Bwthyn cerrig clyd ym mhentref Reynoldston yng nghanol bro Gŵyr. Dyma'r lleoliad perffaith am wyliau hunanarlwyo, o fewn cyrraedd hwylus i holl draethau a mannau prydferth yr Ardal o Harddwch Naturiol Eithriadol hon.

Mae lle i hyd at 5 person gysgu ym mwthyn Blackheath, ac mae wedi'i adnewyddu yn y blynyddoedd diwethaf i safon uchel iawn. Ceir llawer o nodweddion megis waliau cerrig datgeledig a lloriau pren wedi'u cyfuno â dyluniad cyfoes fodern, cegin wych, ynghyd â Wi-Fi a theledu Sky. Dyfarnwyd 4 seren iddo'n ddiweddar gan Groeso Cymru.

Dyma nodweddion allweddol y bwthyn:

Cegin wych gyda ffyrnau nwy a thrydan, peiriant golchi llestri, peiriant golchi a sychu ac oerydd gwin. Mae'r gegin yn arwain i batio yn yr ardd gefn a'r ystafell fwyta.

Ystafell fwyta gyda bwrdd a chadeiriau pren pinwydd, drysau Ffrengig sy'n arwain i'r patio cefn, a cheir to llusern i wylio wybrennau anhygoel bro Gŵyr wrth giniawa.

Lolfa gyda soffas cyfforddus, stôf goed, teledu â chwaraeon a ffilmiau Sky, a chwaraewr DVD, llawer o gemau bwrdd a detholiad o lyfrau am fro Gŵyr.

Ystafelloedd gwely gyda gwelyau hynod gyfforddus. Mae'r ystafell wely flaen yn edrych dros nant a chae, ac mae gwely dwbl bach a gwely sengl ynddi. Mae'r ystafell wely gefn yn edrych dros yr eglwys leol, gyda golygfeydd o Fynydd Rhosili, ac mae gwely dwbl mawr yno. Caiff dillad gwely a thywelion ystafell ymolchi eu cynnwys yn y pris.

Mae'r ystafell ymolchi ar y llawr gwaelod ac mae cawod bwerus a bath mawr ynddi.

Mae'r gerddi yn y blaen a'r cefn yn rhai diogel a cheir celfi gardd a barbeciw.

Gellir cerdded o'r bwthyn i westy/bwyty/tafarn The King Arthur mewn ychydig funudau. Mae'r gwesty'n addas i blant ac mae'n cynnig bwyd a diod da bob awr o'r dydd. Mae siop ar gael i fyny'r lôn hefyd lle gellir prynu hanfodion.