Gŵyl y Môr Abertawe 8 - 9 Awst

Byddwch yn barod am Ŵyl y Môr Abertawe ar 8 a 9 Awst!

Ymunwch â ni ar lannau godidog Abertawe am benwythnos am ddim a fydd yn llawn antur forwrol, adloniant i'r teulu, perfformiadau byw a gweithgareddau ymarferol yn ystod Gŵyl y Môr Abertawe ar 8 a 9 Awst.

Mae Gŵyl y Môr Abertawe, a gynhelir ar draws Parc yr Amgueddfa, Marina Abertawe ac Amgueddfa Genedlaethol y Glannau, yn dathlu treftadaeth forwrol gyfoethog y ddinas, gan ddod â'r bobl, y straeon a'r diwydiannau sydd wedi llunio cysylltiad yr ardal â'r môr yn fyw.

Gallwch edrych ymlaen at y canlynol?

Bydd rhaglen lawn i'ch diddanu drwy gydol y dydd, gan gynnwys:

• Teithiau cwch am ddim o gwmpas Marina Abertawe
• Arddangosiadau achub byw gan y Gwasanaeth Gwirfoddolwyr Morol a'r Llynges Frenhinol Wrth Gefn
• Arddangosiadau diogelwch dŵr a'r RNLI
• Cerddoriaeth fyw a chaneuon môr
• Llong môr-ladron a môr-ladron ar grwydr
• Morlyn môr-forwyn hudol
• Paentio wynebau am ddim, celf a chrefft
• Arddangosfeydd cregyn môr gan Beach Academy
• Cerfluniau chwyddadwy enfawr ar thema'r môr
• Pysgotwr ar ystudfachau
• Arddangosiadau addurno llongau a gwneud hwyliau traddodiadol
• Gwneuthurwyr lleol a masnachwyr crefftus yn Crafters’ Cove

Byddwch hefyd yn cael cyfle i ddarganfod hanes morwrol Abertawe drwy arddangosfeydd treftadaeth, sesiynau adrodd straeon, gweithdai ac arddangosion rhyngweithiol a gyflwynir gan amrywiaeth o bartneriaid gan gynnwys Amgueddfa Genedlaethol y Glannau, Amgueddfa Abertawe, Oriel Gelf Glynn Vivian, Canolfan Dylan Thomas, Oriel Mission a Chanolfan yr Amgylchedd.

Gall y rheini sy'n dwlu ar gerddoriaeth archwilio lleoliadau cyfagos sy'n rhan o'r rhaglen grwydro, neu ymlacio a mwynhau perfformiadau gwerin a chaneuon môr traddodiadol ar fwrdd y Copper Jack.

P'un a oes gennych ddiddordeb mawr mewn hanes morwrol, rydych chi'n chwilio am ddiwrnod o hwyl i'r teulu neu rydych chi'n mwynhau awyrgylch bywiog glannau Abertawe, mae rhywbeth i bawb ei fwynhau. A gorau oll, mae mynediad yn rhad ac AM DDIM!