Mae ymweliad â Bae Abertawe yn berffaith i'r sawl sy'n dwlu ar fyd natur sy'n awyddus i ddarganfod y bywyd gwyllt diddorol y mae ein harfordir, ein coetiroedd a'n bryniau tonnog yn gartref iddynt. 

Ymunwch â'r arbenigwr bywyd gwyllt, Iolo Williams, sy'n wyneb cyfarwydd ar y teledu, wrth iddo fynd ar dair taith ysbrydoledig ar draws ein harfordir trawiadol a'n coetiroedd toreithiog, gan rannu rhyfeddodau'r gwanwyn a'r byd naturiol ar hyd y ffordd.

iolo williams mumbles

Natur a Bywyd Gwyllt yn Abertawe a'r Mwmbwls

Mae Iolo yn dechrau ym Mharc Singleton, lle mae 250 erw o laswelltir agored a choed aeddfed yn creu'r llwyfan perffaith i adar cân lenwi'r awyr â'u galwadau.  

Yna bydd yn mynd i Bracelet Bay i archwilio'r pyllau trai a bydd yn ein gwahodd i ddatgelu trysorau cudd y draethlin - o grancod a gwymon i gregyn hardd, ac efallai hyd yn oed pwrs y fôr-forwyn (cas wyau aelod o'r teulu siarcod!). 

Gwyliwch y fideo llawn yma

Natur a Bywyd Gwyllt yn Abertawe Wledig

Yn Abertawe Wledig, mae Iolo'n ymweld â Chronfa Ddŵr Lliw a Choed Cwm Penllergare. Wrth y gronfa ddŵr, efallai y gwelwch chi farcutiaid coch, cnocellau gwyrddion ac, os ydych yn lwcus, dyfrgi hyd yn oed! 

Draw yng Nghoed Cwm Penllergare mae'n dilyn llwybrau coetir heddychlon i ddarganfod y bywyd gwyllt sy'n byw yn y gwlyptiroedd, y llynnoedd, yr afonydd a'r coedwigoedd. Cadwch lygad am ieir dŵr, siglennod llwyd a gleision y dorlan.

Dysgwch ragor am yr adal yma
Iolo williams in Rural Swansea, Kingfisher bird
Iolo williams Gower

Natur a Bywyd Gwyllt ym Mhenrhyn Gŵyr

Am ei daith olaf ar gyfer y gwanwyn mae Iolo'n mynd i benrhyn Gŵyr i archwilio Bae Oxwich a Chefn Bryn. Yng nghuddfan adar Oxwich, mae'n bosib y gwelwch chi ieir dŵr, hwyiaid gwylltion, cwtieir, elyrch a hyd yn oed dyfrgi o bryd i'w gilydd. 
 
Mae Cefn Bryn hefyd yn baradwys i wylwyr adar ac yn gartref i garreg hynafol  Maen Ceti (siambr gladdu Neolithig sy'n frith o chwedlau). Cymerwch gipolwg ar y pyllau am rifft broga a madfallod dŵr - efallai y gwelwch chi fadfall gyflym yn gwibio o gwmpas! 

Darganfyddwch y lleoedd gorau i’w gwylio yma

Ble i fwyta 

Ar ôl yr holl gyffro yn yr awyr agored, cymerwch eiliad i ymlacio gyda siocled poeth i'ch cynhesu neu bryd o fwyd cartref blasus yn un o'n tafarndai gwledig clyd gyda thanau coed, neu mewn bwyty arfordirol sy'n cynnig golygfeydd hardd o'r môr.  

Darganfod lleoedd i fwyta
Welsh house food
Swansea Bay

Ble i aros 

O fflatiau arfordirol gyda golygfeydd ysgubol o'r môr i fythynnod cefn gwlad heddychlon a gwestai ffasiynol yn y ddinas, mae Bae Abertawe, y Mwmbwls a Gŵyr yn cynnig y ganolfan berffaith ar gyfer eich gwyliau neu'ch seibiant byr nesaf

Darganfod lleoedd i aros

Dewiswch Fae Abertawe fel eich Lle Hapus eleni! 

Dewch o hyd i ragor o ysbrydoliaeth ar gyfer eich taith yn croesobaeabertawe.com