Ddydd Gwener 28 Chwefror a dydd Sadwrn 1 Mawrth cynhaliwyd gŵyl Croeso yng nghanol dinas Abertawe unwaith eto – ein gŵyl sy’n dathlu popeth Cymreig!
Pan fydd 2026 yn agosáu byddwn yn cyhoeddi manylion digwyddiad y flwyddyn nesaf, ond tan hynny, cymerwch gip ar yr hyn a oedd ar gael yn 2025 isod i roi syniad i chi o’r hyn y gallwch ei ddisgwyl!
Gŵyl Croeso sy’n dathlu popeth Cymreig a gynhelir yng nghanol dinas Abertawe.
Y diwylliant Cymreig lleol gorau, gan gynnwys:
- Bwyd a diod
- Arddangosiadau coginio
- Cerddoriaeth fyw
- Adloniant ar y stryd
- Gweithdai
- Celf a chrefft
Ewch i St David’s Place yn Abertawe i glywed sŵn hyfryd cerddoriaeth Gymreig cyn symud ymlaen i Stryd Rhydychen, lle cewch flasu bwyd a diod o Gymru, a gweld nwyddau gwych a wnaed â llaw. Peidiwch â cholli'r arddangosiadau coginio!
Gallwch fwynhau gwledd o ddiwylliant Cymreig, gan gynnwys cerddoriaeth ac adloniant byw. Gallwch hyd yn oed ddweud Shwmae ac ymgolli yn y Gymraeg. Bydd digon o gymorth i’r rhai hynny sy'n dysgu'r Gymraeg neu sy'n ystyried dysgu'r iaith.
10:00 |
HQ Urban Kitchen |
Bwyd a diod arbennig o Gymru |
10:00 |
Morgans Hotel |
Te prynhawn Dydd Gŵyl Dewi/Cymreig |
10:00 |
Lush |
Triniaeth i’r wyneb i nodi Dydd Gŵyl Dewi |
10:00 |
Y Cwadrant |
Cennin Pedr am ddim |
Cyflwynir gan Cyngor Abertawe
Mewn cydweithrediad a
Tomato Energy – Prif noddwr
Mae Tomato Energy yn gwmni ynni arloesol sy'n chwyldroi'r sector ynni domestig. Drwy dariffau clyfar hynod bersonoledig a blaengarwch i sicrhau bod cynaliadwyedd yn hygyrch, mae Tomato Energy yn chwyldroi'r ffordd y mae pobl yn cael eu trydan. Yn ogystal â thariffau wedi'u teilwra, mae Tomato Energy yn cynnig paneli solar a storfeydd batri i berchnogion tai ar sail cost sefydlog, heb unrhyw gostau ymlaen llaw ar gyfer y cyfarpar, a biliau sefydlog am 5 mlynedd.
Am ragor o wybodaeth, ewch i www.tomato.energy/
Nathaniel Cars - Noddwr y Babell Fawr Bwyd a Diod
Mae Nathaniel Cars yn falch o noddi'r Babell Fawr Bwyd a Diod yn nigwyddiad Croeso eto eleni.
Sefydlwyd Nathaniel Cars dros 40 mlynedd yn ôl ac mae wedi helpu miloedd o gwsmeriaid gyda'u hanghenion moduro dros y cyfnod hwn. Rydym yn brif werthwr ceir MG ac mae gennym ystafelloedd arddangos ym Mhen-y-bont ar Ogwr, Caerdydd, Cwmbrân a'r llynedd agorom ein pedwaredd ystafell arddangos yn Abertawe (Clos Llyn Cwm, SA6 8QY). Mae gennym dros 350 o geir ail law mewn stoc grŵp hefyd, felly mae gennym rywbeth i ddiwallu anghenion pawb.
Dewch draw i weld ein stondin yn Stryd Rhydychen yn ystod digwyddiad Croeso, lle gallwch sgwrsio â'n staff a chael cip ar rai o'n modelau MG diweddaraf.
First Bus – Partner Teithio
“Ni yw eich gwasanaeth bysus lleol, ond rydym yn fwy na ffordd o fynd o A i B yn unig.
Mae bysus yn dod â phawb ynghyd - maent yn cysylltu cymunedau, yn agor drysau i gyfleoedd ac yn gwneud bywyd yn fwy hygyrch. Dyma'r dewis cynaliadwy, y dewis sy'n addas i'ch cyllideb, a'r dewis i bawb, ni waeth pwy ydych neu i ble rydych yn mynd.
Rydym yn gwybod nad ydym yn berffaith. Nid ydym bob amser yn gwneud pethau'n iawn ac ni allwn fynd â chi i bobman. Ond mae bysus yma bob amser, yn cynnig ffordd ddibynadwy a chroesawgar o deithio. Nid ydynt yn gofyn cwestiynau nac yn barnu oherwydd eu bod yno i bawb, bod dydd.
Diolch am deithio gyda ni a bod yn rhan o'r hyn sy'n gwneud ein gwasanaeth yn fwy na chludiant yn unig. Gyda'n gilydd, rydym yn creu cysylltiadau sydd o bwys."
Y Blynyddoedd Cynnar a Gofal Plant - cefnogi'r Llwybr i Blant
Y Cynnig Gofal Plant i Gymru: Help gyda chostau gofal plant i rieni cymwys â phlant 3 i 4 oed.
Oes angen help arnoch gyda chostau gofal plant? Dan y Cynnig Gofal Plant i Gymru, gallech hawlio hyd at 30 awr o addysg gynnar a gofal plant yr wythnos, am hyd at 48 wythnos y flwyddyn. Mae'r cynllun gofal plant hwn a ariennir gan y llywodraeth yn ceisio lleihau'r baich o dalu costau gofal plant fel y gallwch wario'r arian rydych wedi'i gynilo ar y pethau sydd bwysicaf i'ch teulu.
Mae'r cynnig eisoes wedi helpu rhieni ledled Cymru i ddychwelyd i'r gwaith, cynyddu eu horiau neu weithio'n fwy hyblyg. Os ydych yn chwilio am swydd neu'n ystyried dychwelyd i fyd addysg neu hyfforddiant, ond rydych yn pryderu am gostau gofal plant, gallai'r cymorth hwn wneud byd o wahaniaeth.
Peidiwch â cholli'ch cyfran chi o'r cyllid gofal plant.
www.llyw.cymru/cynnig-gofal-plant-cymru-ymgyrch
