Greenways of Gower

Mae Parc Hamdden Greenways of Gower wedi'i leoli ar 25 erw hardd a phreifat, yn edrych dros Fae godidog Oxwich yng nghanol penrhyn Gŵyr, ardal o harddwch naturiol eithriadol ddynodedig gyntaf Prydain.

Gyda'i gyfuniad o olygfeydd godidog, ac ystod eang o gyfleusterau, mae Parc Hamdden Greenways of Gower yn awyrgylch berffaith ar gyfer gwyliau teuluol ar benrhyn Gŵyr, os ydych chi'n aros yn eich carafán sefydlog eich hun, neu'n dod i wersylla gyda'r teulu.
Cwmni teuluol yw Greenways sy'n wych i deuluoedd gyda'r prif barc yn cynnwys carafanau sefydlog eiddo preifat a phedwar maes gwersylla tuag at gefn y parc*.

Mae'r maes gwersylla hardd ar gael trwy'r holl dymor gwersylla, o'r Pasg neu 1 Ebrill i ddiwedd mis Medi bob blwyddyn. Mae ein bloc cawodydd sydd wedi'i adnewyddu yn cynnwys cyfleusterau modern, gan gynnwys gwres dan y llawr trwy'r lle i gyd er cysur a hwylustod i chi. Mae'r pedwar maes gwersylla'n fawr iawn ac mae gan y caeau uchaf y golygfeydd mwyaf trawiadol, yn edrych ar draws bae Oxwich a'r cefn gwlad gyfagos. Mae llawer o deuluoedd yn dychwelyd bob blwyddyn ac ar gyfartaledd byddai 93% o bobl yn argymell ein maes gwersylla i ffrind**.

Hefyd mae gennym far lolfa i deuluoedd ar y safle gydag ystafell gemau, ystafell snwcer ac adloniant yn ystod misoedd yr haf.

Mae pob un o'n tai gwyliau sefydlog yn eiddo preifat ac yn cynnig lle ar lan y môr am gyfnod trwyddedig. Rydym yn cynnig amrywiaeth o garafanau newydd ac ail-law gan nifer o weithgynhyrchwyr blaenllaw. Mae ein meysydd carafanau sefydlog yn helaeth ac mae gan y rhan fwyaf ohonynt y golygfeydd gorau ar draws arfordir Gŵyr.

£17 - £27 y nos ar gyfer pebyll.

* Sylwer, ni fyddwn yn gosod carafanau am seibiannau byr gan eu bod yn eiddo preifat yn unig.
**pitchup.com Ionawr 2014.