Ysbrydion yn y Ddinas

Mae Ysbrydion yn y Ddinas yn ôl, a'r thema eleni yw Angenfilod Afreolus! Dydd Sadwrn 25 Hydref, St Davids Place a Pharc Amy Dillwyn. 

Cynnig Gofal Plant Cymru, prif bartner cefnogi Ysbrydion yn y Ddinas.

Bydd dwy ardal i'w harchwilio, a bydd y digwyddiad yn cael ei gynnal yn hwyrach rhwng 3pm ac 8pm, felly gall y teulu cyfan ei fwynhau!

Mae St Davids Place yn berffaith ar gyfer teuluoedd - mae'r ardal fywiog hon yn cynnwys prif lwyfan sy'n llawn adloniant i blant gyda chefnogaeth Dechrau'n Deg, gemau, cerddoriaeth, cystadleuaeth gwisg ffansi a pherfformiadau gan ddiddanwyr proffesiynol. Ond cofiwch - bydd creaduriaid yn crwydro'r sgwâr, yn barod i ddychryn a diddanu gwesteion iau. 

Bydd Mark Rees yn adrodd straeon arswydus fel rhan o’r sgwrs Halloween in Wales: Folkore, Monsters and Swansea's Most Haunted Places am 4pm a 7pm.

Rhowch gynnig ar y llwybr lluniau Angenfilod Afreolus yn St David's Place, y bont fygythiol a pharc Amy Dillwyn gyda'r hwyr. Dewch o hyd i'r wyth bwystfil i gael eich cynnwys mewn cystadleuaeth raffl sy'n cynnwys cyfres o wobrau fel pâr o docynnau ar gyfer gêm gynghrair gartref Clwb Pêl-droed Dinas Abertawe 2025-26, crys y Gweilch, tocyn teulu i Arddangosfa Tân Gwyllt Cyngor Abertawe a mynediad i'r teulu i'r ardal VIP yng Ngorymdaith y Nadolig.

Mae rhagor o wobrau gwych ar gael i'w hennill yn y Gystadleuaeth Gwisg Ffansi!
Mae 4 categori, gall pob oedran gymryd rhan ac mae'r gwobrau sydd ar gael yn cynnwys: Tocynnau ar gyfer digwyddiad Comic Con yn Arena Swansea Building Society, mynediad i'r teulu i'r ardal VIP yng Ngorymdaith y Nadolig, tocynnau i Ŵyl Wyddoniaeth Abertawe, tocyn teulu i Arddangosfa Tân Gwyllt Cyngor Abertawe, gwobrau Lazerzone, profiad bwydo crocodeilod arbennig yn Plantasia... a thegan meddal.

Dyma'r categorïau:

• Y Creadur/Anghenfil Gorau - Oedolyn
• Y Creadur/Anghenfil Gorau - Plentyn
• Y Creadur/Anghenfil Gorau - Grŵp/Teulu
• Gwisg Calan Gaeaf Orau

Bydd y gystadleuaeth gwisg ffansi (a gynhelir gan Malificent!) yn cael ei chynnal ar y prif lwyfan am 4.30pm, felly ewch yn eich gwisgoedd mwyaf erchyll am gyfle i ennill!

Cynnig Gofal Plant Cymru - prif bartner cefnogi Ysbrydion yn y Ddinas

Y Cynnig Gofal Plant i Gymru: Help gyda chostau gofal plant i rieni cymwys â phlant 3 i 4 oed.

Oes angen help arnoch gyda chostau gofal plant? Dan y Cynnig Gofal Plant i Gymru, gallech hawlio hyd at 30 awr o addysg gynnar a gofal plant yr wythnos, am hyd at 48 wythnos y flwyddyn. Mae'r cynllun gofal plant hwn a ariennir gan Lywodraeth Cymru'n ceisio lleihau'r baich o dalu costau gofal plant fel y gallwch wario'r arian rydych wedi'i gynilo ar y pethau sydd bwysicaf i'ch teulu.

Mae'r cynnig eisoes wedi helpu rhieni ledled Cymru i aros yn y gwaith neu ddychwelyd i'r gwaith, cynyddu eu horiau neu weithio'n fwy hyblyg. Os ydych yn chwilio am swydd neu'n ystyried dychwelyd i fyd addysg neu hyfforddiant, ond rydych yn pryderu am gostau gofal plant, gallai'r cymorth hwn wneud byd o wahaniaeth.
Peidiwch â cholli'ch cyfran chi o'r cyllid gofal plant.

https://www.llyw.cymru/cynnig-gofal-plant-cymru-ymgyrch

Dechrau'n Deg - yn cefnogi'r adloniant ar y llwyfan yn St David's Place

Mae Llywodraeth Cymru yn mynd ati fesul cam i Ehangu Gofal Plant Dechrau’n Deg ledled Cymru.

Mae gofal plant Dechrau'n Deg yn cynnig:
•            Gofal plant rhan-amser, o ansawdd uchel, a ariennir ar gyfer plant rhwng 2 a 3 oed drwy gyfrwng y Gymraeg neu’r Saesneg.
•            Gofal plant am 2.5 awr y dydd, hyd at 12.5 awr yr wythnos, yn unol â thymor yr ysgol.
Gallwch wirio a ydych yn gymwys a gwneud cais am Ofal Plant Dechrau’n Deg drwy ddefnyddio’r ddolen ganlynol:
Gwirio'ch cymhwystra a gwneud cais. https://account.swansea.gov.uk/earlyyears/eligibility/index

Ariannwyd yr elfennau marchnata canlynol ar gyfer y digwyddiad hwn gan Lywodraeth y DU drwy Gronfa Ffyniant Gyffredin y DU:
Hysbysebu ar Safleoedd Bysus
Ymgyrch Media Wales