Dewch i ddarganfod Castell Ystumllwynarth Heddiw 🏰
Mae Castell Ystumllwynarth, castell o'r 12fed ganrif, ar agor 11am i 5pm bob dydd. Mae'n llawn hanes a gallwch ddarganfod sut yr oedd pobl yr Oesoedd Canol yn byw ac archwilio rhannau o'r castell sydd wedi cael eu cuddio ers canrifoedd.
Bydd Cyfeillion Castell Ystumllwynarth yn cynnal teithiau tywys AM DDIM yn dechrau am 11.30am bob dydd Mercher, dydd Iau, dydd Gwener a dydd Sul nes diwedd mis Medi. Bydd y teithiau’n rhoi gwybodaeth i chi am hanes y castell yn ogystal â rhannu cyfrinachau a straeon am y rheini a oedd yn byw yn y castell yn y gorffennol.
Gyda rhestr anhygoel o ddigwyddiadau a phrofiadau y gellir ymgolli ynddynt, bydd Castell Ystumllwynarth yn eich cludo i fyd o hud, hanes a chyffro iasol.
21 Mehefin: Llwybr Tylwyth Teg Hud🧚
Bydd ein tylwyth teg swynol a'n coblynnod gwirion yn arwain y plant (a'u rhieni neu ofalwyr) ar hyd llwybr a fydd yn para 30 munud. Byddant yn mynd drwy'r castell dirgel ac yn sleifio heibio coblynnod drwg cyn mynd allan i'r goedwig hud i chwilio am ein tylwyth teg coll. Mae taliadau mynediad arferol yn berthnasol.
Ydych chi'n barod i brofi hud Theatr Awyr Agored?
Bydd Illyria yn dychwelyd i dir Castell Ystumllwynarth gyda pherfformiadau o Pride and Prejudice ar 13 Awst o 7pm a The Wind in the Willows ar 14 Awst o 2pm. Cyflwynir Theatr Awyr Agored i chi gan Cyngor Abertawe.
Bydd ein digwyddiad mwyaf poblogaidd, Diwrnod Tywysogion a Thywysogesau, yn dychwelyd i Gastell Ystumllwynarth ddydd Llun 25 Awst. Bydd cymeriadau o'ch hoff raglenni teledu'n ymuno â ni am ddiwrnod o adloniant, gemau, straeon a mwy. Bydd hefyd cyfle i chi a'ch tywysogion a thywysogesau bach gymryd lluniau gyda'r cymeriadau drwy gydol y dydd.
Cynhelir diwrnod agored blynyddol Castell Ystumllwynarth ddydd Sadwrn 13 Medi. Gallwch ymgolli ym mywyd yr Oesoedd Canol wrth i chi fwynhau arddangosfeydd sy'n arddangos yr hyn mae pobl wedi dod o hyd iddo gan ddefnyddio datgelydd metel yn Abertawe, arddangosfa o fwyd canoloesol, cyfle i greu eich eicon canoloesol eich hun, rhoi cynnig ar wehyddu, dysgu am wisgoedd y cyfnod, chwarae gemau, clywed straeon a chwrdd â dreigiau!
Digwyddiad Calan Gaeaf sy'n cynnig hwyl, nid ofn. Gyda'n hudlathau yn ein dwylo byddwn yn codi ofn ar y gwrachod drygionus a'r coblynnod drewllyd. Bydd gwrachod sy'n adrodd straeon, dewiniaid doniol, dreigiau, a llawer mwy... ond ni fydd unrhyw beth yn codi ofn arnoch!
Mae Digwyddiad Calan Gaeaf Ochr Dywyll Castell Ystumllwynarth yn brofiad hollol unigryw. Mae'r castell yn dywyll ac yn dawel... heblaw am ambell sgrech. Bydd y tywysydd yn adrodd straeon iasoer sydd weithiau'n greulon, weithiau'n bryderus am hanes tywyll Castell Ystumllwynarth... ydych chi'n ddigon dewr i glywed rhagor?
