Arddangosfa Tân Gwyllt Cyngor Abertawe GWERTHU MAS
Nos Iau 5 Tachwedd 2026, 5pm - 8pm - Parc Singleton
Dewch i fwynhau noson o gyffro pyrotechnegol wrth i Arddangosfa Tân Gwyllt Arbennig Abertawe ddychwelyd nos Iau 5 Tachwedd mewn lleoliad newydd, sef Parc Singleton!
Bydd y digwyddiad, sydd wedi'i ysbrydoli gan fythau a hud, yn cludo ymwelwyr i fyd o ffantasi a rhyfeddod Dewch i gadw llygad am dylwyth teg a dewiniaid, cwrdd â chymeriadau hudol ar grwydr a mwynhau adloniant llwyfan cyffrous trwy gydol y noson.
- Gallwch ddisgwyl mwy na thân gwyllt yn unig eleni - bydd effeithiau laser gwych yn ychwanegu cyffro ychwanegol at yr arddangosfa!
- Peidiwch â cholli'r perfformwyr tân arbennig! Byddant yn cwrdd â chi wrth i chi gyrraedd a byddant hefyd yn cyflwyno perfformiad hudol cyn y brif arddangosfa tân gwyllt.
- Cadwch lygad am Harry Potter, Dumbledore, Tinkerbell, Maleficent, The Evil Queen, Jafar, uncyrn, Elphaba, Glinda, K Pop Demon Hunters, Mary Poppins, Mirabel a draig fecanyddol enfawr.
Cefnogir gan Gynnig Gofal Plant Cymru
Y Cynnig Gofal Plant i Gymru: Help gyda chostau gofal plant i rieni cymwys â phlant 3 i 4 oed.
Oes angen help arnoch gyda chostau gofal plant? Dan y Cynnig Gofal Plant i Gymru, gallech hawlio hyd at 30 awr o addysg gynnar a gofal plant yr wythnos, am hyd at 48 wythnos y flwyddyn. Mae'r cynllun gofal plant hwn a ariennir gan Lywodraeth Cymru'n ceisio lleihau'r baich o dalu costau gofal plant fel y gallwch wario'r arian rydych wedi'i gynilo ar y pethau sydd bwysicaf i'ch teulu.
Mae'r cynnig eisoes wedi helpu rhieni ledled Cymru i aros yn y gwaith neu ddychwelyd i'r gwaith, cynyddu eu horiau neu weithio'n fwy hyblyg. Os ydych yn chwilio am swydd neu'n ystyried dychwelyd i fyd addysg neu hyfforddiant, ond rydych yn pryderu am gostau gofal plant, gallai'r cymorth hwn wneud byd o wahaniaeth.
Peidiwch â cholli'ch cyfran chi o'r cyllid gofal plant.
www.llyw.cymru/cynnig-gofal-plant-cymru-ymgyrch
