Yn dysgu syrffio i ddechreuwyr a'r rhai sydd am wella. Wedi'i berchenogi a'i reoleiddio gan Ffederasiwn Syrffio Cymru, y corff llywodraethu cenedlaethol ar gyfer syrffio yng Nghymru. Sefydlwyd ym 1981.

Mae ysgol syrffio'r WSF yn addysgu syrffio i ddechreuwyr pur a'r rhai sydd am wella.

Darperir yr holl gyfarpar ym mhob gwers.

Rydym yn defnyddio byrddau syrffio nofiadwy a diogel er mwyn ei gwneud hi'n haws i ddysgu syrffio.

Mae gennym amrywiaeth eang o siwtiau dŵr ar gyfer yr haf a'r gaeaf i ddynion, menywod a phlant ynghyd ag esgidiau siwt ddŵr.

Mae gan yr holl hyfforddwyr ddyfarniadau Hyfforddwyr Syrffio ac Achubwyr Bywyd Traeth ynghyd â datgeliadau GDG/SCT. Mae gennym hanes profedig o addysgu mewn ffordd ddifyr ac effeithiol am ein bod wedi cynnal gwersi yn Llangynydd ers dechrau'r 1980au.

Ffederasiwn Syrffio Cymru, sef y corff llywodraethu nid er elw ar gyfer syrffio yng Nghymru, sy'n berchen ar yr ysgol syrffio. Fel ysgol syrffio a gymeradwyir gan Ffederasiwn Syrffio Cymru, rydym yn gweithredu mewn ffordd lle'r ystyrir mai diogelwch yw'r gofyniad pwysicaf mewn gwers.

Ni yw'r unig ysgol syrffio â chanolfan barhaol yn Llangynydd ym mro Gŵyr.

Ar agor o ddechrau'r gwanwyn tan ddiwedd yr hydref bob dydd yn y tymor brig ac ar ddyddiadau dethol fel arall. Argymhellir eich bod yn cadw lle, ond nid yw bob amser yn angenrheidiol.