Joio Nadolig

Gweithgareddau Nadolig yn Lleoliadau Diwylliannol Abertawe

O ddysgu am A Child's Christmas in Wales yng Nghanolfan Dylan Thomas i gwblhau'r llwybr bara sinsir yn Amgueddfa Abertawe, bydd digon o hwyl yr ŵyl a gweithgareddau i chi a'ch plant eu mwynhau yn ein Lleoliadau Diwylliannol.

Ceir rhagor o wybodaeth am yr hyn sy’n digwydd ac oriau agor yma.

Teithiwch ar fysus am ddim yn Abertawe

Gellir teithio ar fysus am ddim unrhyw le yn sir Abertawe ddydd Mawrth 23 Rhagfyr a Noswyl Nadolig, yn ogystal â rhwng dydd Gwener 27 Rhagfyr a dydd Mawrth 31 Rhagfyr. Gallwch osgoi anawsterau traffig a pharcio wrth i chi fynd i ganol y ddinas i orffen am fwy o siopa Nadoligaidd neu ymweld â bwytai yn y Mwmbwls.

Rhagor o wybodaeth am deithiau am ddim yn Abertawe.

Bydd y cyfle i enwebu'n cau ar 31 Rhagfyr

Mae llai na phythefnos yn weddill i enwebu rhywun ar gyfer y gwobrau chwaraeon, mewn cydweithrediad â Freedom Leisure, eleni.

Y dyddiad cau ar gyfer tynnu sylw at waith caled a dyfalbarhad eich athletwyr, eich hyfforddwyr, eich gwirfoddolwyr neu eich timau drwy eu henwebu am un o'n gwobrau yw dydd Mawrth 31 Rhagfyr. Rydym yn edrych ymlaen at ddathlu pencampwyr chwaraeon Abertawe yn Neuadd Brangwyn ym mis Ebrill 2025.  

Enwebwch nawr

Gwledd y Gaeaf ar y Glannau

Mae gan Wledd y Gaeaf ar y Glannau Abertawe y cyfan y mae ei angen arnoch – dyma’r cyrchfan gorau ar gyfer adloniant i'r teulu y Nadolig hwn! Ar agor tan ddydd Sadwrn 4 Ionawr.

Ni fyddai’n Nadolig yn Abertawe heb ychydig o ddawnsio ar yr iâ, felly gwisgwch eich esgidiau sglefrio a mentrwch i’r llyn iâ. Gallwch fwynhau’r reidiau cyffrous a thynnu hunlun cofiadwy gyda’r teulu ar lwybr llusernau’r Nadolig, atyniad hudol newydd ar gyfer 2024.

Fe’i cyflwynir i chi gan Sayers Events ac A2H Live, mewn partneriaeth â Chyngor Abertawe. 

Rhagor o wybodaeth a archebwch tocynnau Llawr Sglefrio

Cerddorfa Genedlaethol Gymreig y BBC - Chwedlau a Chariad

Bydd Cerddorfa Genedlaethol Gymreig y BBC a'i cherddorion o fri o bedwar ban byd yn dychwelyd i Neuadd Brangwyn yn y flwyddyn newydd.

Sioe gyntaf tymor 2025 yw Chwedlau a Chariad, a fydd yn cyflwyno comedi drasig hynod boblogaidd Janáček, The Cunning Little Vixen. Mae'r chwaraewr soddgrwth hynod boblogaidd Laura van der Heijden yn dychwelyd i BBC NOW gyda pherfformiad o waith athletaidd a gwerinol Martinů, ond eto'n llawn mynegiant, sef y Concerto i'r Soddgrwth, cyn i'r arweinydd Antony Hermus droi'n feistr pypedau yn Petrushka gan Stravinsky. 

Er mwyn osgoi siom, archebwch eich tocynnau heddiw ar gyfer y sioe anhygoel hon, a gynhelir ddydd Sul 12 Ionawr.

Come As You Really Are - Abertawe Agored 2025

Bydd arddangosfa boblogaidd Abertawe Agored yn dychwelyd i Oriel Gelf Glynn Vivian yn 2025 mewn fformat newydd cyffrous fel rhan o brosiect cenedlaethol Come As You Really Are. Mae’r prosiect a arweinir gan yr artist arobryn sy’n frwdfrydig dros Spider-Man, Hetain Patel ac Artangel, yn gwahodd yr holl wneuthurwyr, addaswyr, crefftwyr, casglwyr ac artistiaid o bob math i rannu eu hoff hobïau. 

Rhagor o wybodaeth