Os ydych wedi bod yn dioddef symptomau diddyfnu yn dilyn yr Ewros, peidiwch â phoeni…mae ymgyrch newydd yr Uwch-gynghrair ar y gorwel ac mae’n ymddangos yn un cyffrous iawn! Mae rhai o enwau enwocaf byd pêl-droed yn ymuno â’r Uwch-gynghrair ar gyfer y tymor hwn. Gydag enwau fel Mourinho, Guardiola a Conte ar fin ychwanegu Bae Abertawe i’w rhestr cyrchfannau eleni, rydym yn cyfri’r munudau tan yr ymgyrch newydd.
Yma ym Mae Abertawe rydym yn bwriadu rhoi’r profiad gorau o’r Uwch-gynghrair i gefnogwyr oddi cartref. Gyda’n traethau arobryn, golygfeydd gwefreiddiol, amrywiaeth o weithgareddau a lleoedd gwych i fwyta ac yfed, rydym yn hyderus y byddwch yn dychwelyd adref yn hapus, beth bynnag yw canlyniad eich tîm yn Stadiwm Liberty y tymor hwn.
Os ydych yn cynllunio’ch teithiau oddi cartref ar gyfer y tymor sydd ar ddod, byddwch yn siŵr o ychwanegu Bae Abertawe at frig eich rhestr.
Dyma rai rhesymau pam…
Dewis helaeth o leoedd gwych i aros ynddyntO fythynnod a charafanau cartrefol i westai a lletyau gwely a brecwast cyfleus, nid yw Bae Abertawe’n brin o leoedd i aros ynddynt. Beth bynnag yw’ch dewis neu’ch cyllideb, mae’r lleoliad perffaith ar gyfer eich ymweliad chwaraeon yn aros amdanoch.
Am gadw’r adrenalin i fynd ar ôl cyffro’r gêm? Beth am gael antur ym Mae Abertawe? O anturiaethau arferol i rai unwaith mewn oes, mae gennym ddigon o weithgareddau dan do ac awyr agored sy’n addas i’r teulu cyfan, gan gynnwys y rhai bach a mawr, y rhai anodd eu plesio a’r rhai sy’n ifanc eu hysbryd!
Bwyd cyn ac ar ôl y gêm o’r radd flaenafMae gan Abertawe amrywiaeth eang o opsiynau bwyd a diod, o siopau coffi a chaffis cartrefol i fwytai a bwyd tafarn traddodiadol. Ychwanegwch beth hufen iâ o’r radd flaenaf – efallai mae’n bryd anghofio am y pei arferol cyn y gêm!
Os hoffech anghofio’r gêm a’r canlyniad, bydd ein golygfeydd godidog a thros 400 milltir o lwybrau cerdded yn eich helpu. Mwynhewch olygfeydd panoramig o lwybr arfordirol darluniadol Gŵyr, llynnoedd a rhaeadrau Coed Cwm Penllergaer, a 5 milltir Bae Abertawe gyda golygfeydd gogoneddus draw i’r Mwmbwls. Cofiwch ddod â’ch camera, byddwch chi am fynd â’r golygfeydd adref!
Neu ddathlu mewn steil!Ar ôl cicio pob pêl, penio pob gôl a chlirio pob pêl gyda’ch tîm, beth am ddathlu (neu gydymdeimlo!) yn un o’n barrau neu fwytai niferus. Os ydych yn chwilio am leoedd i ymlacio mae yna ddigon i ddewis ohonynt.
