Nadolig yn y Cwadrant

Yn newydd ar gyfer Nadolig 2021

Yn ogystal â’i 30 o siopau presennol, sy’n cynnwys Pandora, Schuh, Clogau a Boots; mae’r ganolfan wedi croesawu rhagor o enwau newydd yn ddiweddar – yn barod ar gyfer y Nadolig.

• The Entertainer: Mae hoff siop deganau’r genedl wedi cyrraedd canol Abertawe. Mae’n llawn dop o deganau fel LOL Dolls, Marvel a DC, Paw Patrol, Sylvanian Families, Vtech a llawer mwy.
• The Clothing Culture: Mae’r siop hon yn gwerthu brandiau o safon fel Weekend Offender, Lacoste a threnyrs Supreme arbennig ni allwch eu prynu yn unman arall yn Abertawe.
• Rugby Heaven / Moti: Y siop berffaith i’r rheini sy’n dwlu ar rygbi a rhedeg. Gallwch ddod o hyd i frandiau enwog fel Canterbury, WU ac Under Armour yn Rugby Heaven, ac mae Moti yn gwerthu brandiau rhedeg arbenigol fel Hoka, Saucoyny a Brooks. Hefyd, mae labordy Shoe Fit Moti yn darparu’r unig wasanaeth dadansoddi cerddediad i gwsmeriaid Abertawe.

Coblyn Enfawr ar y Silff

Bydd Quin, Coblyn y Cwadrant, yn cuddio yn y lleoliad drwy gydol mis Rhagfyr. Mae’n goblyn direidus sy’n archwilio’r ganolfan gyda’r hwyr ac yn cuddio yn y siopau yn ystod y dydd. A fyddwch chi’n ei weld?

Cofiwch gadw llygad ar gyfryngau cymdeithasol drwy gydol y mis hefyd i gymryd rhan mewn cystadlaethau  arbennig Ennill gyda Quin.

Cyngherddau dros dro ar gyfer y Nadolig

Gallwch ddisgwyl perfformiadau cerddorol Nadoligaidd arbennig bob dydd Sadwrn rhwng 20 Tachwedd ac 18 Rhagfyr.

Bydd corau cymysg, corau meibion, bandiau pres a llawer mwy yn eich diddanu gyda’u carolau Nadolig a’u caneuon Nadolig poblogaidd wrth i chi wneud eich siopa dydd Sadwrn yn y Cwadrant. Caiff y perfformiadau eu cyhoeddi ar sianeli cyfryngau cymdeithasol y Cwadrant.