Mae’n werth ymweld â Gerddi Clun dim ond am y golygfeydd ysblennydd dros y bae, a hynny cyn i ni ddod at y casgliadau enwog o Rododendronau, Pieris ac Enkianthus.
Cafodd y gerddi eu sefydlu’n wreiddiol yn y bedwaredd ganrif ar bymtheg pan brynodd William Graham Vivian Gastell Clun ym 1860 gan wario arian a threulio amser helaeth i’w ddatblygu er mwyn dangos ei gyfoeth.
Mae’r gerddi fel y maent heddiw yn dangos dylanwad mawr Algernon Vivian, a oedd yn cael ei alw’n admiral. Roedd ef wedi noddi sawl alldaith dramor i gasglu planhigion prin.
Ond nid yw cynifer o bobl â hynny sy’n mwynhau Gerddi Clun yn gwybod mai olion Coedwig Normanaidd Clun yw’r coetir derw hynafol. Allwch chi ddychmygu sut roedd hi bryd hynny?
Darganfod rhagor….
