Mae hon yn daith gerdded gymharol hawdd o amgylch Cronfa Ddŵr Lliw Isaf, lle gallwch fwynhau golygfeydd hyfryd o Ddyffryn Lliw.
Cwblhawyd yr argae sy’n dal Cronfa Ddŵr Lliw Isaf ym 1867. Fodd bynnag, nid oedd yn gwbl ddwrglos pan gafodd ei chwblhau, sefyllfa a gywirwyd ym 1979 pan gafodd ei hailadeiladu – 112 o flynyddoedd ar ôl iddi gael ei hadeiladu’n gyntaf.
Roedd y gronfa’n cyflenwi dŵr i Abertawe’n wreiddiol, ond heddiw, ar ôl iddo gael ei drin yng Ngwaith Dŵr Felindre, caiff y dŵr ei bwmpio ar draws pob ran o dde Cymru.
Cloddiwyd am lo yn yr ardal slawer dydd ac mae’r llwybr yn mynd heibio un o’r adeiladau yng Nglofa Felindre, sydd heb ei ddefnyddio ers dros gant o flynyddoedd.
Crynodeb o’r Daith Gerdded
Pellter: 3 milltir (4.8km). Amser: 1.5-3 awr. Math o daith gerdded: Hawdd. Byddwch yn barod: Gwisgwch esgidiau addas. Gwybodaeth am ddiogelwch: Cadwch lygad am y grisiau. Ceir llwybr troed cul â chwymp serth. Gwybodaeth ddefnyddiol: Mae’r llwybr yn cynnwys tir anwastad: arwynebau caled, cadarn a llyfn. Parcio ar gael ym maes parcio Cronfa Ddŵr Lliw. Ar agor tan 6.00 yn y prynhawn. Lluniaeth a thoiledau cyhoeddus - ar gael ar ddechrau’r llwybr. Gwasanaeth cludfwyd un unig ar hyn o bryd.
Gyda thros 400 milltir o hawliau tramwy, sy’n cynnwys un o ddarnau mwyaf atyniadol Llwybr Arfordir Cymru (y cyntaf erioed i ffinio arfordir cenedl gyfan), mae gennym lwybrau sy’n addas ar gyfer pob oedran, gallu a lefel ffitrwydd.
