Mae Castell Ystumllwynarth ar agor ar benwythnosau yn unig yn ystod mis Hydref, 11am - 5pm 🏰
Mae Castell Ystumllwynarth sy'n sefyll uwchben y Mwmbwls yn cynnig rhai o'r golygfeydd mwyaf trawiadol ar draws Bae Abertawe. Mae'r cadarnle canoloesol rhyfeddol hwn sy'n llawn hanes yn gwahodd ymwelwyr i archwilio'i waliau hynafol, darganfod corneli cudd sydd wedi bod yn angof ers canrifoedd a darganfod sut beth oedd bywyd i'r rheini a fu'n byw yno gynt.
Mae tymor Calan Gaeaf wedi cyrraedd Castell Ystumllwynarth
Ydych chi'n chwilio am hwyl Calan Gaeaf sy'n addas i'r teulu? Ym mis Hydref, mae Castell Ystumllwynarth yn cynnal digwyddiad dychrynllyd sy'n berffaith i ymwelwyr iau a'u hoedolion.
Castell Arswydus– Antur Arswydus Ardderchog Alina 🎃
I'r rhai bach, bydd Calan Gaeaf yn ddigwyddiad difyr yn hytrach na brawychus yn Y Castell Arswydus ddydd Sadwrn 24 Hydref. Ymunwch â'r Arglwyddes Alina, Arglwyddes Wen Castell Ystumllwynarth, a'i ffrindiau hudol am antur fwganllyd nad yw'n frawychus.
Dewch i gwrdd â:
Cownt Crumble - fampir lletchwith sydd ychydig yn ecsentrig
Boris Bumbles - anghenfil annwyl
Mabel Moonbeam - gwrach y castell
Gertie yr ysbryd
Breos - cath y castell
Y Mumblers - sombis cyfeillgar
Nora Batty - ystlum preswyl
Tad y Dreigiau
Flora - garddwr gwallgof y castell
Dilynwch y llwybr antur, mwynhewch straeon bwganllyd a dawnsiwch yn nawns yr angenfilod. Mae croeso i bawb! Anogir i chi wisgo i fyny.
Gatiau’r castell: ar agor am 11am | yn cau am 5pm (mynediad olaf am 3pm).
Sioeau am: 11.30am, 12pm, 12.30pm, 1pm, 2pm a 3pm.
Cost mynediad: £4 y plentyn, £6 yr oedolyn, tocynnau teulu o £12. Mae mynediad am ddim i blant dan bump oed. Nid oes angen cadw lle ymlaen llaw.
Dewch yn gyfaill i Gastell Ystumllwynarth 👥
Ydych chi'n dwlu ar Gastell Ystumllwynarth ac am ei helpu i ffynnu ar gyfer cenedlaethau'r dyfodol?
Mae Cyfeillion Castell Ystumllwynarth yn chwilio am wirfoddolwyr newydd i ymuno â'u tîm cyfeillgar a brwdfrydig. P'un a ydych chi'n frwd am hanes lleol, yn mwynhau cwrdd â phobl newydd neu’n syml am gefnogi'r tirnod poblogaidd hwn, mae dod yn Gyfaill yn ffordd werth chweil o gymryd rhan.
Mae gwirfoddolwyr yn helpu i gefnogi digwyddiadau, gweithgareddau a phrosiectau cymunedol sy'n dod â'r castell yn fyw, wrth ddysgu mwy am ei hanes diddorol a chwrdd â phobl o'r un anian ar hyd y ffordd. Does dim angen profiad, dim ond diddordeb yn y castell a pharodrwydd i gymryd rhan.
Oes diddordeb gennych? Bydden nhw'n awyddus iawn i glywed gennych!
Cofiwch y Dyddiad: Carolau yn y Castell🎄
Marciwch eich calendr a chadwch y dyddiad yn rhydd ar gyfer dydd Sul 20 Rhagfyr wrth i Gastell Ystumllwynarth groesawu digwyddiad poblogaidd Carolau yn y Castell yn ôl. Dewch â'ch teulu a'ch ffrindiau ynghyd ar gyfer carolau Nadolig traddodiadol, adloniant Nadoligaidd, hwyl yr ŵyl a golygfeydd trawiadol ardraws Bae Abertawe.
Y digwyddiad poblogaidd hwn yw'r ffordd berffaith o ddathlu hud y Nadolig yn un o leoliadau hanesyddol mwyaf eiconig Abertawe. P'un a yw'n rhan o'ch traddodiad Nadoligaidd neu’r tro cyntaf i chi ymweld â’r lle, mae Carolau yn y Castell yn addo profiad cofiadwy i bob oedran.
Cyhoeddir rhagor o fanylion y digwyddiad yn agosach at y dyddiad.
