Archwiliwch safle Pen-maen, pentref hynafol wedi’i gladdu gan dywod. Mwynhewch olygfeydd godidog o Fae y Tri Chlogwyn. Mwynhewch y blodau gwyllt sy’n arogli’n hyfryd. Dyma enghreifftiau o’r wledd y gallwch ei mwynhau ar hyd y llwybr hwn.
Crynodeb o’r Daith Gerdded
Dechrau a Gorffen: Safle bws ym Mhen-maen. Pellter: Oddeutu 1 1/4 milltir (2km). Amser:1/2 awr – 1 awr. Natur y tir: Mae arwyneb y tir yn amrywio o galed i feddal ac anwastad. Mae 2 lethr serth. Gwybodaeth am Ddiogelwch: Byddwch yn ofalus wrth groesi’r ffordd brysur. Mae’r llwybr yn agos at glogwyni a llethrau serth uwch ben yr arfordir. Byddwch yn barod: Gwisgwch ddillad ac esgidiau sy’n addas ar gyfer yr amodau a’r tymor. Gwybodaeth ddefnyddiol: Siop/caffi a thafarn yn Parkmill, 2 filltir tuag at Abertawe. Dim toiledau cyhoeddus.
Gyda thros 400 milltir o hawliau tramwy, sy’n cynnwys un o ddarnau mwyaf atyniadol Llwybr Arfordir Cymru (y cyntaf erioed i ffinio arfordir cenedl gyfan), mae gennym lwybrau sy’n addas ar gyfer pob oedran, gallu a lefel ffitrwydd.
