Ni yw Tîm Chwaraeon ac Iechyd Cyngor Abertawe. Tîm brwdfrydig a deinamig o weithwyr proffesiynol datblygu chwaraeon ac ymarfer corff, sy’n ymrwymedig i hyrwyddo cyfranogaeth gydol oes mewn chwaraeon a gweithgarwch corfforol.
Mae ein tîm yn canolbwyntio ar amrywiaeth o ardaloedd i sicrhau bod pawb yn deall pwysigrwydd bod yn actif a bod gan bawb y cyfle i gymryd rhan.
Rydym yn cefnogi clybiau, ysgolion a thimau lleol i hyrwyddo lles a ffordd o fyw actif ar draws Abertawe. Rydym hefyd yn cynnal ystod o sesiynau wythnosol i bobl gymryd rhan mewn chwaraeon waeth beth fo’u hoedran neu brofiad.
P’un a ydych yn newydd i chwaraeon neu’n athletwr, mae gan chwaraeon ac iechyd ddigon i’w gynnig!
Mae gweithgareddau newydd yn cael eu lansio’n rheolaidd; cymerwch gip ar y rhestr lawn o weithgareddau a chadwch le yn TicketSource.
Bob gwyliau mae gennym amserlen o sesiynau rhad ac am ddim a chost isel ar draws Abertawe. Cofrestrwch ar gyfer ein cylchlythyr i dderbyn y diweddaraf am sesiynau gwyliau. Hoffwch ein tudalennau Facebook a Twitter/X ac Instagram.
Cynllun Cenedlaethol i Atgyfeirio Cleifion i Wneud Ymarfer Corff (NERS)
Nod y cynllun yw annog unigolion nad ydynt yn actif ar hyn o bryd i gymryd rhan mewn chwaraeon fel rhan o raglen ataliol neu adsefydlu. Mae’r cynllun yn gweithio mewn partneriaeth â gweithwyr iechyd proffesiynol yn Abertawe gan gynnwys meddygon teulu lleol, nyrsys meddygfeydd, deietegwyr, ffisiotherapyddion, nyrsys diabetig, seicolegwyr a therapyddion galwedigaethol.
60+
Ydych chi dros 60 oed ac eisiau bod yn actif? Mae gennym yr ateb i chi! Rydym yma i helpu i’ch ysgogi a’ch cefnogi ar eich taith i ddod yn actif. Rydym am ehangu ein rhaglen 60+ – os oes gennych unrhyw awgrymiadau, ffoniwch ni ar 01792 635452 neu e-bostiwch ChwaraeonacIechyd@abertawe.gov.uk
Ceir sawl ffurf o ymarfer corff ysgafn dyddiol fel cerdded ar gyflymder araf, codi i wneud paned o de a defnyddio sugnwr llwch i lanhau. Gall wneud ymarfer corff fel garddio, ymarferion gan ddefnyddio pwysau eich corff eich hun neu gario bagiau siopa ddwywaith yr wythnos helpu i wella cryfder, cydbwysedd a hyblygrwydd. (dolen i dudalen oedolion hŷn y GIG?)
ParkLives
Mae ParkLives yn cynnig gweithgareddau hwyliog mewn parciau, gan annog pobl i wneud ffrindiau newydd a mwynhau’r mannau gwyrdd yn eu cymuned leol.
O feiciau cydbwysedd a sesiynau dros dro i droeon iechyd yn y gymuned, yn ogystal â T’ai Chi, cerdded Nordig a ffitrwydd effaith isel, mae amrywiaeth o sesiynau ParkLives sy’n addas i bawb. Mae’r gweithgareddau, sydd wedi’u hamserlenni, fel arfer yn para awr a chânt eu harwain gan arweinwyr sesiwn cefnogol a chyfeillgar sydd wedi’u hyfforddi a gwirfoddolwyr o’r gymuned leol.
Us Girls
Cynhelir ein gwersylloedd Us Girls poblogaidd iawn yn ystod y gwyliau ysgol mewn partneriaeth â Freedom Leisure. Maent yn gyfle i ferched rhwng 8 a 14 oed ddod ynghyd mewn amgylchedd difyr a chyfeillgar heb feirniadaeth i roi cynnig ar amrywiaeth o gampau a gweithgareddau, gan gynnwys dawns, pêl-osgoi, nofio a mwy!
Ynghyd â rhoi cynnig ar gampau a gweithgareddau newydd, bydd y merched yn cael cyfle i gwrdd â ffrindiau newydd a thrafod pynciau sy’n berthnasol iddyn nhw, fel ‘rhwystrau i chwaraeon’ a ‘phwysigrwydd bod yn actif’. Mae’r tîm Chwaraeon ac Iechyd yn ymroddedig i sicrhau bod yr holl ferched sy’n mynychu’r gwersyll Us Girls yn cael croeso cynnes, yn cael hwyl ac yn bwysicaf oll yn cael cyfle i fagu hyder a chredu ynddyn nhw eu hunain i roi cynnig ar bethau cwbl newydd.
GemauStryd
Mae ein gwersyll GemauStryd hynod boblogaidd yn cynnig amgylchedd difyr, cyfeillgar a heb feirniadaeth i fechgyn a merched rhwng 8 a 14 oed.
Ar y diwrnod bydd pobl ifanc yn cael cyfle i roi cynnig ar sesiynau ‘Nerf’, pêl-osgoi, aml-gampau, nofio, offer chwyddadwy a mwy! Mae’n sicr o fod yn ddiwrnod llawn hwyl.
Mae lleoedd yn llenwi’n gyflym ar gyfer ein gwersylloedd chwaraeon felly sicrhewch eich bod yn cadw’ch lle cyn gynted â phosib drwy ffonio Canolfan Hamdden Freedom Leisure – Pen-lan ar (01792) 588079 neu ewch ar-lein i https://www.freedom-leisure.co.uk/centres/penlan-leisure-centre/book-session/
Chwaraeon i’r anabl
Mae gennym glybiau anabledd a chlybiau prif ffrwd cynhwysol sy’n cwmpasu’r rhan fwyaf o’r prif gampau, ond os oes unrhyw beth y mae gennych ddiddordeb mewn rhoi cynnig arno nad yw wedi’i restru isod, yna ffoniwch ni ar 01792 635218 neu e-bostiwch Chwaraeon ac Iechyd Abertawe. Darganfyddwch ragor ar y dudalen Chwaraeon i’r Anabl
Chwaraeon Cymunedol
Byddai Tîm Chwaraeon Cymunedol Abertawe’n hoffi gweld pob plentyn yn dwlu ar chwaraeon am oes. Darganfyddwch ragor am Lysgenhadon Ifanc, Llythrennedd Corfforol a Phobl Ifanc Actif.
Cerdded
Mae cynifer o lwybrau a lleoedd cyffrous i’w harchwilio ar draws Abertawe a Gŵyr. I ddarganfod mwy cliciwch yma.
Mae’r tîm Datblygu Cerdded wedi hyfforddi dros 250 o Arweinwyr Cerdded Iechyd ac wedi helpu i ddechrau 35 o droeon iechyd cyhoeddus yn Abertawe, ynghyd â mwy gyda’r GIG a sefydliadau proffesiynol eraill. Mae’r troeon ar gael i’w gweld yn https://www.abertawe.gov.uk/iachgerdded?lang=cy. Os ydych chi am ddechrau tro iechyd neu gael eich hyfforddi cysylltwch â John.Ashley@abertawe.gov.uk.
Mae llawer o gerddwyr iechyd yn mynd ymlaen i ymuno â’r grwpiau cerdded hamdden ar draws Abertawe a Gŵyr.
Mae cynifer o lwybrau a lleoedd cyffrous i’w harchwilio. Ewchi https://www.abertawe.gov.uk/cerdded?lang=cy i weld rhestr o’r grwpiau ac i ddod o hyd i deithiau cerdded hunanarweinedig ar gyfer pob gallu y gellir eu lawrlwytho.
Ydych chi’n awyddus i wybod mwy?
Mae mwy o wybodaeth am yr hyn y mae’r gwasanaeth yn ei gynnig a sut y gallwch gymryd rhan – cymerwch gip arni!
Rydym yn gobeithio eich gweld chi’n fuan yn un o’n gweithgareddau, ac os nad ydych chi eisoes yn gwneud, sicrhewch eich bod yn ein dilyn ni ar Facebook a Twitter, Instagram ac YouTube , a chofrestrwch ar gyfer ein rhestr bostio Chwaraeon ac Iechyd i fod y cyntaf i glywed ein newyddion ac i gael rhagor o wybodaeth amdanom.
