Y cyntaf o'i fath yn yr ardal, mae Café Play wedi'i ddylunio'n unol â gofynion rhieni a phlant - mae'n lle golau, braf â digon o seddi cyfforddus a ffrâm chwarae deulawr gwych. Dyma amgylchedd delfrydol i blant o bob oed ymarfer a gwella eu sgiliau cyfathrebu, chwarae a rhyngweithio â phlant eraill mewn lleoliad glân a diogel ac, yn syml, gael hwyl.

Rydym wedi creu awyrgylch hamddenol a soffistigedig lle gall rhieni ymlacio a mwynhau coffi ffres neu bryd o fwyd gyda'u papur newydd neu Wi-Fi wrth i'r plant chwarae mewn amgylchedd diogel.

Gan gyd-fynd â'r awyrgylch hwn, mae'r caffi hefyd yn cael ei ddefnyddio fel oriel gan Ffotograffiaeth Deithiol Gŵyr sydd â thros 18,000 o ddilynwyr ar Facebook ac sy'n cefnogi cynhyrchwyr bwyd lleol megis Coffi Coal Town.

Mae gan Café Play becynnau parti pen-blwydd gwych hefyd, gan gynnwys y cyfle i logi'r lleoliad cyfan. Mae wedi'i drwyddedu'n llawn ac mae ar gael i gynnal digwyddiadau drwy'r flwyddyn. Mae gennym gynigion bore coffi a chlwb prynhawn rheolaidd yn ystod y tymor ac, i rieni, rydym yn cynnal digwyddiadau 'Fizz Fridays' a gemau rygbi rhyngwladol Cymru.

Cysylltwch â ni i drafod sut gallwn helpu i leihau'r straen wrth drefnu'ch digwyddiad cymaint â phosib er mwyn i chi allu ymlacio a mwynhau eich parti neu'ch digwyddiad gyda'ch gwesteion.