Croeso i Fae Abertawe, y Mwmbwls a Gŵyr!
Mae Bae Abertawe yn ne Cymru'n gyrchfan arfordirol croesawgar ac amrywiol sy'n frwd dros ddiwylliant, creadigrwydd a chynaliadwyedd. Mae ardal Bae Abertawe'n cynnwys Gŵyr, y Mwmbwls, canol dinas Abertawe ac Abertawe wledig.
Dinas Abertawe yw ail ddinas fwyaf Cymru, ac mae wedi datblygu i fod yn gyrchfan cyfoes sy'n ffynnu ac sy'n cynnig bywyd nos gwych, llawer o fwytai a chaffis, lleoliadau diwylliannol niferus a fydd yn eich ysbrydoli trwy gelf, theatr a hanes, a digon o atyniadau awyr agored i chi eu mwynhau.
Mae penrhyn Gŵyr a'r Mwmbwls yn berffaith ar gyfer creu atgofion melys ar lan y môr - o wyliau difyr i'r teulu a phenwythnosau rhamantus, i gerdded, chwaraeon dŵr a seibiannau gwych i bobl sy'n dwlu ar fwyd, gyda morlin a thraethau anghredadwy sy'n ymestyn dros filltiroedd. Rydym hefyd yn gartref i Dirwedd Genedlaethol Gŵyr - ardal o harddwch naturiol eithriadol, sef yr un gyntaf a enwyd yn y DU ym 1956.
Mae Abertawe wledig yn berffaith i'r rheini sy'n gobeithio cymryd seibiant o fywyd prysur y ddinas gyda digon o lynnoedd, parciau, llwybrau cerdded a mannau agored i bawb eu mwynhau.
O fywyd nos i ddigwyddiadau mawr ac o'r ddinas i'r môr, byddwch yn siŵr o ddod o hyd i ffordd o sicrhau mai Bae Abertawe yw eich lle hapus!
