Dydd Gwener 28 Gorffennaf, 1pm – 4pm
Eleni rydym yn dathlu 70 o flynyddoedd ers y perfformiad llwyfan cyntaf erioed o ddrama enwog Dylan, ‘Under Milk Wood’, sydd wedi’i gosod mewn pentref bach glan môr yng Nghymru. Yn y gweithdy hwn, gallwch wneud eich adeilad bach clai eich hun wedi’i ysbrydoli gan rai o’r cartrefi, y siopau a’r lleoliadau yn ei dref ffuglennol, Llareggub.
Mae’r gweithdy hwn yn addas i blant 4 oed hyd at oedolion, mae croeso i blant bach ond efallai y bydd angen cymorth ychwanegol gan riant/warcheidwad.
Mae ein holl weithdai wedi’u cynllunio gyda hygyrchedd mewn golwg; cysylltwch â’r Ganolfan os hoffech drafod gofynion mynediad.
Mae lle i 35 o bobl yn ein man gweithdy. Os nad oes lle ar gael yn syth pan fyddwch yn cyrraedd, bydd llwybr a gweithgareddau i’w harchwilio yn ein harddangosfa.
