Mae Llwybr Rheilffordd y Mwmbwls yn deyrnged barhaol i Reilffordd y Mwmbwls hanesyddol. Mae'n diogelu etifeddiaeth y rheilffordd drwy lwybr cerdded dynodedig sy'n dilyn hen lwybr y rheilffordd.
Ar hyd y llwybr 5.5 milltir o hyd mae 11 o arwyddion gorsaf haearn bwrw replica yn nodi lleoliadau allweddol. Mae pob arwydd yn cynnwys côd QR y gellir ei sganio â ffôn clyfar er mwyn gwylio ffilmiau archif, gweld ffotograffau hanesyddol, gweld sut y byddai'r tramiau coch enwog a gorsafoedd penodol wedi edrych gan ddefnyddio realiti estynedig, yn ogystal â gwrando ar sylwebaeth ac atgofion personol o'r rheilffordd.
Mae byrddau gwybodaeth, posteri a murluniau ychwanegol yn rhoi mewnwelediad pellach i fannau allweddol ar hyd y llwybr.
Mae'r llwybr yn dechrau yn Rutland Street, y tu allan i LC Abertawe, a gellir ei ddilyn ar droed yr holl ffordd i Bier y Mwmbwls.
