Mwynhau mis Tachwedd yn Abertawe!

Tân Gwyllt  

Mae tocynnau bellach ar werth ar gyfer arddangosfa tân gwyllt flynyddol Abertawe, sy'n dychwelyd nos Iau 5 Tachwedd gyda chartref newydd cyffrous ym Mharc Singleton.

Bydd y noson, sydd wedi'i hysbrydoli gan fythau a hud, yn cludo ymwelwyr i fyd o ffantasi a rhyfeddod, gydag adloniant a gweithgareddau ar y thema'n creu awyrgylch hudol cyn y brif arddangosfa. Yn newydd ar gyfer eleni, bydd sioe laser drawiadol yn ychwanegu ychydig o gyfaredd at y noson. Peidiwch â cholli'r perfformwyr tân arbennig! Byddant yn cwrdd â chi wrth i chi gyrraedd a byddant hefyd yn cyflwyno perfformiad hudol cyn y brif arddangosfa tân gwyllt. 

Pryd: Nos Iau 5 Tachwedd
Ble: Parc Singleton

Cefnogir gan Gynnig Gofal Plant Cymru

Dechreuwch y Nadolig gyda digwyddiad Gorymdaith y Nadolig blynyddol Abertawe 

Mae Gorymdaith y Nadolig poblogaidd Abertawe'n dychwelyd, gan gyflwyno noson o hwyl yr ŵyl gyda bandiau gorymdeithio llawen, cerbydau sioe hudolus, cymeriadau enwog o straeon tylwyth teg a ffilmiau, offer chwyddadwy Nadoligaidd uchelgeisiol, grwpiau dawns bywiog, ac ymddangosiad arbennig gan Siôn Corn a Mrs Corn!

Cyn dod o hyd i safle i wylio'r orymdaith, beth am bori Marchnad y Nadolig ar hyd Portland Street a Stryd Rhydychen neu fynd i sglefrio ar y llyn iâ yng Ngwledd y Gaeaf ar y Glannau ym Mharc yr Amgueddfa.

Pryd: Nos Sul 22 Tachwedd
Ble: Canol dinas Abertawe

Peidiwch â bod yn surbwch, ymunwch â ni ar 22 Tachwedd i gael Nadolig llawen iawn!

Gwledd y Gaeaf ar y Glannau Abertawe'n dychwelyd 

Mae digwyddiad poblogaidd Gwledd y Gaeaf yn dychwelyd rhwng 19 Tachwedd a 3 Ionawr! Gallwch ddisgwyl eich holl hoff atyniadau, o reidiau cyffrous a sglefrio iâ i gerddoriaeth fyw a stondinau marchnad y Nadolig.

Mae'r digwyddiad eleni yn addo adloniant i bobl o bob oedran gan gynnwys:

• Llyn iâ dan gysgod – hwyl yr ŵyl boed law neu hindda
• Hwyl y ffair – dewch i fwyhau cyffro'r Ice Jet, rhowch gynnig ar y stondinau gemau neu ewch ar daith ar yr olwyn fawr enwog
• Digwyddiadau arbennig – o gerddoriaeth fyw i gyfarfod â'ch hoff gymeriadau
• Drysfa iâ – dewch i fwynhau'r oerfel wrth i chi archwilio'r ddrysfa iâ
• Bwyd a diod – gallwch gynhesu gyda bratwurst a goginiwyd ar ridyll, neu fwyta malws melys wedi'u rhostio neu yfed siocled poeth o'r Bar Alpaidd 

Gallwch fwynhau hwyl yr ŵyl yn y cyrchfan arbennig hwn ni ddylid ei golli y Nadolig hwn! 

Pryd: 19 Tachwedd – 3 Ionawr, ewch i'r wefan am yr oriau agor llawn
Ble: Parc yr Amgueddfa

Marchnad Nadolig Abertawe

Ewch i siopa ar gyfer y Nadolig ym Marchnad Nadolig Abertawe, sydd ar agor o ddydd Sadwrn 21 Tachwedd i 22 Rhagfyr! 

Ewch i ymweld â'r crefftwyr talentog a'r masnachwyr traddodiadol ar Stryd Rhydychen a Portland Street i ddod o hyd i'r anrheg berffaith i rywun arbennig neu i brynu danteithion blasus. 
Cofiwch gymryd seibiant wrth siopa! Dewch i ymlacio a chynhesu gyda lluniaeth ysgafn yn y Bar Alpaidd. 

Pryd: Dydd Sadwrn 21 Tachwedd - 22 Rhagfyr 
Ble: Portland Street a Stryd Rhydychen

Gorymdeithiau Nadolig Cymunedol

Mae Siôn Corn yn teithio ar draws Abertawe'r Nadolig hwn! 
Os na allwch ymweld â Siôn Corn ddydd Sul 22 Tachwedd, peidiwch â phoeni, bydd yn teithio ar draws y sir yn ei sled yn ystod misoedd Tachwedd a Rhagfyr gan ddod â hwyl yr ŵyl i gymunedau Abertawe.