Polisi Preifatrwydd
Bydd y polisi preifatrwydd hwn yn eich helpu i ddeall yr wybodaeth bersonol y mae Croeso Bae Abertawe yn casglu gennych er mwyn darparu gwybodaeth am ymweld â'r ardal, sut rydym yn cadw ac yn defnyddio'r wybodaeth honno, a'r dewisiadau sydd gennych pan fyddwch wedi darparu eich gwybodaeth bersonol i ni.
Pwy ydym ni
Mae Tîm Rheoli Cyrchfannau a Marchnata Cyngor Abertawe yn berchen ar croesobaeabertawe.com ac yn ei rheoli. Y Tîm Rheoli Cyrchfannau a Marchnata yw darparwr swyddogol gwybodaeth i dwristiaid ar gyfer Bae Abertawe (Abertawe, y Mwmbwls a Gŵyr).
At ddibenion Rheoliad Cyffredinol ar Ddiogelu Data 2016, Cyngor Abertawe yw'r rheolwr data ar gyfer yr wybodaeth bersonol rydych chi'n ei darparu ar y wefan hon. Gallwch weld polisi preifatrwydd llawn y cyngor, gan gynnwys manylion cyswllt, yn www.abertawe.gov.uk/hysbysiadpreifatrwydd
Gallwch hefyd gysylltu â Croeso Bae Abertawe yn y cyfeiriad canlynol:
Y Tîm Rheoli Cyrchfannau a Marchnata
Cyngor Abertawe
Ystafell 136
Neuadd y Ddinas
Abertawe
SA1 4PE
01792 635214
Sut rydym yn defnyddio'r manylion personol rydych yn eu rhoi i ni
Ffynhonnell yr holl ddata personol sydd gennym yw'r wybodaeth a ddarperir gennych chi ar ôl i chi benderfynu derbyn gwybodaeth.
Mae cyfraith diogelu data'n disgrifio'r sail gyfreithiol ar gyfer prosesu'ch data fel caniatâd.
E-bost
Rydym yn defnyddio system e-bostio Mailchimp i roi'r newyddion diweddaraf i chi am ddigwyddiadau, cynigion arbennig neu weithgareddau sydd efallai o ddiddordeb i chi. Cesglir y data personol hwn pan fyddwch yn rhoi caniatâd eich bod am gael yr wybodaeth ddiweddaraf am ymweld â'r ardal.
Er mwyn gwneud hyn rydym yn casglu'ch cyfeiriad e-bost, ac os hoffech ei ddarparu, eich enw, yn ogystal â'r math o wybodaeth yr hoffech chi ei derbyn drwy e-bost.
 phwy rydym yn rhannu eich gwybodaeth
Lle cyflwynir e-byst drwy dudalen rhestru busnes, er enghraifft gwesty neu ddarparwr gweithgaredd, anfonir yr holl ymholiadau yn uniongyrchol i’r busnes priodol hwnnw gyda'ch caniatâd. Heblaw am dderbynnydd trydydd parti yr ymholiad, ni chaiff y data ei drosglwyddo neu ei werthu i unrhyw drydydd parti arall.
Rydym yn defnyddio picsel Facebook ar ein gwefan os ydych wedi cytuno i hyn. Mae hyn yn helpu i optimeiddio hysbysebion yn seiliedig ar ddata a gasglwyd er mwyn dangos unrhyw hysbysebion i chi sydd efallai o ddiddordeb i chi. Gallwch ddatdanysgrifio yma neu newid eich dewisiadau cwcis yn eich porwr.
Gan ddefnyddio data a gesglir gan croesobaeabertawe.com, efallai caiff cynulleidfaoedd a dargedir at ddibenion hysbysebu eu creu ar lwyfannau trydydd parti, gan gynnwys Facebook a Google (ond heb fod yn gyfyngedig i’r rhain). Rydym yn mesur gweithgareddau yn ôl nifer y gweithredoedd a gwblhawyd ac nid ydym yn gwneud unrhyw ymdrech i ddefnyddio unrhyw ddata sy'n galluogi adnabod unigolion er mwyn nodi gweithredoedd unigolion.
Am ba hyd rydym yn cadw eich data
Ni chedwir data am gyfnod hwy nag sy'n angenrheidiol, ac mae'r cyngor yn dilyn canllawiau cyfreithiol ynghylch am ba hyd y cedwir gwybodaeth cyn iddi gael ei dinistrio, a hynny’n ddiogel. Rydym yn cadw'ch data am gyhyd ag y mae angen neu tan i chi benderfynu datdanysgrifio o dderbyn ein deunydd marchnata.
Sut a phryd rydym yn cysylltu â chi
Os ydych wedi dewis derbyn e-byst, byddwn yn cysylltu â chi i roi gwybodaeth a newyddion i chi am ddigwyddiadau a gweithgareddau ym Mae Abertawe, y Mwmbwls a phenrhyn Gŵyr.
Sut i ddatdanysgrifio
Gallwch ddewis tynnu'ch caniatâd yn ôl ar unrhyw adeg trwy newid eich dewisiadau neu drwy ddatdanysgrifio trwy unrhyw un o'r e-byst rydym yn eu hanfon, ar wefan Croeso Bae Abertawe neu drwy gysylltu â ni gan ddefnyddio'r manylion uchod.
Eich hawliau preifatrwydd
Mae eich gwybodaeth wedi'i storio'n ddiogel gan Gyngor Abertawe at y dibenion a ddisgrifir uchod.
Ni fyddwn yn rhannu'ch data ag unrhyw drydydd parti heb eich caniatâd clir oni bai fod gofyn i ni neu y caniateir i ni wneud hynny yn ôl y gyfraith, heblaw am achlysuron lle'r ydych wedi cyflwyno ymholiad drwy dudalen rhestru busnesau fel a ddisgrifir uchod.
Mae gennych yr hawl i ofyn i ni am gopi llawn o unrhyw wybodaeth bersonol sydd gennym amdanoch, ac mae'n rhaid i ni ddarparu hyn o fewn mis calendr ac am ddim.
Os ydych chi'n credu bod yr wybodaeth bersonol sydd gennym yn anghywir, er enghraifft os yw'ch manylion cyswllt wedi newid, mae gennych chi'r hawl i fynnu bod unrhyw ddata anghywir sydd gennym amdanoch yn cael ei gywiro heb oedi.
Os ydych chi'n credu ein bod yn cadw'ch data personol am gyfnod sy'n hwy na'r cyfnod cadw, mae gennych chi'r hawl i ofyn am ei ddileu heb oedi. Mae gennych chi'r hawl hefyd i ofyn i ni ddileu'r holl ddata personol sydd gennym amdanoch o fewn terfyn amser rhesymol.
Tudalen cwcis
Mae'r polisi preifatrwydd hwn yn cynnwys defnyddio gwybodaeth bersonol adnabyddadwy y mae Cyngor Abertawe'n ei chasglu pan fyddwch yn cyrchu www.croesobaeabertawe.com.
Pan fydd rhywun yn mynd i www.croesobaeabertawe.com, rydym yn casglu gwybodaeth ffeiliau cofnodi gwe safonol a manylion am batrymau ymddygiad pobl sy'n mynd i'r wefan. Rydym yn gwneud hyn i gasglu gwybodaeth am bethau megis nifer y bobl sy'n mynd i wahanol rannau o'r wefan. Rydym yn casglu'r wybodaeth hon mewn modd nad yw'n datgelu pwy yw'r unigolyn. Ni fyddwn yn gwneud unrhyw ymgais i wybod pwy yw'r unigolion sy'n ymweld â'n gwefan. Ni fyddwn yn cysylltu unrhyw ddata a gesglir o'r wefan hon ag unrhyw wybodaeth bersonol a ddaw o unrhyw ffynhonnell. Os ydym yn dymuno casglu gwybodaeth bersonol trwy ein gwefan a fydd yn ein galluogi i adnabod yr unigolyn, byddwn yn dweud hyn wrthych ymlaen llaw. Pan fyddwn yn casglu gwybodaeth bersonol, byddwn yn gwneud hynny'n amlwg a byddwn yn esbonio sut rydym yn bwriadu ei defnyddio. Gallwch gael mwy o wybodaeth am ein Polisi Cwcis yma.
