Ar ôl perfformio bron i 200 o sioeau ers 2019, mae ‘A Taste of Ireland – The Irish Music & Dance Sensation’ yn mynd ar daith o’r DU. Dewch i brofi’r perfformiadau sydd wedi diddanu cynulleidfaoedd ar draws y byd wrth i ‘A Taste of Ireland’ gyflwyno rhagor o berfformiadau yn 2023. Bydd yn cynnwys dawnswyr Gwyddelig clodwiw, cerddorion gwerin arbennig a chantorion cyfoes ac yn adrodd stori wreiddiol gref a rhythmig y famwlad Geltaidd.
Gallwch ddisgwyl caneuon Gwyddelig poblogaidd fel rhan o gymysgedd byw, egnïol y sioe o ganeuon adnabyddus, brwydrau tap acapella anhygoel, dawnsio o’r radd flaenaf, cymysgedd o gerddoriaeth werin alawol a chwerthin di-ri wrth iddynt adrodd stori hanes terfysglyd Iwerddon mewn cynhyrchiad trawiadol gyda goleuadau gwych.
Gan gynnwys delweddau golygfaol hyfryd, hudoliaeth ac adroddiadau barddonol, mae ‘A Taste of Ireland’ yn cyfuno rhythmau cyffrous ac emosiwn calonogol i greu arddangosiad cyfoes o ddawns Wyddelig a fydd yn eich gadael yn awchu am ragor.
Mae ‘A Taste of Ireland’ yn cyflwyno’r dalent orau o bob cwr o’r byd, gan gynnwys dawnswyr o Lord of the Dance, Riverdance a Gaelforce Dance yn ogystal â chriw gwych o bencampwyr dawnsio Gwyddelig.
Mae ‘A Taste of Ireland’ yn addo’r canlynol, blas ar bopeth rydych chi’n ei fwynhau am Iwerddon a mwy!
Dewch i fwynhau un o’r sioeau cerddoriaeth a dawns Wyddelig fwyaf blaengar yn y byd heddiw.
