Oystermouth Castle

Oriau Agor
Ar agor bob dydd 1 Ebrill - 30 Medi
11am - 5pm (mynediad olaf 4.30pm)


Costau Mynediad
- Safonol £6
- Consesiynau £4
- PTL Abertawe £3
- Tocyn Teulu (2 oedolyn a 3 phlentyn) £18
- Tocyn Teulu (1 oedolyn a hyd at 3 o blant) £12
- Plant dan 5 oed am ddim
- Tocyn Tymor ar gael - holwch yn y castell

Castell Ystumllwynarth - Cynnig Mynediad am Ddim i Blentyn
Yn codi'r plant o'r ysgol? Yn chwilio am rywbeth rhad i'w wneud? Beth am ymweld â Chastell Ystumllwynarth?

Mae'n werth ymweld â Chastell Ystumllwynarth, sydd wedi bod yn edrych dros bentref y Mwmbwls ers canrifoedd, ar unrhyw adeg, ond ar ddiwrnodau'r wythnos yn ystod y tymor ysgol mae mynediad am ddim i blant ysgolion cynradd ar ôl 3pm.

Mae'r cynnig yn agored i bob plentyn sy'n mynd i ysgol gynradd yn ardal Cyngor Abertawe sy'n gwisgo gwisg ysgol ac sydd yng nghwmni oedolyn - £2 yn unig!

Cynnig ar ôl 3pm, o ddydd Llun i ddydd Gwener, ac ar gael yn ystod y tymor yn unig. Mynediad olaf am 4.15pm a'r gatiau'n cau am 5pm.

Lleolir Castell Ystumllwynarth ar ben y bryn yn y Mwmbwls gan gynnig golygfeydd trawiadol dros Fae Abertawe.

Mae dros 600 o gestyll yng Nghymru, ond does dim llawer â golygfa well na'r un yma!

Dros y blynyddoedd diwethaf mae'r castell wedi bod yn destun gwaith cadwraeth i sicrhau bod y castell yn ddiogel ac yn gynaliadwy ar gyfer y dyfodol rhagweladwy. Nawr gall y cyhoedd archwilio rhannau o'r castell sydd wedi bod yn gudd ers canrifoedd a dysgu am hanes cyffrous y castell.

Mae nodweddion yn cynnwys celf graffiti hynafol o'r 14eg ganrif a gall pobl ddod i archwilio'r ddrysfa ganoloesol o gromgelloedd dwfn a grisiau cudd a mwynhau golygfeydd gwych ar draws Bae Abertawe.