Tre-gŵyr i Benlle'r Castell - Llwybr Gŵyr (y rhan ogleddol)

Dyma’r rhan hiraf o Lwybr Gŵyr. Mae’n daith gerdded gymharol hir, sy’n fwyaf addas i gerddwyr profiadol. Mae rhan ogleddol Llwybr Gŵyr yn rhedeg o’r gogledd i’r dwyrain o Dre-gŵyr drwy Ddyffryn Lliw i gaer adfeiliedig hanesyddol Penlle’r Castell ar gopa Mynydd y Betws.

Crynodeb o’r Daith Gerdded

Gwybodaeth Ddefnyddiol

Gellir dilyn y llwybr cerdded hwn ar fapiau Explorer yr A.O. rhifau 164/165 (1:25,000), a map Landranger yr A.O. rhif 159 (1:50,000).

Mae’n ddoeth gwisgo esgidiau neu fwts cryf a dillad dwrglos.

Mae’r rhan hon o Lwybr Gŵyr yn croesi nifer o nentydd a gall rhai rhannau fod yn wlyb dan draed. Tua diwedd y daith gerdded, mae’n bosib y bydd cwmpawd yn ddefnyddiol iawn.

Manylion y daith gerdded

Ceir manylion llawn y daith gerdded hon yn nhaflen ‘Gower Way: Gowerton to Penlle’r Castell’ Cymdeithas Gŵyr.

Uchafbwyntiau

• Mae’r daith gerdded hon yn esgyn drwy ddyffryn Lliw, lle gwelir amrywiaeth o dirweddau naturiol ac o waith dyn.
• Cadwch lygad am ‘garreg lofruddio’ Felindre wrth Gapel Nebo.
• Yn ardal brydferth Dyffryn Lliw Uchaf, mae gennych siawns go dda o weld yr hebog tramor, cigfrain a’r barcud coch.
• Credir mai adfeilion caer amddiffynnol o’r 13eg ganrif yw Penlle’r Castell ar Fynydd y Betws, a adeiladwyd gan un o arglwyddi’r Mers i amddiffyn gogledd Gŵyr rhag cystadleuwyr.

Daw’r wybodaeth uchod o: Gower Way:  Gowerton to Penlle’r Castell gan Gymdeithas Gŵyr.

Rhagor o wybodaeth

Tîm Mynediad i Gefn Gwlad Cyngor Abertawe

# 01792 635746 neu 01792 635230
@ countrysideaccess@swansea.gov.uk
www.abertawe.gov.uk/mynediadcefngwlad

Rhagor o ddolenni
i swanseabaywithoutacar.co.uk
i www.traveline-cymru.org.uk

Gyda bron 400 milltir o hawliau tramwy, mae Bae Abertawe’n cynnig nifer o lwybrau cerdded cofiadwy, o deithiau byr i deuluoedd sy’n mynd heibio nifer o eglwysi a thirnodau bach yn yr ardal, i lwybrau i bobl fwy profiadol, gyda golygfeydd syfrdanol o Benrhyn Gŵyr. Rhagor o wybodaeth: