Ffyrdd i Fwynhau Bae Abertawe Dros y Pasg!

Mae'r gwanwyn wedi cyrraedd o'r diwedd ac mae'r Pasg yn prysur agosáu. Edrychwch ar ein prif argymhellion i'ch helpu chi i wneud y gorau o wyliau'r ysgol – heb dalu ffortiwn!

Digwyddiadau
A family enjoying playing on the beach

Hwyl a Sbri ar Hyd y Prom!

P'un a ydych am chwarae golff gwallgof, mwynhau reid hamddenol ar y pedalos, neu deithio ar Drên Bach Bae Abertawe ar ôl mynd am dro gyda'ch teulu (gan gynnwys y ci🐶) ar hyd yr arfordir, mae Prom Abertawe yn cynnig rhywbeth at ddant pawb!  O ddydd Sul 29 Mawrth, bydd Llyn Cychod Parc Singleton, Trên Bach Bae Abertawe a Gerddi Southend ar gael bob penwythnos tan ddydd Sul 27 Medi.

Bydd Lido Blackpill yn ailagor o ddydd Sadwrn 2 May a bydd ar agor bob dydd tan ddydd Sul 27 Medi.  

Cymerwch Gip ar yr Oriau Agor a'r Prisiau Yma
Swansea Bay Rider Land Train

Dewch i Greu yn Amgueddfeydd ac Orielau Abertawe

O weithdy paentio cyfryngau cymysg ymarferol i'r teulu yn Oriel Gelf Glynn Vivian yn archwilio gorffennol diwydiannol Abertawe, i weithdai wedi'u hysbrydoli gan farddoniaeth yng Nghanolfan Dylan Thomas, a straeon anhygoel y gwrthrychau diddorol yn Amgueddfa Abertawe, mae rhywbeth i bobl o bob oedran a diddordeb yn lleoliadau diwylliannol Abertawe ym mis Ebrill.

P'un a ydych yn chwilio am rywbeth i danio eich dychymyg, archwilio hanes lleol neu fwynhau diwrnod difyr, mae amgueddfeydd ac orielau Abertawe yn llawn gweithgareddau ac arddangosfeydd difyr a diddorol i wneud gwyliau'r Pasg yn fythgofiadwy. Mae mynediad AM DDIM i’n lleoliadau diwylliannol! (Codir ffi fechan am rai gweithdai yn Oriel Gelf Glynn Vivian, ond rydym yn cynnig nifer cyfyngedig o leoedd am ddim i geiswyr lloches a’r rhai ar incwm isel).

Cynlluniwch eich Ymweliad Heddiw
A family taking part in a crafts workshop

Ewch o Gwmpas Abertawe AM DDIM Dros y Pasg!

Mae cynnig bysus am ddim hynod boblogaidd Cyngor Abertawe yn ôl ar waith, gan eich galluogi i deithio am ddim ar bob taith sy'n dechrau ac yn gorffen yn ardal Cyngor Abertawe cyn 7pm.
Neidiwch ar y bws a rhowch wybod i'r gyrrwr ble rydych chi'n mynd, a chewch deithio am ddim. Dim prawf adnabod. Dim ffwdan.

P'un a ydych yn mynd i ganol y ddinas, y traethau neu'r siopau, neu'n cwrdd â ffrindiau, dyma eich cyfle i archwilio Abertawe ac arbed arian ar yr un pryd.
Achubwch ar y cyfle i deithio am ddim!

Cymerwch Gip ar Fanylion Llawn y Cynnig Gwych Hwn!
A picture of a bus with a Gower beach in the background.

Castell Ystumllwynarth – Helfa Wyau Pasg

Mae'r gwanwyn wedi cyrraedd Castell Ystumllwynarth! Mae'r castell ar agor bob dydd o 11am i 5pm! Mae llu o ddigwyddiadau i'r teulu ar y gorwel yn ystod y gwanwyn. Dewch i ddathlu'r Pasg yng Nghastell Ystumllwynarth ac ymuno â chwningod y castell yn holl hwyl yr Helfa Wyau Pasg ar 5 Ebrill! 

Dilynwch y cliwiau o amgylch y castell i ddatgelu'r atebion a hawlio eich wy siocled. Os oes angen cymorth arnoch, bydd ein cwningod cyfeillgar yn barod i'ch helpu. Galwch heibio rhwng 11am a 2pm (bydd y castell ar agor tan 5pm) – bydd taliadau mynediad arferol yn berthnasol.

Cynlluniwch eich Ymweliad Heddiw
Oystermouth Castle - The Great Easter Egg Hunt

Rasys Hwyl 10k a 2k BRISCO Gorseinon

Bydd rasys hwyl 10k a 2k Gorseinon i'r teulu yn dychwelyd ddydd Sul 12 Ebrill! Mae'r ras gymunedol nid er elw hon yn addas i redwyr o bob oedran a gallu ac yn codi arian ar gyfer sefydliad Morgan’s Army a'i elusen bartner ar gyfer 2026, sef hosbis Tŷ Hafan i blant.

P'un a ydych am sicrhau amser personol gorau yn y ras 10k neu’n ymuno yn y ras hwyl 2k gyda'r teulu, bydd pob cam yn helpu plant, pobl ifanc a'u teuluoedd ledled de Cymru.

Pryd: Dydd Sul, 12 Ebrill 2026 
Lleoliad: Llinell gychwyn yng Nghanolfan Hamdden Penyrheol
Cost: Gellir cofrestru o £14

Cofrestrwch Heddiw
Gorseinon 10K 2026

Byddwch yn Barod am Tunes on the Bay

Mae Tunes on the Bay yn ôl! Ar ôl yr ŵyl hynod lwyddiannus dros dridiau y llynedd, bydd y digwyddiad yn dychwelyd i draeth Abertawe ar benwythnos Gŵyl y Banc Calan Mai. Y tro hwn, JLS fydd yn hawlio’r sylw nos Wener, bydd Scooter yn cyflwyno curiadau technolegol nos Sadwrn a bydd Rossi yn dod â'r penwythnos i ben nos Sul. Bydd yn benwythnos bythgofiadwy o gerddoriaeth anhygoel, hwyl a sbri ac ymdeimlad gwych. Achubwch ar y cyfle i archebu eich tocynnau ar-lein heddiw!

Pryd: Dydd Gwener 1 Mai i ddydd Sul 3 Mai
Lleoliad: Traeth Abertawe 
Cost: Bydd prisiau tocynnau'n dechrau o £45 a bydd ffi archebu o £4.50

Cewch Ragor o Wybodaeth am yr Ŵyl Gerddoriaeth 3 Diwrnod Yma
Ellie Sax at Tunes on the Bay

Monty Don, Hoff Arddwr Prydain, yn Arena Swansea Building Society

Mae Monty Don, hoff arddwr Prydain, yn dychwelyd gyda sioe newydd sbon sy'n dathlu ei lyfr poblogaidd a'i gyfres ar BBC2, British Gardens.

Gan ddefnyddio delweddau a straeon prydferth, mae Monty yn archwilio'r tirweddau, y traddodiadau a'r straeon sy'n datgelu pwy ydym ni drwy'r gerddi rydyn ni'n eu creu. O ben uchaf yr Alban i arfordir Cernyw, mae Monty’n edrych ar yr hyn y mae ein gerddi'n ei ddatgelu amdanom ni fel cenedl, ein dyfeisgarwch, ein ecsentrigrwydd a'n cysylltiad parhaol â'r byd naturiol.

Drwy safbwynt cynnes a doeth Monty, rydym yn myfyrio ar erddi Prydeinig sydd wedi llunio ein hanes, ac yn archwilio'r ffyrdd rydym yn parhau i gysylltu â'n hunaniaeth ein hunain drwy'r pridd o dan ein traed.

Pryd: Dydd Sul 12, Ebrill 
Ble: Arena Swansea Building Society
Cost: Yn dechrau £35.44 (+£3.95 ffi drafod)

Archebwch Docynnau Nawr
Monty Don

Cofrestrwch ar Gyfer Ras 10k Bae Abertawe 

Mae'r cyffro'n cynyddu cyn Ras 10k Bae Abertawe a dyma'r amser delfrydol i gadw eich lle ar y llinell gychwyn ar ôl i bob tocyn gael ei werthu yn 2025! 
P'un a ydych am sicrhau amser personol gorau, yn rhedeg dros achos, neu'n chwilio am her i hybu eich ffitrwydd yn yr haf, mae’r ras eiconig hon yn cynnig rhywbeth at ddant pawb. O ystyried y cwrs cyflym, gwastad a'r golygfeydd godidog ar draws Bae Abertawe, dyma'r digwyddiad perffaith i'ch cymell yn ystod y misoedd mwy golau sydd i ddod.

Cliciwch Yma i Gofrestru Heddiw
runners running the swansea bay 10k