Mae'r cennin pedr yn eu blodau ac mae'r diwrnodau braf wedi codi hwyliau preswylwyr ac ymwelwyr ym Mae Abertawe. Rydym wedi llunio canllaw o bethau cyffrous i'w gwneud yn Abertawe y mis hwn ac ar ôl hynny. P'un a ydych yn chwilio am hwyl gyda’r teulu a ffrindiau, neu antur unigol yn y ddinas, darllenwch ymhellach i ddarganfod eich diwrnod nesaf allan! Mae'r gwanwyn yn ei anterth bellach!
Gyda gwyliau'r Pasg ar y gorwel, beth am greu'r diwrnod perffaith allan i'r teulu yn Abertawe drwy deithio i'n hatyniadau awyr agored? Mae un ardal nodedig o 5 milltir ym Mae Abertawe'n cynnig hwyl i'r holl deulu. O 5 Ebrill bydd yn bosib i chi fwynhau'r pedalos elyrch, ungorn a ddraig yn Llyn Cychod Singleton, cyn chwarae ar ein cwrs golff gwallgof ag 18 twll. Mae gan yr elyrch a'r gwyddau yn Llyn Cychod Parc Singleton gymdogion newydd...dywedwch helô wrth y dinosoriaid! Mae'r bwystfilod cyfarwydd hyn wedi cael eu rhoddi'n garedig gan Day’s Motor Park. On'd ydyn nhw'n edrych yn wych? Mae croeso i chi fynd i'w gweld yn eu cartref newydd. Gallwch hyd yn oed gael hunlun gyda nhw, a chofiwch ein tagio! #joioabertawe 😊 Mynd i Erddi Southend am rownd o golff bach neu deithio ar hyd Prom Abertawe mewn steil ar Drên Bach y Bae. Bydd Lido Blackpill hefyd yn agor yn ddyddiol o ddydd Gwener 2 Mai i ddydd Sul 28 Medi 2025. Mwynhewch aer y gwanwyn yn ein hatyniadau awyr agored
Gall ymwelwyr bellach archwilio hanes cyfoethog a phensaernïaeth nodedig y castell mawreddog hwn saith niwrnod yr wythnos. Mae'r castell ar agor o 11am i 5pm (mynediad olaf am 4.30pm). Dewch i ymuno yn y teithiau tywys AM DDIM, sy'n dechrau am 11.30am bob dydd Mercher, dydd Iau, dydd Gwener a dydd Sul. Dyma eich cyfle i ddarganfod y straeon sy'n dod â'r castell yn fyw! Ni fyddwch am golli'r holl ddigwyddiadau difyr sydd yn yr arfaeth yn y gwanwyn! Nodwch y rhain yn eich calendrau: ⚔️ Gwerin y Gŵyr - 5 Ebrill 🐰 Helfa Wyau Pasg gyda Bwnis y Castell - 20 Ebrill 🏆Gemau Calan Mai – 5 Mai 🔥Goleuo Ffagl – 8 Mai 🧸Picnic Tedi Bêrs – 26 Mai Mae Castell Ystumllwynarth wedi agor ei ddrysau'n swyddogol ar gyfer tymor 2025
10.00am - 4.30pm, ddydd Mercher i ddydd Sul: Mae llwybr 'Hoff Losin Dylan' yn cynnwys jariau losin bach sydd wedi'u cuddio o amgylch yr arddangosfa - dewch o hyd i bob un ohonynt i ennill gwobr! 10am - 4.30pm - ddydd Mercher i ddydd Sul: Harddangosfa Dwlu Ar y Geiriau am ddim sy'n addas i deuluoedd yn adrodd stori bywyd, gwaith a chyd-destun diwylliannol Dylan Thomas. 10am -12.30pm, 25 Ebrill: Gweithdy Tawel i Deuluoedd Papur blodau gwyllt a barddoniaeth. Ymunwch â ni am weithgaredd creadigol ac ymarferol, i ddysgu sut i wneud papur blodau gwyllt sydd ychydig yn wahanol i'r arfer! 1.00pm - 4.00pm, 25 Ebrill: Gweithdy i’r Teulu: Papur blodau gwyllt a barddoniaeth. Ymunwch â ni am weithgaredd creadigol ac ymarferol, i ddysgu sut i wneud papur blodau gwyllt sydd ychydig yn wahanol i'r arfer! Mae ein man dysgu sy’n addas i deuluoedd ar agor ar gyfer chwarae hunanarweinedig am ddim! Mae gweithgareddau'n cynnwys ysgrifennu creadigol, pypedau, gemau, cornel ddarllen, crefftau a dillad gwisgo lan, gyda'r cyfan wedi'i ysbrydoli gan yr anifeiliaid yng ngwaith Dylan. Hwyl i'r Teulu yng Nghanolfan Dylan Thomas
Gwahoddir pobl i fwynhau'r gwanwyn trwy gofrestru ar gyfer Ras am Oes Abertawe Cancer Research UK! Cynhelir digwyddiadau Ras am Oes ym Mharc Singleton ac ar Parc Amgueddfa yn Abertawe ac maent yn agored i bobl o bob oedran a gallu. Ar ddydd Sadwrn 17 Mai, bydd cyfle i gymryd rhan yn 'Pretty Muddy', sef cwrs rhwystrau 5km mwdlyd, ac mae opsiwn 'Pretty Muddy Kids' i blant rhwng 6 a 12 oed. Ar ddydd Sul 18 Mai, gall pobl ddewis rhwng rasys 5km a 10km. Mae digwyddiadau poblogaidd yr elusen, sy'n codi arian am ymchwil sy'n achub bywydau, yn dychwelyd i'r ddinas. Gall unrhyw un sy'n cofrestru rhwng dydd Llun 17 Mawrth a dydd Sul 6 Ebrill gael 30% oddi ar y pris cofrestru fel rhan o gynnig arbennig gan ddefnyddio'r côd 25SPRING. Mae'r arian a godir ar gyfer Ras am Oes yn galluogi gwyddonwyr i ddod o hyd i ffyrdd newydd o atal, diagnosio a thrin canser, er mwyn creu byd lle gall pawb fyw bywydau hirach a gwell heb ofni canser. Mae Croeso i bawb yn ras am oes Abertawe!
Bydd tîm Red Arrows byd enwog yr RAF yn dychwelyd i Abertawe i ddiddanu’r dorf yn Sioe Awyr Cymru’r haf hwn. Dyma’r enw mawr cyntaf a gadarnhawyd ar gyfer y digwyddiad deuddydd nodedig am ddim a gynhelir ym Mae Abertawe ddydd Sadwrn 5 Gorffennaf a dydd Sul 6 Gorffennaf. Bydd y Red Arrows, sy’n enwog am arddangosiadau awyr gwefreiddiol a hedfan manwl gywir, yn perfformio ar y ddau ddiwrnod eleni, gan roi cyfle i gefnogwyr weld trefniannau nodweddiadol, symudiadau brawychus ac olion mwg coch, gwyn a glas disglair. Paratowch am arddangosiadau awyr gwefreiddiol ar draws Bae Abertawe, gweithgareddau cyffrous ar y ddaear a stondinau bwyd blasus i bawb eu mwynhau! Paratowch ar gyfer Sioe Awyr Cymru ym mis Gorffennaf
Wrth i'r gwanwyn gyrraedd, dyma'r amser delfrydol i ddechrau ymarfer yn yr awyr agored ar gyfer Ras 10k Bae Abertawe Admiral. Os ydych wedi gorffwys ar eich rhwyfau yn ystod y gaeaf, gallwch adennill eich nerth drwy redeg yn hamddenol yng nghanol golygfeydd godidog Bae Abertawe. Gan na chaiff y digwyddiad mawr ei gynnal tan 14 Medi, mae gennych ychydig fisoedd i fagu eich gallu'n raddol tuag at redeg 10k, hyd yn oed os ydych newydd ddechrau. Mae cyfleoedd i bob oedran gymryd rhan, gan gynnwys rasys 1k a 3k i bobl ifanc. Cofrestrwch i gymryd rhan yn 10k Bae Abertawe Admiral
