Ffair Bleser Nadoligaidd
Gallwch brofi hwyl y ffair yng Ngwledd y Gaeaf ar y Glannau hefyd, sy'n cynnwys amrywiaeth o reidiau cyffrous sy'n addas i'r teulu cyfan.
Ewch ar yr Ice Jet os ydych chi'n chwilio am gyffro. Mae'r unig reid Ice Jet yn Ewrop yn cynnig profiad unigryw a chyffrous. Mae’r reid yn llawn hwyl ar garlam ac yn gallu cyrraedd cyflymder o dros 50mya. Nid dyma ddiwedd y cyffro, gan fod yr Ice Jet yn brofiad clyweledol llawn. Mae gan yr Ice Jet dros 5,000 o oleuadau, gan gynnwys goleuadau neon, laserau, llusernau, a goleuadau tiwb, yn ogystal â 10 pêl ddisgo, felly mae'r effeithiau gweledol yn syfrdanol.
Mae’r Olwyn Enfawr a’r ffair yng Ngwledd y Gaeaf ar y Glannau Abertawe yn dod â chyffro a llawenydd i ymwelwyr o bob oed. Yn sefyll dros y digwyddiad, mae’r Olwyn Enfawr yn cynnig golygfeydd syfrdanol o amgylchoedd yr ŵyl, tra bod y ffair yn cynnwys amrywiaeth o reidiau ac atyniadau, gan sicrhau adloniant di-ben-draw i bawb. P'un a ydych chi'n chwilio am wefr neu sbin hamddenol, mae'r ffair yn addo profiad cofiadwy i deuluoedd, ffrindiau ac ymwelwyr o bob oed
Awydd bwyd?
Os oes awydd bwyd arnoch, gwnewch yn siŵr eich bod chi'n ymweld â'r Pentref Alpaidd i gael ffefrynnau'r ŵyl gan gynnwys selsig Almaenig, gwin y gaeaf cynnes neu hyd yn oed malws melys wedi'u tostio. Eisteddwch a mwynhewch awyrgylch y Pentref Alpaidd gyda'ch ffrindiau a'ch teulu.
Edrychwn ymlaen at eich croesawu i Wledd y Gaeaf ar y Glannau Abertawe am flwyddyn arall o hwyl yr ŵyl!
Fe’i cyflwynir i chi gan Sayers Events ac A2H Live, mewn partneriaeth â Chyngor Abertawe
Warm up in the jungle!
Animal adventures await just a few steps away!
