CHWARAEON BARCUT
Rydym yn ffodus i gael cefndir trawiadol a lleoliad delfrydol ar gyfer addysgu cyrsiau pŵer-farcuta, tirfyrddio â barcut, cyrsiau bygi-farcuta a syrffio barcut.

Mae Gower Kitesurfing wedi bod yn addysgu pobl ym mhob agwedd ar chwaraeon barcut am 13 blynedd ac rydym bob amser yn ceisio'ch annog i berfformio ar eich gorau, beth bynnag yw'r gamp rydych yn dewis ei dysgu gyda ni.

P'un a ydych yn dewis defnyddio barcut pŵer ar y tir, cael eich tynnu ar draws y tywod mewn bygi neu'n rhoi cynnig ar eich ôl-ddolen syrffio barcut gyntaf, rydym bob amser wrth eich ymyl, ar bob cam.

Yr Hanfodion
Mae'r cyfan yn dechrau gyda phŵer-farcuta - gyda phwyslais ar gael hwyl, cewch eich cyflwyno i farcut pŵer ffoil 2 neu 4 llinell ar gyfer y tir a byddwch yn dysgu agweddau ar osod a lansio, diogelwch sylfaenol a rhagofalon hedfan.

Bygi-farcuta a thirfyrddio â barcut
Mae dysgu i fygi-farcuta neu dirfyrddio â barcut yn gymharol hawdd. Rydym yn dechrau gyda chyflwyniad sylfaenol i farcut pŵer bach ac yn gweithio ar eich sgil i'w feistroli cyn rhoi barcut mwy pwerus i chi sy'n gallu'ch tynnu, naill ai ar eich eistedd mewn bygi, neu wrth i chi sefyll ar fwrdd mynydd.
Mae sesiynau'n para rhwng 2 a 3 awr - gan roi'r holl amser a gwybodaeth ym mae eu hangen arnoch i'w feistroli.

Ar gyfer syrffio barcut/barcut-fyrddio
Mae syrffio barcut yn anos i'w feistroli na barcuta ar dir. Mae'r barcutiaid sy'n cael eu defnyddio ar gyfer syrffio barcut yn bwerus iawn, felly mae angen parch a rheolaeth. Mae ymrwymiad hefyd yn ffactor pwysig ac mae'n gamp anodd ei dysgu heb i chi ddeall pob agwedd yn llwyr. Bydd angen i chi ofyn i chi'ch hun a oes gennych yr amser a'r awydd i syrffio barcut.

Bydd unrhyw brofiad o 'chwaraeon bwrdd' fel eirafyrddio neu sglefrfyrddio'n bendant yn eich helpu i wneud cynnydd, ond ein nod yw ceisio sicrhau eich bod yn ymgyfarwyddo â'ch cyfarpar fel bod hedfan barcut fel 'clymu'ch carrai'.