Dyluniwyd Byngalo Gwyliau Bramwood ar gyfer pobl sy’n defnyddio cadair olwyn, pobl anabl neu bobl anabl gyda phobl eraill i'w cynorthwyo, ac mae'n unigryw i fro Gŵyr.
Yn Bramwood, rydym yn cynnig cyfle unigryw i deuluoedd fwynhau seibiant gyda mynediad i gyfarpar arbenigol, mewn Ardal o Harddwch Naturiol Eithriadol.

Mae Byngalo Gwyliau Bramwood ar lôn dawel, heddychlon a choed ar ei hyd ym mhentrefan Pitton ar lethrau Mynydd Rhosili.

Mae sawl busnes sy'n cynnig mynediad i'w hamwynderau ym mro Gŵyr ac ymhellach i ffwrdd yn Abertawe.

Un o'r newidiadau mawr a gafwyd yn Abertawe yw y gall y ddinas ddweud bellach ei bod wedi agor chwe chyfleuster Changing Places.

Mae gennym ganolfan Surfability ym Mae Caswell hefyd, a ymddangosodd yn rhaglen Children in Need y BBC, ac mae'n rhoi cyfle i blant ac oedolion anabl roi cynnig ar syrffio.

Fodd bynnag, rhestrir sawl traeth hygyrch ar wefan Bae Abertawe. Ewch i'n tudalen cysylltiadau i gael rhagor o wybodaeth.

Rydym yn ein 4edd flwyddyn o weithredu cartref gwyliau hygyrch ym mro Gŵyr. Gwyddwn ein bod yn cynnig cartref gwyliau mawr ei angen.

Dyfarnwyd 4 seren i ni gan Groeso Cymru am y 3edd flwyddyn a gwnaed sylw ar ein basged groeso llawn cynnyrch lleol. Draig o'r enw Sizzle yw ein masgod a chewch fynd â hi adref gyda chi. Mae croeso i chi dynnu lluniau o Sizzle a'u rhannu ar gyfryngau cymdeithasol.

Mae Bramwood mewn lleoliad gwych i lawr lôn oddi ar y briff ffordd i Rosili, felly mae'n dawel ac yn heddychlon, ond yn ddigon agos i benrhyn Gŵyr.

Un o'r lleoedd y mae'n rhaid ymweld ag ef yw Rhosili. Gallwch yrru yno a chael diod yn yr ystafelloedd te lleol neu fynd i'r dafarn.

Neu gyrrwch i Perriswood am brynhawn o ddysgu sgiliau hebogyddiaeth a saethyddiaeth.

Daw ein safbwynt ar yr hyn rydym yn ei ddarparu o wybodaeth am deithio gyda'n mab sy'n anabl, felly rydym wedi profi aros mewn lle heb gawod/gomôd na sling a allai godi'r teulu cyfan a theimlo fel mynd adref ar ôl tridiau.