Wrth i'r dyddiau fynd yn fyrrach ac yn oerach, does dim byd yn well na'r hydref ym Mae Abertawe. P'un a ydych chi'n mynd am benwythnos neu am gyfnod hwy, mae digonedd o bethau i'w gweld a'u gwneud.
Os ydych chi'n mwynhau athletau neu am herio'ch hun y tymor hwn, beth am gymryd rhan yn ras 10k flynyddol Bae Abertawe Admiral? Mae'r ras yn berffaith ar gyfer rhedwyr profiadol sy'n ceisio curo'u hamser gorau neu bobl sy'n rhedeg am y tro cyntaf a rhedwyr hwyl! Gyda chyfle i fwynhau golygfeydd gwych Bae Abertawe, dyma'r ffordd berffaith o groesawu'r hydref.
Hefyd, dyma'r amser perffaith i wylio sioe neu ddwy yng nghanol y ddinas, naill ai yn Theatr y Grand hanesyddol neu gallwch fwynhau goleuadau gwych Arena Abertawe. Ar ôl hynny, gallwch ymlacio gyda ffrindiau wrth i chi fwyta yn un o'r nifer o fwytai sydd ar gael.
Ond cofiwch, wrth i'r nosweithiau ddechrau tywyllu ym mis Hydref, mae'r ysbrydion a'r ellyllon eisiau chwarae! Mae digon o hwyl ar gael i bobl o bob oedran bob Calan Gaeaf gyda'n digwyddiadau blynyddol Ysbrydion yn y Ddinas a Thrên Bwganod Nos Galan Gaeaf, yn ogystal â digwyddiadau bwganllyd yng Nghastell Ystumllwynarth. Ydych chi'n awyddus i gael rhagor o wybodaeth am ddigwyddiadau rhyfedd yn Abertawe? Cymerwch gip ar ein hadran hanes ar gyfer gweithgarwch goruwchnaturiol...
Ni waeth pa adeg o'r flwyddyn byddwch yn ymweld â Bae Abertawe, y Mwmbwls a Gŵyr, mae rhaglen ddigwyddiadau ffyniannus, golygfeydd gwych i'w harchwilio a bwydydd lleol blasus.
Dewch i ddysgu am dreftadaeth forol y ddinas – mae Abertawe’n gartref i’r amgueddfa hynaf a’r amgueddfa fwyaf cyfoes yng Nghymru, ac mae mynediad am ddim i'r ddwy! Os ydych chi'n hoff o gelf…
Mae Abertawe'n enwog am ei bwyd, ac ni waeth pa fath o fwyd yr hoffech chi ei fwyta, gallwch ddod o hyd i bopeth hyd yn oed ar gyfer y ciniawyr mwyaf gwybodus yn Abertawe, o gaffis clyd i brofiadau bwyta seren…
Mae lleoliad Bae Abertawe a Gŵyr yn golygu bod gennym lwyth o opsiynau gweithgareddau ar gael. Gallwch archwilio’r arfordir a chefn gwlad ar droed, ar gefn beic neu drwy farchogaeth, ac mae pob math o chwaraeon dŵr ar gael!
