Mae adloniant yr haf yn dechrau yng Nghanolfan Fferm Clun gyda noson ryngwladol o farddoniaeth, cerddoriaeth a dawns o Gymru ac India sy’n cynnwys Tishani Doshi a Steve Balsamo ar 6 Gorffennaf (7.30pm).
Ganed y bardd, yr awdur a’r dawnsiwr Tishani Doshi yn India. Yn ferch i rieni Cymreig a Gujarati, mae’n awdur ac yn ddawnsiwr toreithiog sydd wedi perfformio ym mhedwar ban byd. Roedd ei hymddangosiad diweddaraf yng Ngŵyl y Gelli lle bu’n cyfweld â’r awdur Salman Rushdie yn lansiad ei nofel ddiweddaraf. Roedd ei nofel gyntaf The Pleasure Seekers, yn gomedi goleuol a oedd yn dod â’i hetifeddiaeth ynghyd – India a Chymru.
Derbyniodd llyfr barddoniaeth diweddaraf Tishani, Girls Are Coming Out of the Woods, ganmoliaeth enfawr yn 2017 a lansiwyd argraffiad y DU yng Ngŵyl y Gelli fis diwethaf a gyhoeddwyd gan Bloodaxe Books. Mae hi’n gyn-feirniad Gwobr Ryngwladol Dylan Thomas Prifysgol Abertawe ac mae’n ysgrifennu colofn reolaidd ar gyfer y papur newydd, The Hindu.
Dywed Ms Doshi sydd yng Nghymru fel gwestai ym man geni Dylan Thomas, “Rwy’n hynod gyffrous am berfformio am y tro cyntaf yn Abertawe ac mae’r cyfle i aros ym man geni Dylan Thomas am ychydig ddiwrnodau’n gwireddu breuddwyd.”
Ganed Steve Balsamo yn Abertawe, ac mae’n adnabyddus am chwarae’r brif ran yng nghynhyrchiad Llundain o Jesus Christ Superstar, a arweiniodd at bennawd cofiadwy “The Son of God is Welsh!”
Mae Balsamo hefyd yn gyfansoddwr mawr ac mae wedi cael llwyddiant yn Ewrop ac Awstralia gydag artistiaid megis Meat Loaf, Anthony Callea, Jonathan Cerrada, a Slash o Guns N’ Roses. Gyda’i fand, The Storys, mae wedi cefnogi Tom Jones, Santana, Celine Dion, Sinéad O’Connor, Runrig, Van Morrison, Katie Melua, a hefyd Elton John, ar ddau o’i deithiau Ewropeaidd.
Bydd y digwyddiad yn cyflwyno’r gantores ifanc o Lanelli, Daisy Owens o Loud Applause Rising Stars a bydd y noson yn cael ei harwain gan yr awdur a’r darlledwr, Alun Gibbard, y daeth ei lyfr diweddaraf Into the Wind – hunangofiant yr hyfforddwr rygbi a’r person deallus, Carwyn James – a dyma’r llyfr a ddaeth yn ail yng ngwobrau Llyfr Rygbi Prydeinig y Flwyddyn 2018.
Nos Wener 6 Gorffennaf 2018 am 7.30pm (drysau’n agor am 6.00pm, bydd bar a byrbrydau Cymreig ac Indiaidd ar gael)
£10 (£9 consesiynau) ymlaen llaw. £12 ar y drws.
I brynu tocynnau, ffoniwch 01792 403333 neu ewch i www.clynefarm.com/tickets
I brynu tocynnau, ffoniwch Geoff Haden 07506064973
