Mwynhau'r Haf - Digwyddiadau ym Mis Mehefin

Gŵyl Tawe - Gŵyl Gymraeg Abertawe

Mae Gŵyl Tawe yn dychwelyd ddydd Sadwrn 6 Mehefin, gan ddod â rhestr gyffrous o berfformiadau cerddoriaeth a chelfyddydau Cymraeg amgen a chyfoes at ei gilydd.

Cynhelir y diwrnod llawn adloniant yn rhad ac am ddim yn Amgueddfa Genedlaethol y Glannau, lle bydd perfformiadau gan y prif berfformiwr clodwiw, Gwenno yn ogystal â Melin Melyn, Mellt, Candelas, Cerys Hafana, Carwyn Ellis a Rio 18, gyda mwy yn perfformio ar lwyfannau dan do ac awyr agored. 

Eleni bydd elfennau cymunedol newydd cyffrous hefyd, gan gynnwys gweithdai ieuenctid, côr cymunedol dan arweiniad Ify Iwobi, a llwyfan newydd sbon ar gyfer ysgolion lleol ac artistiaid newydd. Cyflwynir Gŵyl Tawe gan Fenter Iaith Abertawe.

IRONMAN 70.3 Abertawe

Dewch i ddangos eich cefnogaeth ddydd Sul 12 Gorffennaf wrth i Abertawe groesawu IRONMAN 70.3, ras sy'n cael ei dathlu am ei chymysgedd syfrdanol o arfordir, dinas a chefn gwlad. Bydd athletwyr yn nofio 1.2 filltir yn y doc, yn beicio 56 milltir drwy benrhyn Gŵyr ac yn rhedeg 13.1 filltir ar hyd Bae Abertawe, a byddant yn gwneud y cyfan wrth fwynhau rhai o'r golygfeydd gorau yng Nghymru.

Wrth gynllunio eich taith, dylech fod yn ymwybodol o’r trefniadau cau ffyrdd cynlluniedig a fydd ar waith.

Mwynhewch Ddiwrnod Allan Perffaith i'r Teulu yn ein Hatyniadau Awyr Agored

Mae'n bryd i fynd allan a mwynhau heulwen yr haf! Drwy ddilyn Prom Bae Abertawe ar hyd yr arfordir byddwch yn dod o hyd i Lyn Cychod Singleton a golff gwallgof yn lleoliad golygfaol, hamddenol Parc Singleton, Lido Blackpill poblogaidd Abertawe, golff gwallgof yng Ngerddi Southend yn y Mwmbwls, a Thrên Bach Bae Abertawe rhyfeddol!

P'un a ydych chi eisiau chwarae golff gwallgof, ymlacio ar y pedalos, sblasio yn y lido neu fwynhau taith ar Drên Bach y Bae, mae rhywbeth at ddant pawb ar hyd Prom Abertawe!

Hanner Marathon Abertawe

Cynhelir Hanner Marathon Abertawe ddydd Sul 7 Mehefin 2026, gan groesawu miloedd o redwyr i'r llinell gychwyn wrth bont eiconig Bae Copr ger Arena Abertawe. 

Efallai fod y cyfnod cofrestru ar gyfer yr hanner marathon wedi cau, ond gall gwylwyr ddangos eu cefnogaeth ar hyd glan y môr. Cynhelir Hanner Marathon Abertawe ar ffyrdd caeedig a bydd angen cau rhai priffyrdd cyhoeddus.

I'r rheini sydd eisiau ymgymryd â her redeg ar hyd glan y môr golygfaol, gallwch gofrestru ar gyfer ras 10k Bae Abertawe nawr: Ras 10k Bae Abertawe

Mae Sioe Awyr Cymru yn Dychwelyd ar 25 a 26 Gorffennaf

Mae Sioe Awyr Cymru yn dychwelyd ar 25 a 26 Gorffennaf, gan ddod â phenwythnos cyffrous o hedfan, adloniant a hwyl i'r teulu i Fae Abertawe i ddechrau gwyliau'r haf.

Dewch i ryfeddu at gampau acrobatig peilotiaid o'r radd flaenaf wrth iddynt arddangos eu sgiliau anhygoel. Gallwch fwynhau perfformiadau gan Typhoon yr RAF, Dakota, Spitfire, Hurricane, Tutor a llawer mwy!

Bydd digon o gyffro ar y tir hefyd, a bydd amrywiaeth eang o fwydydd a diodydd i ddiwallu eich anghenion drwy gydol y penwythnos, ynghyd â cherddoriaeth fyw, arddangosiadau milwrol ac atyniadau ffair bleser.  Ac mae mynediad i'r digwyddiad gwych hwn AM DDIM!

Mae'r haf wedi cyrraedd: Ewch i archwilio Traethau Abertawe

Mae'n rhaid i chi fynd i un o'r 19 o draethau sy'n ymestyn ar hyd 30 milltir ar yr arfordir yn ystod yr haf yn Abertawe. Beth am archwilio ein Traethau Baner Las: Porth Einon, Bae Langland, Bae Caswell a Marina Bae Abertawe? 

Ynghyd â gwobrau’r Faner Las, mae Bae Bracelet hefyd wedi derbyn un o 14 o Wobrau Arfordir Glas a gyhoeddwyd ledled Cymru, i gydnabod ei harddwch dilychwin a garw.

Cofiwch ymweld â'n traethau yn gyfrifol a gadael olion traed yn unig. 

Mae'r Theatr Awyr Agored yn Dychwelyd yr Haf Hwn

Mae'r Theatr Awyr Agored yn dychwelyd yr haf hwn ac rydych yn sicr o fwynhau wrth i Gwmni Theatr Illyria gyflwyno tri pherfformiad yng Nghastell Ystumllwynarth!

🎭As You Like It, nos Fawrth 25 Awst, 7pm – Stori Shakespeare am gam-adnabod a chariad.

🏴‍☠️Pirates of Penzance, nos Fercher 26 Awst, 7pm – opera ddoniol Gilbert a Sullivan.

🤥Pinocchio, dydd Iau 27 Awst, 2pm - y bachgen pren sy'n dyheu am fod yn fachgen go iawn, ond sy'n gorfod dysgu beth sy'n gywir a beth sy'n anghywir yn gyntaf.

Theatr Awyr Agored mewn cydweithrediad â Day's Peugeot