O olygfeydd dinesig trawiadol a chaffis arfordirol clyd i encilfeydd cefn gwlad hamddenol, mae mannau gwych i fwynhau Te Prynhawn clasurol i'w cael ym Mae Abertawe, y Mwmbwls a Gŵyr. P'un a ydych yn dathlu achlysur arbennig neu'n ffansïo trît haeddiannol, mae'r arweiniad hwn yn tynnu sylw at rai mannau go arbennig am ddanteithion melys a sawrus - gyda digon o leoliadau trawiadol a chyfleoedd i gael diod befriog hefyd! 

Mae'r rhaid archebu te prynhawn ymlaen llaw yn y rhan fwyaf o leoliadau, felly cymerwch gip ar wefannau unigol am fanylion cyn ymweld.

Altitude 28 Sky Bar & Restaurant 

Profwch De Prynhawn cain yn Altitude 28 Sky Bar & Restaurant, lle mae golygfeydd panoramig ar draws Bae Abertawe'n creu'r lleoliad perffaith. Gallwch fwynhau detholiad blasus o dameidiau sawrus, brechdanau bys a bawd wedi'u paratoi'n ffres a sgons cynnes wedi'u gweini gyda hufen tolch a jam. Mwynhewch deisennau crwst cartref wedi’u cyflwyno’n hyfryd a danteithion melys cain. Dewiswch o ddetholiad o de rhagorol neu goffi ffres neu uwchraddiwch gyda gwydraid o Prosecco. Ar gael ddydd Gwener a dydd Sadwrn yn unig, rhaid cadw lle ymlaen llaw.

Rhagor o wybodaeth
Altitude 28 Afternoon Tea

Bistrot Pierre

Gallwch fwynhau Te Prynhawn yn edrych dros Fae Abertawe yn Bistrot Pierre, bistro o safon yn y Mwmbwls, sy'n cyfuno te mawr Prydeinig a bwyd Ffrengig clasurol. Mwynhewch  frechdanau a croissants sawrus a sgons ffrwythau sy'n cael eu gweini gyda hufen tolch a jam mefus, ynghyd â detholiad o deisennau, gan gynnwys teisen Victoria, teisen cyffug siocled ac Eton Mess. Fe'u gweinir gyda the neu goffi - neu gallwch gael gwydriad o win pefriog Ffrengig! Ar gael bob dydd rhwng 2.30pm a 5pm. Rhaid cadw lle ymlaen llaw. 

Rhagor o wybodaeth
Bistrot Pierre - Afternoon Tea

Bluebell Coffee and Kitchen

Mae Bluebell Coffee and Kitchen yn Sgeti yn cynnig profiad Te Prynhawn moethus sy'n berffaith ar gyfer dathliadau o unrhyw fath. Mwynhewch dair haen o ddanteithion melys a sawrus cartref blasus, wedi'u paru â diodydd arbenigol. Gellir darparu ar gyfer archebion grŵp mwy a phartïon bwmp hefyd.  Mae Te Prynhawn ar gael drwy archebu ymlaen llaw'n unig, gydag o leiaf 24 awr o rybudd.

Rhagor o wybodaeth
Bluebell Cafe- Afternoon Tea

Cwtch Corner 

Gallwch chi a'ch anwyliaid fwynhau te prynhawn cartref hyfryd yn siop goffi Cwtch Corner yng Nghlydach – dyma'r ffordd berffaith o ddathlu digwyddiad arbennig neu achlysuron dal i fyny hamddenol. Mae'r Te Prynhawn yn cynnwys detholiad o frechdanau ffres, bwydydd sawrus tymhorol, sgons cartref ac amrywiaeth o deisennau blasus, ynghyd ag un ddiod boeth y pen. Mae archebion preifat ar gael yn ardal hardd yr ysgubor, gyda phartïon llai yn cael eu croesawu yn y siop goffi. Cynigir opsiynau cludfwyd hefyd. Mae croeso i westeion ddod â'u diod Prosecco eu hunain heb unrhyw dâl gweini. Gan fod popeth wedi'i wneud yn ffres yn ôl yr archeb, mae'n hanfodol cadw lle ymlaen llaw.

Rhagor o wybodaeth
Cwtch Cafe- Afternoon Tea

Man Geni Dylan Thomas

Dewch i fwynhau Te Prynhawn ym Man Geni a Chartref Teuluol Dylan Thomas. Ar ôl eich taith dywys hunanarweiniol, mwynhewch de prynhawn teuluol wrth wrando ar rywfaint o waith Dylan. Mae te nodweddiadol yn cynnwys digonedd o sgons hyfryd gyda hufen a jam mefus, pice ar y maen, teisennau crwst neu efallai teisen flasus, a detholiad o frechdanau sy'n tynnu'r dŵr o'ch dannedd. Cewch baned o de Cymreig hefyd wedi'i weini mewn hen set o lestri Edwardaidd. Rhaid cadw lle o leiaf pum niwrnod ymlaen llaw. Grŵp o ddau neu fwy.

Rhagor o wybodaeth
Afternoon Tea laid out on a table

Gwesty Morgans 

Rydych chi'n siŵr o gael amser gwych gyda'ch teulu a'ch ffrindiau yn mwynhau Te Prynhawn yn Morgans Hotel yng nghanol y ddinas. Mae Te Prynhawn Morgans, a weinir yn Neuadd Wledda gain y gwesty, yn cynnwys amrywiaeth eang o ddanteithion sawrus a melys blasus, gan gynnwys llawer o ffefrynnau traddodiadol a Chymreig a rhai ychwanegiadau newydd ar gyfer haf 2026 sy'n siŵr o greu argraff arnoch chi a'ch gwesteion! Gweinir te prynhawn yn Morgans Hotel gyda the a choffi diderfyn, neu gall gwesteion uwchraddio i ychwanegu gwydraid adfywiol o Prosecco, coctel oer, potel o siampên neu unrhyw ddiod arall maen nhw'n ei ffansïo! Gweinir Te Prynhawn ar ddyddiadau dethol yn unig a rhaid archebu byrddau ymlaen llaw.

Rhagor o wybodaeth
Morgans Hotel - Afternoon Tea

Parc-Le-Breos

Mwynhewch De Prynhawn moethus ym Mharc-Le-Breos ym Mro Gŵyr. Eisteddwch yn ôl ac ymlaciwch ar y teras sy'n edrych dros y gerddi godidog. Yn y misoedd oerach gallwch fwynhau'r hen ystafell fwyta gyda'r tân coed neu'r ystafell wydr olau ac awyrog â golygfeydd dros y tiroedd tirluniedig amgylchynol. Gellir ychwanegu gwydraid oer o Prosecco, neu seidr neu gwrw lleol. Gweinir Te Prynhawn drwy gydol y flwyddyn, o ddydd Mercher i ddydd Sadwrn o 2.30pm. Mae'n hanfodol cadw lle ymlaen llaw

Rhagor o wybodaeth
A man and woman enjoying a table full of afternoon tea at Parc le Breos

Sullivan's Tea and Coffee Co.

Profwch De Prynhawn traddodiadol yn amgylchoedd clyd a hamddenol Sullivans Tea and Coffee Co. ym Mhontarddulais. Mwynhewch ddetholiad o frechdanau bys a bawd, sgons ffrwythau cynnes gyda hufen tolch a jam mefus, a theisennau bach tlws, blasus i ddilyn. Dewiswch o ystod eang o de a choffi, a gallwch ail-lenwi eich diodydd am ddim. Rhaid cadw lle ymlaen llaw.

Rhagor o wybodaeth
Sullivan's Tea and Coffee Co - Afternoon Tea

The Estuary Bar

Yn The Estuary Bar, mae Te Prynhawn yn cynnig dihangfa o fywyd pob dydd mewn awyrgylch hamddenol, hyfryd. Gyda golygfeydd ysgubol ar draws gogledd Gŵyr a Moryd Llwchwr, mae'r lleoliad yn unig yn gwella'r profiad - p'un a ydych chi'n mwynhau'r haul y tu allan neu awyrgylch clyd y bar dan do. Mae'r fwydlen yn darparu ar gyfer gofynion dietegol feganaidd a llysieuol, gan gynnwys dewisiadau heb glwten a heb gnau. Mwynhewch eich te gyda diod boeth draddodiadol neu ychwanegwch wydraid o Prosecco i gael boddhad ychwanegol. Wedi'i baratoi'n ffres a'i weini yn erbyn cefndir arfordirol heddychlon, mae'n lle delfrydol ar gyfer dathliadau, cyfle i ddal i fyny â ffrindiau neu dretio'ch hun. Rhaid cadw lle ymlaen llaw gydag o leiaf 24 awr o rybudd.

Rhagor o wybodaeth
The Estuary Bar - Afternoon Tea

The Welsh House

Mae The Welsh House ar lannau SA1 yn hyrwyddo'r gorau o gynnyrch Cymreig. Mwynhewch frechdanau ffres, ffefrynnau sawrus fel pice ar y maen cennin a chaws Cheddar, a danteithion melys gan gynnwys pice ar y maen Cymreig traddodiadol wedi'u gweini gyda hufen tolch a jam mefus. Mae pob elfen yn dathlu blasau lleol go iawn. Mae te Welsh Brew, coffi'r Welsh Coffee Co., neu wydraid o ddiod befriog yn mynd yn berffaith gyda'r rhain. Gweinir o ddydd Llun i ddydd Sadwrn, 12pm–5pm. Rhaid cadw lle 24 awr ymlaen llaw.

Rhagor o wybodaeth
The Welsh House - Afternoon Tea

Siop Goffi Bae y Tri Chlogwyn

Siop Goffi Bae y Tri Chlogwyn yw'r arhosfan Te Prynhawn perffaith i unrhyw un sy'n archwilio Llwybr Arfordir Cymru gerllaw, gan ei fod ychydig funudau'n unig o'r baeau trawiadol sy'n gwneud yr arfordir hwn yn un mor eiconig. Mae'n cynnig croeso cynnes a detholiad o deisennau cartref a thameidiau sawrus i'ch temtio, wedi'u gweini gyda choffi o safon Gower Coffi neu debotaid o de clasurol. Mae llawer o gerddwyr yn galw heibio ar ôl taith gerdded arfordirol i fwynhau'r awyrgylch cyfeillgar, teuluol, gyda dewis o fyrddau dan do clyd neu seddi awyr agored hamddenol. Mae opsiynau feganaidd a heb glwten ar gael hefyd, ynghyd â dewisiadau cludfwyd defnyddiol i'r rhai sy'n awyddus i barhau i archwilio. Rhaid cadw lle ymlaen llaw gydag o leiaf 24 awr o rybudd.

Rhagor o wybodaeth
Three Cliffs Coffee Shop - Afternoon Tea

Cymerwch gip ar ein hadran bwyd a diod am ragor o brofiadau ciniawa unigryw ym Mae Abertawe, y Mwmbwls a phenrhyn Gŵyr.