Arddangosfa Glynn Vivian.
Ystafell 3
Mae Helen Sear yn un o artistiaid mwyaf clodwiw Cymru. Yn ei gwaith, symudir yn ddi-dor rhwng syniadau estynedig o ffotograffiaeth, cerfluniaeth a fideo. Yr arddangosfa hon yw cyflwyniad cyntaf y gwaith hwn yn y DU a gomisiynwyd yn wreiddiol ar gyfer Cymru yn Fenis 2015.
Mae’r gwaith yn seiliedig ar Gymru wledig, sef amgylchedd lleol Sear. Mae ei gwaith yn archwilio syniadau o farwoldeb a byrhoedledd drwy gyfres o ddelweddau lle gwelir bod tirweddau amaethyddol ar gyfer cynhyrchu a’u defnyddio yn bodoli fel mannau hudol ar yr un pryd, gan greu argraff ar gorff a meddwl y gwyliwr. Mae ffotograffau a fideos Sear yn archwilio’r ddelwedd fel cerflun, lle mae’r artist yn cyfuno gwahanol gyflymderau o edrych, graddfeydd ffisegol cyferbyniol, lliw a phresenoldeb materol lliwgar.
Curadwyd yr arddangosfa …mwg yw’r gweddillgan Stuart Cameron ar ran Ffotogallery ac fe’i comisiynwyd gan Gyngor Celfyddydau Cymru. Bydd yr arddangosfa’n teithio i Crescent Arts, Scarborough, Oriel Impressions, Tŷ Bradford a Hestercombe, Gwlad yr Haf yn 2018.
Llun: Helen Sear, yng nghwmni coed, 2015
