Mewn cydweithrediad â Day's Peugeot
Mae'r Theatr Awyr Agored yn dychwelyd yr haf hwn ac rydych yn sicr o fwynhau wrth i Gwmni Theatr Illyria gyflwyno tri pherfformiad yng Nghastell Ystumllwynarth!
Dewch â blanced, ambell fyrbryd a'ch hoff bobl, ac ymgollwch yn yr awyrgylch wrth i chi aros am ddechrau'r sioe. Archebwch eich tocynnau nawr a pharatowch am haf o adloniant bythgofiadwy.
The Pirates of Penzance
Nos Fercher 26 Awst 7pm
Ganed Frederick mewn blwyddyn naid ar 29 Chwefror ac mae dan gontract i Frenin y Môr-ladron tan ei 21ain PEN-BLWYDD, nid ei 21ain flwyddyn. A all heddlu anobeithiol Penzance ei ddiogelu? Sut bydd yn goddef bywyd o droseddu tan iddo gyrraedd 84 oed? Ac a fydd ei gariad, Mabel, yn aros amdano tan hynny? Dyma sioe llawn melodrama ddoniol, dychan miniog a ffraethineb disglair sydd mor fywiog â phe bai wedi cael ei hysgrifennu heddiw.
Dydd Iau 14 Awst 2pm
Mae'r twrch daear yn ysu i archwilio'r byd ehangach. Mae'r mochyn daear yn mwynhau llonydd. Mae'r llygoden fawr yn hoffi chwarae mewn cychod. Mae eu bywydau delfrydol ar lan yr afon yn cael eu gweddnewid ar ôl i'r llyffant ddatgelu ei obsesiwn diweddaraf: car modur! Mae theatr arobryn Illyria yn dathlu stori glasurol Kenneth Grahame yn yr awyr agored.
Pinocchio
Dydd Iau 27 Awst 2pm
Mae pyped pren yn rhedeg i ffwrdd, gan obeithio canfod hwyl ac antur, ond yn hytrach na hynny mae'n canfod rheolwyr llethol, twyllwyr a phwysau cyfoedion. Wedi'i lethu gan arian, gemau ac atyniadau eraill sy'n tynnu ei sylw, sut gall Pinocchio byth fod yn fachgen go iawn pan fydd hyd yn oed celwyddau sydd â’r nod o gelu gwirioneddau lletchwith mor amlwg â'i drwyn ef?
Gallwch gael gostyngiad gwerth 50% oddi ar fynediad i Castell Ystumllwynarth ar ddiwrnodau'r Theatr Awyr Agored! Dangoswch eich tocynnau i'r theatr wrth fynedfa'r castell.
Tocynnau
- £17.97 Oedolyn*
- £15.86 Consesiwn *
- £9.51 PTL*
- £48.62 Teulu*
* Pob tocyn yn amodol ar ffi archebu o 5.7%.
Ceir gostyngiad o 10% pan fyddwch yn prynu tocynnau ar gyfer dau neu fwy o ddigwyddiadau theatr awyr agored.
Dan 16 oed, dros 60 oed a myfyrwyr a chanddynt gardiau adnabod. Bydd y rheini dan 3 oed ac yn iau. Gwybodaeth am docynnau: Ar gyfer teulu o bum person (dau docyn llawn a thri thocyn consesiynol), rhoddir gostyngiad awtomatig ar waith i'r pris i deulu wrth i chi dalu.
