’r cyllid gofal plant hwn. Gwnewch gais nawr i dderbyn gofal plant a ariennir.

Day’s Rental a Day’s Motor Group am ddarparu’r cerbyd cymorth