Mae albwm 1973 Pink Floyd, ‘The Dark Side of the Moon’ yn un o’r albymau mwyaf dylanwadol a fu erioed. Mae cynhyrchiad cyffrous newydd Think Floyd yn cynnwys y campwaith cyfan, yn ogystal â’r amrywiaeth cyfan o’r Pink Floyd nodweddiadol o Wish You Were Here, The Wall, The Division Bell, Animals a mwy.
Mae Nick Mason o Pink Floyd yn dweud bod y band yn “Wych! Maen nhw’n wirioneddol dda.” Mewn cyfweliad ar LBC, canmolwyd Think Floyd gan y drymiwr enwog a ddywedodd, yn hael, eu bod “yn well na ni”.
Mae Think Floyd yn ymfalchïo mewn ail greu cerddoriaeth ddigyfnewid Pink Floyd yn gywir, a chyda’u tîm ymroddedig o beirianwyr sain a golau’n gefn iddynt, ynghyd â sioe laser drawiadol, bydd y cynhyrchiad cyffrous hwn yn ail greu holl awyrgylch, mawredd gweledol a rhagoriaeth gerddorol Pink Floyd yn fyw ar y llwyfan.
