Beach House, Oxwich Bay

Cyn troad y flwyddyn, bydd y bwyty'n cynnal ei Noson Pen-cogyddion Gwadd gyntaf ym mis Hydref gyda dau o brif gogyddion de-orllewin Cymru, Will Holland ac Allister Barsby. Byddant yn ymuno â'r Prif Ben-cogydd Hywel Griffith i arddangos y cynnyrch Cymreig gorau gyda bwydlen flasu chwe chwrs a grëwyd yn arbennig.

Ym mis Tachwedd, bydd Rheolwr ein Bwyty, Alice Bussi sy'n hanu o Liguria, yn gweithio gyda'n Prif Ben-cogydd Hywel i lunio cinio arbennig gyda gwinoedd coeth o bob rhan o'r Eidal sydd wedi'u dewis i gyd-fynd â'r bwyd.

Ar ddechrau 2018, bydd Hywel ac Alice yn falch o groesawu'r ddau pen-cogydd o Gymru y mae ganddynt sêr Michelin sef Hywel Jones o'r enwog Lucknam Park ger Caerfaddon, a Bryan Webb o Dyddyn Llan yng ngogledd Cymru.

Meddai Hywel Griffith, y Prif Ben-cogydd,
‘Rydym wedi cael haf gwych ac mae wedi bod yn bleser gwirioneddol gwneud cynifer o ffrindiau newydd ym mro Gŵyr. Roeddem am gynnig rhywbeth ychydig yn wahanol i'n gwesteion dros yr hydref a'r gaeaf, felly rydym yn falch o fod wedi gallu trefnu'r gyfres hon o nosweithiau arbennig. Maent yn ffordd wych i'n gwesteion brofi arddulliau coginio gwahanol gan ben-cogyddion blaenllaw y DU heb orfod teithio ar draws y wlad i wneud hynny."