Joio Bae Abertawe'r Hydref hwn

Penwythnos Celfyddydau Abertawe - mae dathliad o greadigrwydd y ddinas yn ôl!

Ymunwch â ni yng nghanol dinas Abertawe ddydd Sadwrn 11 a dydd Sul 12 Hydref 2025 am benwythnos bywiog o gelf, cerddoriaeth a pherfformiad – i gyd AM DDIM!

Dewch i fwynhau:

• Cerddoriaeth fyw a pherfformiadau stryd
• Gweithdai rhyngweithiol i bob oedran
• Arddangosfeydd a gosodweithiau ysbrydoledig
• Digwyddiadau dros dro ac adloniant digymell
• Sgyrsiau gan bobl greadigol blaenllaw o Gymru

Mae'r digwyddiadau a gynhelir yn cynnwys:

• When Pele Broke Our Hearts – darn theatr teimladwy (Iaith Arwyddion Prydain a system dolen glyw)
• Queertawe Cabaret - perfformiadau llawen, cynhwysol (Iaith Arwyddion Prydain)
• Melomania Dance: Money Game – bydd y cwmni dawns o Abertawe'n cyfuno hip hop cyfoes a theatr gorfforol i adrodd straeon trawiadol
• Gweithdai celf a gwneud pypedau sy'n addas i deuluoedd

Ble: Ar draws orielau, theatrau a mannau awyr agored Abertawe
Pryd: Dydd Sadwrn 11 a dydd Sul 12 Hydref, 10am–11pm
Mynediad: AM DDIM

Dewch i gael eich ysbrydoli. Dewch i gael eich diddanu. Dewch i fod yn rhan ohono.
Ychwanegir manylion yn ddyddiol, gyda'r rhaglen lawn ar gael yr wythnos nesaf.

Rhagor o wybodaeth neu archebwch weithdy heddiw!

Ysbrydion yn y Ddinas: Angenfilod Afreolus

Yr hanner tymor mis Hydref hwn, edrychwch i fyny i'r awyr a pharatowch am olygfa angenfilaidd wrth i greaduriaid chwyddadwy enfawr feddiannu canol dinas Abertawe!

Mae ein digwyddiad blynyddol yn cael diweddariad iasol; yn ogystal â hwyl i'r teulu cyfan yn Sgwâr 'Dychrynllyd' Dewi Sant, bydd parth newydd sbon ym Mharc 'Tywyll' Amy Dillwyn i ddychryn ymwelwyr hŷn nes iddynt grynu fel deilen. Gydag angenfilod anferthol yn cael lle amlwg yn y ddinas, bydd digwyddiad eleni'n trawsnewid Abertawe'n faes chwarae llawn hwyl Calan Gaeaf. Wrth iddi nosi, bydd yr angenfilod yn tywynnu'n annaearol, gan eich tywys ar lwybr bwganllyd sy'n tywynnu yn y tywyllwch drwy ganol y ddinas.

Bydd rhagor o adloniant bwganaidd hefyd, gan gynnwys:

• Paentio wynebau
• Perfformiadau stryd
• Sioeau dawns byw
• Digonedd o wisgoedd!

Gwisgwch eich gwisg fwyaf brawychus ac ymunwch â'r hwyl - bydd digwyddiad yr Angenfilod Afreolus yn un aruthrol o arswydus!

Ble: Canol dinas Abertawe – St David’s Place a Pharc Amy Dillwyn
Pryd: Dydd Sadwrn 25 Hydref, 3pm tan 8pm
Mynediad: AM DDIM

P'un a ydych yn chwilio am wefr, yn frwd dros Galan Gaeaf, neu'n chwilio am ffordd unigryw o archwilio Abertawe, mae Ysbrydion yn y Ddinas: Angenfilod Afreolus yn addo amser dychrynllyd o dda i bob oedran.

A gefnogir gan Cynnig Gofal Plant Cymru

Rhagor o wybodaeth yma!

Y Castell Arswydus

Galwch heibio Castell Ystumllwynarth ar gyfer digwyddiad hwyliog a siriol ar thema Calan Gaeaf sy'n addas i blant yn benodol.

Ni fydd dim i godi ofn ar neb, ond bydd llawer o chwerthin, adloniant rhyngweithiol ac adrodd straeon.

Ble: Castell Ystumllwynarth
Pryd: Dydd Sadwrn 25 Hydref, 11am – 5pm
Mynediad: Tâl mynediad arferol yn berthnasol

Rhagor o wybodaeth

Trên Bwganod Nos Galan Gaeaf

Ewch ar Drên Bach Bae Abertawe am daith iasol ar hyd y promenâd hyfryd y Calan Gaeaf hwn.

Bydd y trên bach poblogaidd yn cael ei drawsnewid ar gyfer ei deithiau arswydus arbennig ar hyd y prom yn ystod hanner tymor mis Hydref. Beth am wisgo i fyny yn eich gwisgoedd Calan Gaeaf gorau i ychwanegu at yr awyrgylch arswydus?

Ble: Bydd y trên Calan Gaeaf yn gadael Lido Blackpill ac yn dychwelyd iddo.

Pryd: Dydd Llun 27 – dydd Gwener 31 Hydref. Gadael: 3.30pm, 4.30pm, 5.30pm, 6.30pm a 7.30pm. Bydd pob taith yn para tua 45 munud.

Tocynnau: £7.50, rhaid archebu ymlaen llaw.

Rhagor o wybodaeth a chyfle i brynu tocynnau nawr!

Peidiwch â Cholli Gŵyl Wyddoniaeth Abertawe’r Hanner Tymor Hwn!

Ydych chi’n chwilio am hwyl yn ystod hanner tymor mis Hydref? Mae Gŵyl Wyddoniaeth fwyaf Cymru yn dychwelyd i Amgueddfa’r Glannau Abertawe gyda phenwythnos yn llawn darganfod, adloniant a gwyddoniaeth ymarferol i bawb o bob oed.
 
Dewch i weld sioeau byw ffrwydrol y Sefydliad Brenhinol ‘AR DÂN!’ac ‘Explosive Food’, cwrdd â’r gwneuthurwyr ffilmiau bywyd gwyllt Lizzie Daly a Hamza Yassin, a mwynhau hoff sioeau i’r teulu fel ‘Swigod a Balŵns’ ac ‘Arwyr Gwyddoniaeth’.
 
Y tu hwnt i’r prif sioeau, mae gweithgareddau galw heibio am ddim, arddangosiadau rhyngweithiol, a digwyddiadau hynod ddiddorol - o wyddoniaeth losin i ryfeddodau peirianneg.
 
Nodwch y dyddiadau 25 – 26 Hydref yn eich calendr ac ymunwch â ni am ŵyl wyddoniaeth fythgofiadwy yn Abertawe.

Dilynwch y diweddariadau diweddaraf a RSVP ar ein tudalen digwyddiadau Facebook