Gŵyl y Môr Abertawe
Dewch i fwynhau penwythnos o antur, diwylliant a dathlu arfordirol yng nghanol Ardal Forol Abertawe 8 -9 Awst!
Mae Gŵyl y Môr Abertawe'n addo ffordd ddifyr ac ymdrochol o ddarganfod a dathlu ein hanes morwrol cyfoethog drwy weithgareddau rhyngweithiol i deuluoedd, arddangosfeydd treftadaeth, adloniant byw a llawer mwy, gan daflu goleuni ar y bobl, y straeon a'r diwydiannau a luniodd ein dinas. Ymunwch â ni i brofi Abertawe ar ei gorau, ger y môr dydd Sadwrn 8 a dydd Sul 9 Awst 10am - 6pm!
O'r cei canoloesol bach drwy ddatblygiad sawl doc mawr o gyfnod y chwyldro diwydiannol a wasanaethodd ddiwydiant mwyndoddi copr ffyniannus, i'r ddinas flaengar ar y glannau a welwn heddiw, mae stori Abertawe wedi'i llunio gan y môr.
Mae Gŵyl y Môr Abertawe yn dod â'r stori honno'n fyw gyda rhaglen lawn o adloniant byw, gweithgareddau sy'n addas i deuluoedd a phrofiadau bythgofiadwy ar hyd glannau'r ddinas.
Cynhelir y digwyddiad ym Mharc yr Amgueddfa a'r marina cyfagos yn Abertawe, gan gynnwys Amgueddfa Genedlaethol y Glannau, gyda cherddoriaeth fyw yn Amffitheatr Abertawe, gweithgareddau a gweithdai yn Amgueddfa Genedlaethol y Glannau, Oriel Gelf Glynn Vivian, Amgueddfa Abertawe, Canolfan Dylan Thomas, Oriel Mission a Chanolfan yr Amgylchedd, a rhaglen grwydro llawn cerddoriaeth fyw yn The Pumphouse, The Queen’s a'r Copper Jack – a hynny i gyd am ddim!
Masnachu yng Ngŵyl y Môr Abertawe
Mae stondinau masnach ar gael hefyd os hoffech chi fod yn rhan o'r digwyddiad gwych hwn – gallwch gael rhagor o wybodaeth a chyflwyno cais ar-lein
Digon i'w fwynhau
- Arddangosiadau dŵr yn y marina, gan gynnwys rafftiau a badau achub bywyd, ymarferion achub pobl o'r môr, agerlongau, cychod hwylio a mwy
- Arddangosiadau ac efelychwyr creaduriaid môr chwyddadwy a llongau môr-ladron pren, a morlyn môr-forwynion
- Profiadau yn yr harbwr, gan gynnwys hwylio a theithiau ar gychod, ac arddangos cychod hwylio, agerlongau a mwy
- Cerddoriaeth Fyw yn Amffitheatr Abertawe
- Rhaglen grwydrol o gerddoriaeth yn The Pumphouse, The Queen’s, The Swigg a'r Copper Jack
- Arddangosiadau dŵr yn y marina, gan gynnwys rafftiau a badau achub bywyd, ymarferion achub pobl o'r môr, agerlongau, cychod hwylio a mwy
- Arddangosiadau ac efelychwyr creaduriaid môr chwyddadwy a llongau môr-ladron pren, a morlyn môr-forwynion
- Profiadau yn yr harbwr, gan gynnwys hwylio a theithiau ar gychod, ac arddangos cychod hwylio, agerlongau a mwy
- Cerddoriaeth Fyw yn Amffitheatr Abertawe
- Rhaglen grwydrol o gerddoriaeth yn The Pumphouse, The Queen’s, The Swigg a'r Copper Jack
Amserlen arddangosiadau yn y dŵr
- 10.00am: Gwasanaeth Gwirfoddolwyr Morol – cychod chwyddadwy yn y porthladd
- 10.30am-11.00am: Arddangosiad achub pobl o’r môr gyda dyfais achub Jason’s Cradle
- 11.00am-11.30am: Arddangosiad taflu cylch achub bywyd
- 11.30am-12.00pm: Arddangosiad achub pobl o’r môr gyda chylch achub bywyd
- 12.15pm-1.00pm: Defnyddio rafft achub bywyd
- 1.00pm-2.00pm: Arddangosiad bad achub RNLI y Mwmblws – DYDD SADWRN YN UNIG
- 2.15pm-2.45pm: Arddangosiad achub pobl o’r môr gyda dyfais achub Jason’s Cradle
- 2.45pm-3.15pm: Arddangosiad taflu cylch achub bywyd
- 3.30pm-4.00pm: Arddangosiad achub pobl o’r môr gyda chylch achub bywyd
Amserau bras yw’r rhain
Peidiwch â cholli'r cyfle
Mae Gŵyl y Môr Abertawe'n addo ffordd ddifyr ac ymdrochol o ddarganfod a dathlu ein hanes morwrol cyfoethog drwy weithgareddau rhyngweithiol i deuluoedd, arddangosfeydd treftadaeth, adloniant byw a llawer mwy, gan daflu goleuni ar y bobl, y straeon a'r diwydiannau a luniodd ein dinas. Ymunwch â ni i brofi Abertawe ar ei gorau, ger y môr!
Cynlluniwch eich ymweliad
Lleoliadau: Parc yr Amgueddfa Abertawe a'r Marina cyfagos, gan gynnwys Amgueddfa Genedlaethol y Glannau
Mynediad: Mynediad am ddim.
Cymerwch gip ar yr hyn sydd ar y gweill yn ystod Gŵyl y Môr Abertawe
Dewch i brofi'r dŵr gyda theithiau AM DDIM ar gwch cyflym o gwmpas Marina Abertawe, drwy garedigrwydd Swansea Watersports. Ymgollwch yn y cyffro wrth i chi fentro i'r môr, mwynhau golygfeydd godidog o'r marina a darganfod Abertawe o safbwynt newydd sbon.
Cerddoriaeth Fyw
Amffitheatr - Dydd Sadwrn 8fed Awst
10:00am i 10:45am - Beaufort Scale
Mae Beaufort Scale yn grŵp caneuon morwyr poblogaidd o ganol de Cymru. Er eu bod ymhell o'r arfordir, maent yn adnabyddus ledled y DU am gadw traddodiadau morwrol yn fyw gyda'u harmonïau tynn, eu canu cyffrous a'u phresenoldeb direidus ar y llwyfan.
12:00pm i 12:45pm - Jemma Krysa With Special Guest Lucian Romanescu
Mae Jemma Krysa yn gantores-gyfansoddwr werin acwstig o bentref glofaol gwledig Tai'r-gwaith, ger Mynydd Du yn ne Cymru. Mae gan lais unigryw Jemma gynhesrwydd cyfareddol ac ynghyd â'i geiriau emosiynol a'i melodïau rhythmig hardd, mae hi'n boblogaidd iawn yn y byd cerddorol, ac heddiw mae hi yng nghwmni'r gwestai arbennig Lucian Romanescu.
2:00pm i 2:45pm - Buttonsville
Sefydlwyd Buttonsville yn 2024 ac mae'r grŵp yn hen gyfarwydd â byd cerddoriaeth fyw Abertawe. Am dros ddau ddegawd, mae'r grŵp tynn hwn wedi perfformio gyda'r un aelodau, gan lenwi pob llwyfan ag egni diamheuol a dawn gerddorol. Mae gan y band lu o gefnogwyr yn Abertawe ac rydym yn falch iawn o'u cyflwyno i chi heddiw.
4:00pm i 4:45pm - Whilbur
Mae'r band gwerin gwreiddiol, Whilbur, a ffurfiwyd ym mis Medi 2019 fel prosiect cydweithredol sy'n ymroddedig i greu a dathlu cyfansoddi caneuon dilys yn lleol yn dod o Benrhyn Gŵyr ger Abertawe. Mae'r band yn cyfuno adrodd straeon enaid gydag alawon gwerin cyfoethog i gyfleu ysbryd unigryw ardal Bae Abertawe drwy eu gwreiddiau cerddorol dwfn yn ne Cymru. Maen nhw'n perfformio'n rheolaidd yn y byd cerddoriaeth lleol a hefyd yn swyno cynulleidfaoedd mewn lleoliadau a gwyliau rhanbarthol, gan ddod â chynulleidfaoedd ynghyd drwy eu sain unigryw, atgofus.
Amffitheatr - Dydd Sul 9fed Awst
10:00am i 10:45am - Hermione Wild
Mae Hermione Wild yn gantores-gyfansoddwr ac yn aml-offerynnwr gwerin cyfoes o dde Cymru, ac mae hi'n adnabyddus am ei cherddoriaeth bersonol a dilys sy'n dilyn themâu tirwedd, llên gwerin a'r gymuned leol.
12:00pm i 12:45pm - Sam Baggott
Mae Sam Baggott yn ganwr, yn gyfansoddwr ac yn aml-offerynnwr amryddawn sydd wedi dod yn llais diffiniol ym myd cerddoriaeth fyw Abertawe. Mae Sam yn adnabyddus am gyflwyno perfformiadau acwstig egni uchel sy'n cyfuno'n gerddoriaeth werin, canu gwlad, canu'r Tir Glas a cherddoriaeth bop acwstig.
2:00pm i 2:45pm - Tanglejack
Mae Tanglejack yn ddeuawd roc gwerin acwstig enwog o ardal Abertawe a de Cymru sy'n adnabyddus am eu harmonïau tynn a'u gwaith gitâr cymhleth. Mae'r ddeuawd, sef y ffrindiau oes John-Paul Davies a Duncan Leigh, yn cyfuno dulliau adrodd straeon traddodiadol â pherthnasedd cyfoes, gan ddwyn ysbrydoliaeth yn aml o strydoedd a chymoedd de Cymru.
4:00pm i 4:45pm - Meic Agored
Mae Meic Agored yn fand teyrnged o Abertawe sy'n ymroddedig i gerddoriaeth y canwr-gyfansoddwr chwedlonol o Gymru, Meic Stevens. Mae'r band, a ffurfiwyd gan y cerddor a'r dysgwr Cymraeg Ian 'Tich' Thomas, yn dwyn ynghyd rhai o ddoniau cerddorol gorau ardal Abertawe i ddathlu a pherfformio cerddoriaeth werin-roc glasurol Cymru. Mae'r band yn cynnwys y cerddorion profiadol Ian Thomas, Kate Ronconi, Huw Rees a Danny KilBride, sydd wedi teithio'n helaeth gyda'u prosiectau eu hunain.
Dydd Sadwrn 8 Awst
Llwyfan Llanw'n Codi
- 11:00-11.30 Angharad
- 11.30-12:00 Joseph Lewis
- 13:00-14:00 Bay Buccaneers
- 15:00-16:00 Shanty Jacs
- 16:30-17:15 Ophelias Beard
Gweithdy
- 12:00-13:00 Cydganu Sianti
- 14:00-15:00 Cydganu Sianti
- 16:00-16:30 Storiau morwyr gyda Dan Mitchell
Dydd Sul 9 Awst
Llwyfan Llanw'n Codi
- 11:00-11.30 Cennedy Craven
- 11.30-12:00 Manon
- 13:00-14:00 Baggy Wrinkle – Swansea Shanty Men
- 15:00-16:00 Bowen
- 16:30-17:15 Bwca
Gweithdy | Workshops
- 12:00-13:00 One Heart Drummers
- 14:00-15:00 One Heart Drummers
- 16:00-16:30 Storiau morwyr gyda Dan Mitchell
Mae'r MVS (Gwasanaeth Gwirfoddolwyr Morol) yn hyfforddi aelodau mewn sgiliau morol a chyfathrebu, yn cefnogi diogelwch ar y môr, yn cynorthwyo digwyddiadau a sefydliadau lleol, yn annog diddordeb mewn gweithgareddau morol ac yn ysgogi gwirfoddolwyr i ddatblygu eu sgiliau wrth gyfrannu at eu cymuned.
Yng Ngŵyl y Môr Abertawe, bydd aelodau'r gangen leol yn cyflwyno cyfres o arddangosiadau yn y marina a fydd yn dangos technegau achub bywyd gwahanol, gan gynnwys defnyddio rafft achub bywyd, ac achub rhywun o'r môr. Byddant hefyd yn darparu gweithgareddau taflu llinyn ar gyfer y rhai hynny sy'n chwilio am brofiad mwy ymarferol.
Bydd aelodau tîm lleol yr RNLI yn y Mwmbwls yn bresennol yng Ngŵyl y Môr Abertawe lle byddant yn arddangos cyfarpar achub bywyd a gemau difyr i bawb eu mwynhau. Cadwch lygad amdanynt ym Mharc yr Amgueddfa. Rydym hefyd yn edrych ymlaen at groesawu Bad Achub y Mwmbwls i ddyfroedd y marina.
Byddwch yn barod i gael eich cyfareddu pan fyddwch yn cwrdd â'n môr-forwyn hudolus wrth iddi lithro'n osgeiddig drwy ddyfroedd disglair. Yn berffaith ar gyfer pob oedran, bydd yr atyniad swynol hwn yn dod â mythau a harddwch y môr yn fyw ddydd Sadwrn yn Sgwâr Dylan Thomas.
Dewch i gwrdd ag aelodau'r tîm sy'n gweithio i'n cadw'n ddiogel ger dŵr. Ewch i'w stondin ym Mharc yr Amgueddfa ar y ddau ddiwrnod i ddarganfod sut maent yn gosod ac yn cynnal amrywiaeth o gyfarpar achub bywyd ar hyd ein harfordir a'n dyfrffyrdd mewndirol, cyn rhoi cynnig ar un o'u gemau a'u gweithgareddau difyr.
Os ydych chi'n mwynhau cerddoriaeth fyw, beth am ymuno â ni ar un o'n digwyddiadau cerddoriaeth fyw gwych mewn lleoliad sy'n unigryw i Abertawe.
- Dydd Sul 9 Awst 3.30pm - The Shantyjacs - WEDI'U GWERTHU
Dewch i gwrdd â rhai o aelodau'r Llynges Frenhinol Wrth Gefn, llu o wirfoddolwyr rhan-amser sy'n cefnogi'r Llynges Frenhinol ar adegau llawn tyndra, ac yn ystod argyfyngau dyngarol a gwrthdaro arfog. Byddant yn siarad am eu prosiect cyffrous a'u gwaith ar y môr, ac yn perfformio arddangosiadau hyfforddi byw yn y marina ar gwch RIB chwyddadwy. Yn ogystal, byddwch yn gallu ymgolli yn eu byd drwy eu tryc dynwared.
Dewch i ryfeddu at y grefft arbenigol o gerfio â llaw flaenddelwau pren morol i'w cysylltu â blaenau llongau hwylio, at ddibenion addurnol a symbolaidd. Roedd morwyr yn credu bod y rhain yn amddiffyn y llong ac yn ei llywio'n ddiogel drwy foroedd peryglus. Felly, bu gofal a pharch mawr wrth eu creu a'u cynnal a'u cadw. Mae cerfwyr llongau Maritima yn brofiadol iawn, ar ôl arbenigo mewn gwaith addurnol ar gyfer amgylcheddau morol ers mwy na 30 mlynedd, gan greu blaenddelwau, delwau ag enwau a delwau cefn. Byddant ym Mharc yr Amgueddfa ar y ddau ddiwrnod.
Mae The Steam Boat Trust yn helpu i gadw'r tynfadau ager Challenge a Portwey, gan sicrhau eu bod yn parhau i weithredu er pleser y cyhoedd. Yn fuan, bydd y Canning yn ymuno â'r fflyd. Ar hyn o bryd, mae wedi'i angori yn y marina lle bydd trafodaethau am ei hanes a'r cynlluniau ar gyfer dyfodol y tynfad, gan gynnig y cyfle i bobl ymarfer technegau gwahanol o glymu rhaff.
Bydd Tîm Dysgu Gydol Oes Cyngor Abertawe yn creu argraff yn ystod Gŵyl y Môr Abertawe gydag amrywiaeth o weithgareddau difyr ar thema'r môr sydd â'r nod o ysbrydoli creadigrwydd a dysgu i bob oedran. Gall ymwelwyr gymryd rhan mewn sesiynau celf a chrefft ymarferol sy'n dathlu treftadaeth forol ac amgylchedd morwrol cyfoethog Abertawe.
Peidiwch â cholli'r môr-leidr Capten Jac yn cerdded o gwmpas yr ŵyl ym Mharc yr Amgueddfa ar y ddau ddiwrnod. Gwnewch yn siŵr eich bod chi'n ei gyfarch!
O sôn am fôr-ladron, bydd llong môr-ladron Gŵyl y Môr Abertawe ym Mharc yr Amgueddfa ar y ddau ddiwrnod. Cofiwch y côd môr-ladron a gofynnwch am gyfle i gwrdd â'r capten er mwyn cael taith ddiogel! Ond byddwch yn ofalus! Bydd y môr-ladron yn criwio'r llong a byddant yn barod i'w hamddiffyn ar bob cyfrif!
Dewch i fwynhau lliwiau a dychymyg cerfluniau chwyddadwy enfawr Designs in Air ar thema'r môr sydd wedi'u hysbrydoli gan ryfeddodau'r cefnfor. Bydd y gosodwaith trawiadol hwn yn trawsnewid y glannau'n fyd tanddwr uwchben y tonnau. Yn berffaith ar gyfer ffotograffwyr cymaint â theuluoedd, mae'r creadigaethau mawreddog hyn yn sicr o fod yn un brif atyniadau'r ŵyl.
Dewch i gael eich wyneb wedi'i baentio AM DDIM ar thema’r môr er mwyn ymdebygu i'ch hoff gymeriad cefnforol. O bysgod a môr-forynion lliwgar i fôr-ladron a chreaduriaid y môr, dyma'r ffordd berffaith o ychwanegu cyffro glân môr at eich diwrnod! Bydd paentio wynebau am ddim ar gael yn Sgwâr Dylan Thomas ddydd Sadwrn a Pharc yr Amgueddfa ddydd Sul.
Dyma'ch capten yn siarad ... dewch i'r badau achub ... mae rhywun yn y môr ... ac mae angen help brys arno!
Mae ein morwyr wedi'u dymchwel ac mae angen i chi eu helpu! Dewch i ymuno â nhw ar eu taith ar draws y môr, gafael mewn padl a bant â ni!
Dewch i gwrdd â'n pysgotwr ar ystudfachau – dyma gawr lliwgar sy'n cynnig hwyl, chwerthin a digon o gyfleoedd i gael ffotograff. Bydd yr atyniad crwydrol unigryw hwn yn siŵr o roi pleser i ymwelwyr o bob oed a goleuo diwrnod pawb!
Dewch i weld llyfrgell cregyn môr Beach Academy a dysgu enwau'r rhai hynny a'u creodd. Maen nhw'n brin iawn! Hefyd, tynnwch rai ffotograffau ohonynt wrth iddynt wisgo fel creaduriaid y môr! Dewch o hyd iddynt yn Sgwâr Dylan Thomas ddydd Sadwrn.
Dewch i ddarganfod Crafters’ Cove, pabell fywiog sy'n dathlu creadigrwydd a doniau crefftwyr a gwneuthurwyr lleol. Mae Crafters’ Cove yn llawn gemwaith, tecstilau, trysorau unigryw a rhoddion hardd a wnaed â llaw, ac mae'n cynnig y cyfle i gael cip ar yr arlwy a phrynu pethau'n uniongyrchol gan fasnachwyr lleol brwd.
Bydd y Gymdeithas Tsieineaidd yng Nghymru hefyd yn gwneud crefftau Tsieineaidd ar thema'r môr drwy gydol y penwythnos, gan gynnwys gwneud cychod a physgod origami Tsieineaidd!
Day's Motor Group a Chery yng Ngŵyl y Môr Abertawe – yn cefnogi gweithgareddau gwneud cychod a physgod origami Tsieineaidd.
Cymerwch gip ar yr hyn sydd ar y gweill yn ystod Gŵyl y Môr Abertawe
11am – 4pm, dydd Sadwrn 8 a dydd Sul 9 Awst
Gwnewch yn siŵr eich bod yn ymuno â ni yn yr amgueddfa i ddarganfod rhyfeddodau’r dŵr.
✨ Dewch i ddarganfod rhyfeddodau natur gyda'n cyfeillion o Marine Matters, a sbesimenau o'n casgliadau astudiaethau natur
🎶Ymlaciwch a mwynhewch ganeuon môr yn yr ardd GRAFT
📖Gwrandewch ar straeon gwefreiddiol am y môr mawr
🎨Byddwch yn greadigol a rhowch gynnig ar greu malwen y môr liwgar neu fwgwd wedi'i ysbrydoli gan y môr
⚓ A pheidiwch â cholli'r cyfle i gwrdd â llawfeddyg llong Fictoraidd.... a biolegydd môr sy'n fôr-forwyn!
Dewch draw i ymuno â ni! 🌟
-
Achos y Morwellt sy'n Diflannu - gyda'r fôr-forwyn Joanne
-
Chwedl neu Fioleg Môr? - gyda'r fôr-forwyn Joanne
1pm, dydd Sul 9 Awst
Sesiynau adrodd straeon 'Ar Lan y Môr' yn y Sied Dramiau, dydd Sadwrn (drwy'r dydd). (slotiau 2 awr)
Sgwrs ag Elizabeth Belcham - Bechgyn Drwg a Merched Drwg Abertawe - Amgueddfa Abertawe. 1pm dydd Sul.
Mae arddangosfa Bechgyn Drwg a Merched Drwg Abertawe’n uniongyrchol berthnasol i ddatblygiad y dociau yn Abertawe.
10am – 4pm, dydd Sadwrn 8 a dydd Sul 9 Awst
⚓Canolfan Dylan Thomas, galwch heibio o 10am i 4pm, dydd Sadwrn a dydd Sul: Ydych chi'n chwilio am rywfaint o amser tawel i ffwrdd o brysurdeb y prif ddigwyddiad? Mae arddangosfa ryngweithiol am ddim Canolfan Dylan Thomas, 'Dwlu ar y Geiriau' ar agor rhwng 10am a 4.30pm ac mae'n addas i deuluoedd. Rhwng 10am a 4pm bydd amrywiaeth o weithgareddau ac adnoddau synhwyraidd ar gael yn ein man dysgu hygyrch, a llawer o weithgareddau hunanarweiniedig ar thema glan môr.
Mae holl staff yr arddangosfa wedi cael hyfforddiant ymwybyddiaeth o awtistiaeth ac addas i deuluoedd, a byddent wrth eu boddau yn eich croesawu i'n harddangosfa.
⚓Yn Amgueddfa Genedlaethol y Glannau: Dydd Sadwrn 1.30pm – 3.30pm
Theatr Pypedau 'The Star of Wales'
Dewch i greu pypedau ar thema'r môr i'w defnyddio yn ein theatr pypedau 'The Star of Wales'. Ysgrifennodd Dylan Thomas yn helaeth am lannau ysblennydd Abertawe, ond roedd hefyd yn dychmygu cymeriadau'r môr fel Capten Cat a Dai Di-ddim yn Dan y Wenallt, a fyddai'n gogwyddo ac yn teithio ar, ac o dan, y môr, hyd yn oed pan fyddant ar goll yn eu breuddwydion...
Allwch chi wneud creaduriaid a chymeriadau'r môr ar gyfer ein theatr pypedau? Hoffech chi greu drama rhwng octopws a dolffin? Neu rhwng crëyr a seren fôr? Dewch i addurno ein cwch – byddwn yn defnyddio deunyddiau wedi'u hailgylchu a dyfyniadau i ddod â'n diorama yn fyw.
⚓Yn Amgueddfa Genedlaethol y Glannau, dydd Sul 11am – 1pm
Theatr Pypedau 'The Star of Wales'
Dewch i greu pypedau ar thema'r môr i'w defnyddio yn ein theatr pypedau 'The Star of Wales'. Ysgrifennodd Dylan Thomas yn helaeth am lannau ysblennydd Abertawe, ond roedd hefyd yn dychmygu cymeriadau'r môr fel Capten Cat a Dai Di-ddim yn Dan y Wenallt, a fyddai'n gogwyddo ac yn teithio ar, ac o dan, y môr, hyd yn oed pan fyddant ar goll yn eu breuddwydion...
Allwch chi wneud creaduriaid a chymeriadau'r môr ar gyfer ein theatr pypedau? Hoffech chi greu drama rhwng octopws a dolffin? Neu rhwng crëyr a seren fôr? Dewch i addurno ein cwch – byddwn yn defnyddio deunyddiau wedi'u hailgylchu a dyfyniadau i ddod â'n diorama yn fyw.
10am – 4pm, dydd Sadwrn 8 Awst
Casglu sbwriel ar y traeth, yn dechrau am 10.30am. Gweithgareddau di-blastig i blant, profi tywod y traeth am ficroblastigau.
Dydd Sadwrn 11am - 1pm, dydd Sul 1.30pm - 3.30pm, gweithdy creu eich barcud bach eich hun yn Oriel Gelf Glynn Vivian. Dewch i ddylunio a gwneud eich barcud bach eich hun wedi'i ysbrydoli gan ein harddangosfa syfrdanol, Celf yn y Nen.
11am - 12pm a 2pm - 3pm, dydd Sadwrn 8 a dydd Sul 9 Awst
Addurno cwch ‘The Flying Angel’.
Ymunwch â ni i greu ac addurno ein llong, ‘The Flying Angel.’ Mae Oriel Mission yn Ardal Forol Abertawe ac rydym yn falch o'n hanes cyfoethog. Ymhell cyn i’r adeilad gefnogi artistiaid a chroesawu'r rheini sy'n mwynhau creadigrwydd, fe’i hadwaenwyd fel Eglwys Sant Nicholas (nawddsant y morwyr). Roedd yn adeilad pwrpasol ar gyfer diwallu anghenion ysbrydol yr holl forwyr a oedd yn ymweld ag ef.
Mae angen eich help arnom i ddathlu'r etifeddiaeth unigryw hon! Rydym am i chi greu'r llong berffaith ar gyfer Gŵyl y Môr Abertawe sydd ar ddod! Bydd ein llong yn cael ei henwi'n ‘The Flying Angel’ i anrhydeddu defnydd blaenorol ein hadeilad fel Cenhadaeth i Forwyr, a sut mae'r oriel wedi datblygu ac wedi ffynnu dros y blynyddoedd. Gyda'n gilydd, byddwn yn addurno'r llong cyn iddi gael ei chynnwys yng ngorymdaith yr ŵyl, ac yna'n docio'r llong yn Amgueddfa Genedlaethol y Glannau i'w harddangos. Byddwn yn gweithio yn unol â'n prosiect presennol Pethau Gwerthfawr sy'n ail-ddychmygu sut gellir defnyddio deunyddiau gwastraff mewn arferion creadigol. Gan drawsnewid yr hyn sy'n cael ei ddiystyru fel arall yn rhan werthfawr o'r broses greadigol. Ymunwch â ni i gael hwyl yn gorymdeithio o amgylch y marina gyda'r llong cyn iddi gael ei harddangos.


Noddwyr a Chefnogwyr
Dechrau'n Deg yn cefnogi gweithgareddau'r Sea Shell Academy

Mae Llywodraeth Cymru yn mynd ati fesul cam i Ehangu Gofal Plant Dechrau’n Deg ledled Cymru.
Mae gofal plant Dechrau'n Deg yn cynnig:
- Gofal plant rhan-amser, o ansawdd uchel, a ariennir ar gyfer plant rhwng 2 a 3 oed drwy gyfrwng y Gymraeg neu’r Saesneg.
- Gofal plant am 2.5 awr y dydd, hyd at 12.5 awr yr wythnos, yn unol â thymhorau ysgol.
Gallwch wirio a ydych yn gymwys a gwneud cais am Ofal Plant Dechrau’n Deg drwy ddefnyddio’r ddolen ganlynol: Gwirio eich cymhwystra a gwneud cais
Day's Motor Group a Chery yng Ngŵyl y Môr Abertawe – yn cefnogi gweithgareddau gwneud cychod a physgod origami Tsieineaidd.

Mae Day's Motor Group yn falch o gefnogi gweithgareddau gwneud cychod a physgod origami Tsieineaidd i blant yng Ngŵyr y Môr Abertawe eleni – un o ddathliadau mwyaf poblogaidd Cymru o'r môr, y gymuned a'r arfordir.
Fel grŵp modurol mwyaf dibynadwy de Cymru ers mwy na 100 mlynedd, mae Day's wedi bod yn rhan o'r gymuned leol am genedlaethau. Eleni, mae'n destun cyffro i ni gyflwyno rhywbeth newydd i'r ŵyl: Chery, un o'r brandiau car sy'n tyfu gyflymaf yn y byd, sydd ar gael yma yn Abertawe am y tro cyntaf.
P'un a ydych yn dod oherwydd y gerddoriaeth, y bwyd neu'r golygfeydd nodedig ar y glannau, rydym yn gobeithio y byddwch yn oedi i gael cip ar Chery. Dyluniad beiddgar, gwerth trawiadol ac amrywiaeth eang o gerbydau trydan – mae'n werth rhoi sylw i'r brand hwn.
Dewch i'n gweld a'n cyfarch yn ystod yr ŵyl. Byddai'n bleser i ni gwrdd â chi.
Day's Motor Group — yn falch o fod yn rhan o Abertawe.
Digwyiddiadau Haf
IRONMAN 70.3 Abertawe
Gall athletwyr a gwylwyr ddisgwyl llwybr gwych mewn cyrchfan rasys sy’n cynnig golygfeydd…
-
Sioe / Arddangosfa
- Jul 24, 2027 - Jul 25, 2027
Sioe Awyr Cymru
Mae Sioe Awyr Cymru, sy’n cynnwys arddangosiadau erobateg gwefreiddiol, awyrennau milwrol…