Cynhaliwyd haf arall o chwaraeon o safon fyd-eang yn Abertawe yn 2024, pan ddychwelodd Cyfres y Byd Para Triathlon 2024 ar 22 Mehefin ac Ironman 70.3 Abertawe ar 14eg Gorffennaf! Gwelsom hefyd ddychwelyd yr Ŵyl Parasports wythnos o hyd, lle croesawyd miloedd o athletwyr, cefnogwyr a gwylwyr!
Rhwng 21 Mehefin – 13 Gorffennaf roedd yr Ŵyl Parasports yn cynnwys digwyddiadau Cymerwch Ran a Gwirfoddoli, gan roi cyfle i bobl gymryd rhan, yn ogystal â digwyddiadau gwych i wylwyr a oedd yn cynnig cyfle i weld paraathletwyr o’r radd flaenaf yn cystadlu.
Ddydd Sadwrn 22 Gorffennaf, cyrhaeddodd rhai o baratriathletwyr gorau’r byd Abertawe i gystadlu am y fedal aur ar draws y ddinas yng Nghyfres y Byd Para Triathlon 2024.
A daeth mabolgampau’r haf i ben gydag uchafbwynt ddydd Sul 14 Gorffennaf gydag Ironman 70.3 Abertawe, lle cwblhaodd miloedd o gystadleuwyr gwrs Abertawe gan arddangos ein dinas anhygoel, bae a phenrhyn Gŵyr.
Yn dilyn llwyddiant digwyddiad wythnos o hyd y llynedd, dychwelodd Gŵyl Para Chwaraeon 2025 i Abertawe i adeiladu ar y cyfleoedd cynhwysol lleol a’r cyfleoedd para-chwaraeon cystadleuol a arddangoswyd y llynedd.
