Ydych chi'n chwilio am groeso cynnes? Arhoswch mewn llety gwely a brecwast ym Mae Abertawe, y Mwmbwls neu benrhyn Gŵyr. Bydd lletywyr cyfeillgar yn gofalu amdanoch ac yn rhannu gair i gall o safbwynt lleol. Edrychwch ymlaen at frecwast cartref blasus i ddechrau eich diwrnod anturus ym Mae Abertawe a Gŵyr. P'un a ydych yn ymweld am benwythnos neu am gyfnod estynedig, bydd gwestai gwely a brecwast yn Abertawe yn cynnig croeso Cymreig cynnes i chi.
