*Nifer cyfyngedig o docynnau ar gael, sicrhewch eich rhai chi nawr!
Bydd y theatr awyr agored yn dychwelyd i diroedd delfrydol Castell Ystumllwynarth yn ystod yr haf, wedi'i chyflwyno gan Gyngor Abertawe. Bydd y castell hanesyddol yn cynnig cefndir i berfformiadau anhygoel o ddau glasur bytholwyrdd: Pride and Prejudice a The Wind in the Willows.
Mae Mr Darcy yn mynd dan groen Lizzy! Neu ydy ef ...? All hi weld y tu hwnt i'w falchder ef – ac a allai ef oresgyn ei rhagfarn hi – i ystyried dyfodol posib gyda'i gilydd? Bydd theatr arobryn Illyria yn dychwelyd i ddathlu 250 o flynyddoedd ers geni Jane Austen mewn modd nodedig. Dewch â phicnic wrth i chi fwynhau ei ffraethineb!
Mae'r twrch daear yn ysu i archwilio'r byd ehangach. Mae'r mochyn daear yn mwynhau llonydd. Mae'r llygoden fawr yn hoffi chwarae mewn cychod. Mae eu bywydau delfrydol ar lan yr afon yn cael eu gweddnewid ar ôl i'r llyffant ddatgelu ei obsesiwn diweddaraf: car modur! Mae theatr arobryn Illyria yn dathlu stori glasurol Kenneth Grahame yn yr awyr agored.
Wrth gwrs, ni fyddai unrhyw ymweliad â Theatr Awyr Agored Castell Ystumllwynarth yn gyflawn heb bicnic cyn y sioe ar safle hardd ein castell. Bydd cadeiriau cynfas ar gael i'w rhentu, neu dewch â blanced, ambell fyrbryd a'ch hoff bobl, ac ymgollwch yn yr awyrgylch wrth i chi aros am ddechrau'r sioe. Archebwch eich tocynnau nawr a pharatowch am haf o adloniant bythgofiadwy.
