Mae Bythynnod Cwm Siôn, enillwyr Llety Hunanarlwyo Gorau Gwobrau Twristiaeth Bae Abertawe yn 2012 ac yn 2014 yn ddihangfa foethus 5 seren i gariadon neu deuluoedd. Mae'r bythynnod glöwyr Fictoraidd sydd wedi'u hadnewyddu a'u hestyn, yn llawn, mewn pentref heddychlon â nant befriol gerllaw, mewn man delfrydol i gyrraedd traethau arfordir Gŵyr yn ogystal â Pharc Cenedlaethol Bannau Brycheiniog, Gwlad y Sgydau ac ogofâu arddangos Dan-yr-Ogof.

Mae'r gerddi hardd wedi ennill y Gystadleuaeth Bwrdeistref yn ei Blodau 2 flynedd yn olynol ac mae'r perchennog croesawgar, Fiona, sy'n byw 2 funud i ffwrdd, yn darparu perlysiau ffres i goginio yn y gegin sy'n cynnwys amrywiaeth eang o offer defnyddiol. Darperir hanfodion bwrdd cwpwrdd (olew olewydd, finegr gwin, perlysiau, halen, pupur ffres, te, coffi, siwgr, etc.) ac mae Fiona yn croesawu lletywyr gyda blodau ffres a'i bara brith cartref yn ogystal â phot o fêl o'u gwenyn.

Mae lle i 6 pherson gysgu mewn tair ystafell wely ym mhob bwthyn ynghyd ag ystafell ymolchi deulu a chawod/ystafell wlyb ar y llawr gwaelod. Gellir trefnu aros ynddynt ar wahân neu gyda'i gilydd gyda lle hyd at 12 o bobl gan gynnwys dau blentyn. Darperir cotiau, cadeiriau uchel a gatiau grisiau. Mwynhewch gwtsio o flaen y tân - ie, hyd yn oed yn yr haf mae'n bleser - neu fwyta yn yr awyr agored ar y patio preifat yn gwrando ar y nant, sy'n gartref i'r siglennod melyn ac ambell grëyr, wrth iddi lifo i lawr ochr yr heol o Fynydd y Gwrhyd.

Mae ystafell sychu cyfarpar ac ystafell storio beiciau diogel yn gwneud hyn yn fan cychwyn gwych i gerddwyr a beicwyr yn ogystal â syrffwyr sy'n awyddus i roi cynnig ar y tonnau ar draethau syrffio gorau Gŵyr. Darperir Wi-Fi/mynediad i'r rhyngrwyd am ddim yn ogystal â gwybodaeth gynhwysfawr i dwristiaid ac mae'r bythynnod yn un o'r bythynnod gwyliau mwyaf poblogaidd ar TripAdvisor. Rydym yn edrych ymlaen at wneud eich amser yma yn arbennig.

Cymerwch gip ar ein hadolygiadau ar TripAdvisor