Yn Stoke-on-Trent yn y saithdegau cynnar, roedd bachgen ifanc o’r enw Gordon Hendricks yn perfformio i gynulleidfa ddychmygol. Roedd yn harmoneiddio gyda thrac sain parhaus yr oedd ei chwiorydd yn ei chwarae dro ar ôl tro. Roc a rôl oedd y gerddoriaeth. Elvis oedd yr artist.
Ychydig a wyddai bryd hynny y byddai ei berfformiad yn ei gartref yn arwain at
yrfa syfrdanol yn dynwared y Brenin ac yn gweithio gyda cherddorion enwog dros y blynyddoedd i ddod.
Yn ystod ei berfformiadau karaoke ar ‘Stars in their Eyes’, aeth o ennill yr ail wobr i ennill y gyfres gyfan trwy ennill y nifer mwyaf o bleidleisiau erioed. Fe’i gwyliwyd gan 12 miliwn o bobl, a oedd wedi’u syfrdanu’n llwyr. Ac nid yn unig y cyhoedd oedd wedi’i synnu. Roedd cyfansoddwr caneuon Elvis ei hun, Geoff Morrow, yn gwylio hefyd.
Wedi’i swyno gan lais Gordon, a oedd yn ‘ail-greu ysbryd y gân’, penderfynodd Geoff gyflogi Gordon gyda’i label, a recordiodd y ddau’r gân “Where Will I Be”, sef cân a ysgrifennwyd yn wreiddiol ar gyfer Elvis.
Mae Gordon wedi derbyn sawl anrhydedd. Ei anrhydedd gorau oedd ennill gwobr ‘Ultimate Elvis Tribute Artiste Champion 2017’ ar y llwyfan yn Graceland am yr ail dro, gan gystadlu yn erbyn artistiaid o bedwar ban byd.
Mae wedi teithio’r byd a nawr mae’n dychwelyd adref. Mae ‘The King’s Voice’ yn eich tywys ar daith yn ôl i’r gorffennol, o’r perfformiad arbennig hwnnw yn ’68 i’r cyfnod yn Vegas, ac yn dod â baledi a chaneuon enwog Elvis yn fyw. Dim ond un Elvis Presley sydd a dim ond un person sy’n gallu dynwared ei ysbryd ar y llwyfan – Gordon Hendricks.
