Llwybr Cerdded rhwng Langland a Bae Caswell
Llwybr hygyrch yn bennaf gyda golygfeydd dros Fôr Hafren i ogledd Dyfnaint a thu hwnt.
Crynodeb o’r Daith Gerdded
Pellter: 2 milltir (3.2 km).
Amser: 1-2 awr.
Math o daith gerdded: Hawdd. Cylch.
Byddwch yn barod: Llwybrau’r arfordir, rhes o risiau. Mae’r wyneb yn amrywio o fod yn galed a chadarn i fod yn llyfn ac anesmwyth.
Diogelwch: Mae’r llwybr yn croesi cwrs golff – cadwch lygad am beli golff yn yr awyr! Mae’r llwybr hwn hefyd yn cynnwys grisiau. Mae amrywiaeth eang o luniaeth a phrydau ar gael yng Ngwesty Bae Oxwich a siop y pentref. Mae toiledau gyferbyn â’r gwesty.

Uchafbwyntiau
- Er bod y rhan hwn o arfordir Gŵyr yn eithaf agos at bentref prysur y Mwmbwls, mae’r bywyd gwyllt sydd ar gael yma’n gyffredin ar draws ardal gyfan Gŵyr. Cadwch lygad am y frân goesgoch brin yn yr awyr – dim ond 3 neu 4 pâr ohonynt sy’n byw yn ardal Gŵyr. Mae ei chân unigryw a’i phig a’i choesau cochion yn ei gwahaniaethu o’r frân gyffredin sy’n debyg iddi.
- Mae adar cymharol brin eraill yn cynnwys yr hebog tramor a’r gigfran, ac efallai y byddwch yn gweld (neu’n clywed) cnocell werdd, ehedydd, boncath, nico bach, coch y berllan a chlochdar y cerrig.
- Gellir gweld morloi llwyd yn aml wrth iddynt ddod i’r wyneb ar y môr. Efallai y byddwch yn ddigon lwcus i weld llamhidyddion, sy’n fwy prin, neu hyd yn oed heulforgi.
- Ar y lan, efallai y dewch chi ar draws nadroedd defaid, madfallod a gwiberod yn torheulo yn yr haul, ond er eu bod yn gyffredin, maent yn greaduriaid swil ac fel arfer maent yn anodd eu gweld.
- Yn ogystal â’r eithin a’r grug toreithiog, gellir gweld blodau mwy prin ewinor melyn ym mis Ebrill.
- Edrychwch ar y clogwyni rhwng Caswell a Langland hefyd i weld a allwch weld unrhyw ffurfiannau yn y creigiau. Mae’r ffurfiannau creigiau yn yr ardal hon yn bwysig yn ddaearegol ac fe’i nodwyd yn Safle o Ddiddordeb Gwyddonol Arbennig.
Gwybodaeth ddefnyddiol
Tîm Mynediad i Gefn Gwlad Cyngor Abertawe
01792 635746 neu 01792 635230
countrysideaccess@swansea.gov.uk
Dolenni ychwanegol
Efallai y byddwch hefyd yn hoffi...
Lles
Mae bob tro’n bwysig i edrych ar ôl eich hunain, i fanteisio ar yr awyr agored ac i ddod…
Addas i Gŵn
Does dim rhaid i'ch anifail anwes aros gartref pan fyddwch yn archwilio Bae Abertawe oherwydd…
Pethau i’w Dwneud yn yr Awyr Agored
Rydym yn cynnig mwy na syrffio, padlo bwrdd ar eich traed, arfordiro a chaiacio yn unig ym Mae…
Lleoedd i Aros
Ni waeth a ydych yn chwilio am le i aros, mae gan Fae Abertawe rywbeth at ddant pawb.
Llwybrau Cerdded
Gyda thros 400 milltir o hawliau tramwy, sy’n cynnwys un o ddarnau mwyaf atyniadol Llwybr Arfordir Cymru (y cyntaf erioed i ffinio arfordir cenedl gyfan), mae gennym lwybrau sy’n addas ar gyfer pob oedran, gallu a lefel ffitrwydd.