Bydd yn ddigwyddiad rhyngweithiol, cyflym gydag amrywiaeth o siaradwyr a chysylltiadau fideo o bob cwr o’r byd gan gynnwys cyn-fyfyrwyr llwyddiannus Y Drindod Dewi Sant, a bydd yn rhoi cyfle i fynychwyr rwydweithio a chwrdd ag arbenigwyr yn y diwydiant.
Y ffocws ar gyfer y digwyddiad eleni yw Cymru i’r Byd a bydd yn cynnwys cwmnïau teithio, gweithredwyr teithiau, asiantau teithio, atyniadau i dwristiaid, llongau mordeithio, lleoliadau digwyddiadau, arenâu, stadia, teithiau chwaraeon, gwestai, cyrchfannau, canolfannau cynadledda, gwyliau, gweithgareddau awyr agored, a darparwyr lletygarwch – gan roi blas i fyfyrwyr o’r ystod eang o gyfleoedd sydd ar gael ar draws y diwydiant yng Nghymru ac ar draws y byd.
