Ryseitiau Dydd Gŵyl Dewi: Pice ar y Maen

Ryseitiau Dydd Gŵyl Dewi: Pice ar y Maen 

Saith cam i gyrraedd nefoedd Pice ar y Maen! 

I wneud y pice ar y maen hyn i ddathlu Dydd Gŵyl Dewi, bydd angen:   

Cynhwysion(Bydd y symiau hyn yn ddigon i wneud tua 24 o bice ar y maen) 

250g o fenyn Cymreig hallt  neu fargarîn 500g o flawd codi  

150g o siwgr mân, a 50g yn ychwanegol er mwyn ysgeintio’r pice.    

150g o gyrens  neu syltanas 

2 ŵy maes mawr neu amnewidyn feganaidd 

Pinsiaid o nytmeg neu sbeis cymysg  

50 o flawd plaen i flawdio’ch arwyneb gwaith ac er mwyn rholio toes y pice ar y maen  

1 llwy de o olew llysiau i iro’r maen yn ysgafn.  

Anghenion dietegol arbennig   

I wneud pice ar y maen feganaidd, defnyddiwch bâst neu fargarîn feganaidd a defnyddiwch laeth ceirch yn lle ŵy.    

Gellir defnyddio symiau cyfartal o fathau eraill o flawd yn lle blawd gwenith e.e. blawd heb glwten   

Offer 

Powlen gymysgu fawr. 

Powlen fach i dorri’r ŵy i mewn iddi a fforc i’w guro 

Rholbren 

Gogr  

Torrwr crwn 7cm   

Hambwrdd 

Cyllell balet  

Resel oeri  

Gogr siwgr mân  

Maen neu badell ffrio â gwaelod trwchus  *i’w dwymo i 170˚C  

Cam 1: Gogrwnwch y blawd codi a’r sbeis cymysg i mewn i’r bowlen.   

Cam 2: Ychwanegwch y menyn Cymreig at y blawd a rhwbiwch y cynhwysion hyn gyda blaenau’ch bysedd nes eu bod fel briwsion mân, yna ychwanegwch y siwgr a’r cyrens a’u cymysgu’n ysgafn.  

Cam 3: Gwnewch bant yng nghanol y cymysgedd ac ychwanegwch yr ŵy wedi’i guro, yna defnyddiwch eich bysedd i ddod â’r cynhwysion at ei gilydd i ffurfio pelen ystwyth o does.   

Cam 4: Gorchuddiwch y belen does a’i rhoi yn yr oergell am 30 munud. Tra bo’r toes yn oeri, cynheswch y maen i wres cymedrol*. Os nad oes gennych faen, gallwch ddefnyddio padell ffrio â gwaelod trwchus yn lle.   

Cam 5: Rhowch y toes ar arwyneb wedi’i flawdio’n ysgafn a’i rolio allan yn ysgafn nes ei fod tua ½ centimetr o drwch. Torrwch y toes yn gylchoedd 7cm a rhowch nhw ar hambwrdd.   

Cam 6:  Irwch y maen twym yn ysgafn gydag olew llysiau. Rhowch y pice ar y maen a’u coginio am 2 funud ar bob ochr, neu nes eu bod wedi coginio drwodd, yna rhowch nhw ar resel oeri, a’u hysgeintio â siwgr mân tra’u bod yn dwym.   

Cam 7: Rhowch y tegell ymlaen! ‘Mae’n well gen i gael pice ar y maen twym, yn syth oddi ar y maen  gyda phaned o de’. Meddai Pat Maddocks o Cakes from Wales.    

Mwynhewch eich pice ar y maen nefolaidd ar gyfer Dydd Gŵyl Dewi!  

Dim amser i dwymo’r maen? Yna archebwch eich pice ar y maen ffres yn syth oddi wrth Pat yn Cakes from Wales a threfnu iddynt gael eu danfon yn syth i’ch drws! 

Awydd paned arall? Yna mae gennym ragor o ddanteithion blasus ar eich cyfer y gellir eu danfon yn uniongyrchol atoch! Rhagor o wybodaeth 

Teimlo’n llawn ysbrydoliaeth? Cofiwch gael cip ar ein ryseitiau eraill ar gyfer Dydd Gŵyl Dewi! 

Ryseitiau Dydd Gŵyl Dewi: Cwrs cyntaf 

gyda Langland's Brasserie 

Ryseitiau Dydd Gŵyl Dewi: Prif gwrs 

gyda'r Beach House Oxwich 

Ryseitiau Dydd Gŵyl Dewi: Pwdin 

gyda Secret Bar and Kitchen