Wyddech chi fod gan Gymru ei diwrnod arbennig ei hun i ddathlu cariad? Ar 25 Ionawr, rydym yn dathlu Dydd Santes Dwynwen a enwyd ar ôl tywysoges o'r bedwaredd ganrif a nawddsant cariadon Cymru. A chyda Gŵyl Sant Ffolant ar y gorwel mae rhamant yn blodeuo ar draws Bae Abertawe, y Mwmbwls a Gŵyr. Mae gennym ddigon o syniadau ysbrydoledig i'ch helpu i ddangos i'ch cariad faint mae ef neu hi'n ei olygu i chi - o seibiannau rhamantus a theithiau cerdded hyfryd i anrhegion lleol unigryw.
Seibiannau Rhamantus
Dewiswch westy bwtîg chwaethus yng nghanol y ddinas neu deffrowch i olygfeydd ysgubol o'r môr mewn bwthyn arfordirol clyd. Oes well gennych gefn gwlad? Gallwch guddio mewn man gwledig heddychlon sy'n llawn swyn. Mae llawer o opsiynau'n croesawu cŵn hefyd, felly gall eich ffrind blewog ymuno â'r antur.
Mae'n hawdd mynd ar ddêt ym Mae Abertawe. Gallwch ddechrau gyda gyda chinio rhamantus yng ngolau cannwyll i ddau, yna gwylio sioe yn y theatr. Eisiau rhywbeth llai ffurfiol? Gallwch yfed diodydd gan edmygu golygfa hyfryd, mynd am dro ar hyd y bae pan fo’r haul ar fachlud, a gorffen y noson mewn perfformiad lleol.
Ydych chi'n dwlu ar ddiwrnod mas rhamantus? Cymerwch gip ar ein fideo llwybrau rhamantus am ysbrydoliaeth. Cerddwch law yn llaw ar hyd traethau syfrdanol a llwybrau arfordirol troellog penrhyn Gŵyr. Arhoswch i gael coffi a theisen gartref mewn caffi clyd ar hyd y ffordd. Cynheswch mewn sawna braf ar y lan gyda throchiad adfywiol yn y môr i ddilyn!
Ydych chi'n chwilio am y ffordd berffaith o ddweud "Rwy'n dy garu di?" Mae gan Fae Abertawe ddigon o syniadau ystyriol. Prynwch bryd o wystrys ffres i'ch cariad ar lan y môr, neu blaswch gwrw, jin a wisgi lleol. Am rywbeth diamserol, dewiswch llwy garu Gymreig o waith llaw (mae oriel gyfan wedi'i neilltuo i'r rhain yn y Mwmbwls!), neu ewch i farchnadoedd lleol, siopau ac orielau annibynnol i ddod o hyd i waith celf, cerameg a gemwaith unigryw.
